Génesis 15:5 - Li Santil hu

⁵ Li Dios quixcꞌam laj Abram chirix cab ut quixye re: —Ilon takecꞌ. Il ma tatru̱k rajlanquileb li chahim. Joꞌcan ajcuiꞌ xqꞌuial la̱ cualal a̱cꞌajol li tinqꞌue. Incꞌaꞌ tatru̱k rajlanquileb, chan li Dios.

Q'eqchi Bible

⁵ Ut kirisi laj Abrán chirix kab'l ut kixye re: “Il li choxa ut ajla li chahim, wi tatruuq rajlankileb'. Jo'kanaq xk'ihal eb' laawalal aak'ajol”.

Génesis 15:5 ပူးပေါင်းရင်းမြစ်များ

Hebreos 11:12

Usta ac ti̱x chic laj Abraham nak quiyoꞌla li ralal, abanan queꞌtam li ralal xcꞌajol. Lix qꞌuialeb li ralal xcꞌajol joꞌ xqꞌuial li chahim chiru li choxa ut joꞌ xqꞌuial li samaib li cuan chire li palau. Ut incꞌaꞌ naru rajlanquileb xban lix qꞌuialeb.

Romanos 4:18

Laj Abraham quixpa̱b li quixye li Dios ut quiroybeni li quiyechiꞌi̱c re usta incꞌaꞌ naxnau chanru nak ta̱qꞌuehekꞌ re li ralal xcꞌajol. Joꞌcan nak aꞌan xyucuaꞌeb li qꞌuila tenamit joꞌ quiyeheꞌ re xban li Dios, Teꞌqꞌuia̱nk la̱ cualal a̱cꞌajol, chuꞌux re xban li Dios. (Gén. 15:5)

Deuteronomio 1:10

Li Ka̱cuaꞌ li kaDios xoxqꞌue chi ta̱mc. Anakcuan chanchano chic xqꞌuial li chahim chiru li choxa.

Éxodo 32:13

Julticak a̱cue laj Abraham ut laj Isaac ut laj Jacob. Eb aꞌan aj cꞌanjeleb cha̱cuu ut la̱at xayechiꞌi chi anchal a̱chꞌo̱l reheb. Xaye reheb nak ta̱qꞌue chi qꞌuia̱nc ut chi nabalocꞌ li ralal xcꞌajoleb joꞌ xqꞌuialeb li chahim saꞌ choxa. Ut xayechiꞌi jun cha̱bil naꞌajej reheb aꞌan chi junelic ut reheb ajcuiꞌ li ralal xcꞌajol, chan laj Moisés.

Génesis 22:17

Kꞌaxal numtajenak li usilal tinba̱nu a̱cue. Joꞌ xqꞌuialeb li chahim li cuanqueb saꞌ choxa, joꞌcan ajcuiꞌ xqꞌuialeb la̱ cualal a̱cꞌajol li teꞌcua̱nk. Ut joꞌ xqꞌuial li cocꞌ ru li samaib li cuanqueb chire li palau nak teꞌta̱mk la̱ cualal a̱cꞌajol. Ut kꞌaxal cuiꞌchic nimak xcuanquileb la̱ cualal a̱cꞌajol chiruheb li xicꞌ teꞌilok reheb aꞌan.

Deuteronomio 10:22

Laje̱b xca̱cꞌa̱leb (70) ajcuiꞌ le̱ xeꞌto̱nil yucuaꞌ nak queꞌco̱eb Egipto najter. Abanan li Ka̱cuaꞌ le̱ Dios xexqꞌue chi qꞌuia̱nc joꞌ xqꞌuial li chahim li cuanqueb chiru choxa.

Jeremías 33:22

La̱in tinqꞌue chi qꞌuia̱nc li ralal xcꞌajol laj David ut tinqꞌueheb chi qꞌuia̱nc li ralal xcꞌajol laj Leví. Chanchanakeb xqꞌuial li chahim ut chanchanakeb xqꞌuial li samaib li cuan chire li palau. Incꞌaꞌ ta̱ru̱k rajlanquileb, chan li Dios.

Salmos 147:4

Yal re li Ka̱cuaꞌ jarub li chahim cuan ut aꞌan ajcuiꞌ naqꞌuehoc xcꞌabaꞌeb.

1 Crónicas 27:23

Laj David incꞌaꞌ quirajlaheb li toj ma̱cꞌaꞌ junmay chihab reheb xban nak li Ka̱cuaꞌ quixye nak tixqꞌueheb chi qꞌuia̱nc chi nabal laj Israel. Chanchanakeb xqꞌuial li chahim li cuanqueb chiru choxa.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

Génesis 28:14

La̱ cualal a̱cꞌajol teꞌqꞌuia̱nk joꞌ xqꞌuial li poks li cuan saꞌ li chꞌochꞌ ut telajeꞌxjeqꞌui rib saꞌ ruchichꞌochꞌ. Saꞌ a̱cꞌabaꞌ la̱at joꞌ ajcuiꞌ saꞌ xcꞌabaꞌeb la̱ cualal a̱cꞌajol, chixjunileb li tenamit li teꞌcua̱nk saꞌ ruchichꞌochꞌ teꞌxcꞌul jun li nimla usilal.

Génesis 26:4

Teꞌnabalokꞌ la̱ cualal a̱cꞌajol joꞌ xqꞌuial li chahim chiru choxa. Chixjunil li chꞌochꞌ aꞌin tinqꞌue chokꞌ reheb la̱ cualal a̱cꞌajol. Chixjunileb li tenamit li teꞌcua̱nk saꞌ ruchichꞌochꞌ teꞌosobtesi̱k saꞌ xcꞌabaꞌeb la̱ cualal a̱cꞌajol, chan.

Génesis 16:10

Teꞌcua̱nk nabal la̱ cualal a̱cꞌajol. Incꞌaꞌ ta̱ru̱k rajlanquileb xban nak numtajenak xqꞌuialeb la̱ cualal a̱cꞌajol teꞌcua̱nk.

Génesis 13:16

—Tinqꞌueheb chi qꞌuia̱nc la̱ cualal a̱cꞌajol. Incꞌaꞌ ta̱ru̱k rajlanquileb xban xqꞌuialeb, joꞌ li poks saꞌ chꞌochꞌ incꞌaꞌ naru rajlanquil, chan.

Génesis 17:2

La̱in tinxakab xcuanquil li contrato li xinba̱nu a̱cuiqꞌuin. La̱in tinqꞌue chi qꞌuia̱nc la̱ cualal a̱cꞌajol, chan li Ka̱cuaꞌ Dios re laj Abram.

Josué 24:3

La̱in quincꞌamoc re laj Abraham la̱ xeꞌto̱nil yucuaꞌ jun pacꞌal li nimaꞌ Éufrates. La̱in quincꞌamoc be chiru nak quinumeꞌ saꞌ chixjunil li naꞌajej Canaán. Quinqꞌue laj Isaac li ralal ut quinqꞌue ajcuiꞌ chi ta̱mc li ralal xcꞌajol.

1 Reyes 3:8

Abanan quina̱xakab chokꞌ xreyeb li nimla tenamit li sicꞌbileb ru a̱ban. Incꞌaꞌ naru rajlanquileb xban xqꞌuialeb.

Nehemías 9:23

Caqꞌueheb chi ta̱mc li ralal xcꞌajoleb joꞌ xqꞌuial li chahim chiru choxa. Ut cacꞌameb chi cua̱nc saꞌ li naꞌajej li cayechiꞌi reheb lix xeꞌto̱nil yucuaꞌ.

Li xHu LAJ JOB 35:5

Ilon saꞌ choxa ut ta̱qꞌue retal nak li chok najt cuanqueb cha̱cuu la̱at.

Isaías 51:2

Chijulticokꞌ e̱re le̱ xeꞌto̱nil yucuaꞌ laj Abraham ut lix Sara. Saꞌ xcꞌabaꞌ aꞌan nak cuanquex la̱ex. Nak la̱in xinsicꞌ ru laj Abraham, aꞌan jun ajcuiꞌ. Abanan la̱in quicuosobtesi ut queꞌnabaloꞌ li ralal xcꞌajol.

Génesis 32:13

Laj Jacob quixnumsi li kꞌojyi̱n aran. Ut saꞌ xya̱nkeb li cꞌaꞌru cuan re, quixsicꞌ ru li ma̱tan li tixqꞌue re laj Esaú.