Génesis 15:3 - Li Santil hu

³ —La̱at ma̱ jun li cualal xaqꞌue. Xban aꞌan chixjunil li cꞌaꞌru cuan cue, tento nak jun lin najter mo̱s quiyoꞌla saꞌ cuochoch, aꞌan ta̱e̱chani̱nk re, chan laj Abram.

Q'eqchi Bible

³ Kixye ajwi' laj Abrán: “Maajun li walal xak'e we ut yal jun inmoos taa'eechaninq re linjunkab'lal”.

Génesis 15:3 ပူးပေါင်းရင်းမြစ်များ

Génesis 14:14

Nak laj Abram quirabi nak quicꞌameꞌ laj Lot, ticto quixchꞌutubeb oxib ciento riqꞌuin cuakxaklaju (318) lix mo̱s. Eb aꞌan yoꞌlajenakeb saꞌ lix chꞌochꞌ laj Abram. Chixjunileb queꞌxta̱ke li queꞌcꞌamoc re laj Lot. Queꞌcuulac toj saꞌ li tenamit Dan.

Proverbios 29:21

Li ani naxkꞌunbesi lix mo̱s chalen saꞌ xcaꞌchꞌinal, mokon lix mo̱s chic ta̱e̱chani̱nk re lix jun cablal.

Eclesiastés 2:7

Nabaleb inlokꞌbil mo̱s joꞌ cui̱nk joꞌ ixk, ut cuanqueb ajcuiꞌ inmo̱s queꞌyoꞌla saꞌ li cuochoch. Queꞌcuan nabal incuacax ut nabaleb lin carner. La̱in li nabal cꞌaꞌru cue chiruheb li rey li queꞌcuan Jerusalén xbe̱n cua chicuu la̱in.

Jeremías 12:1

Laj Jeremías quixye: —At Ka̱cuaꞌ, la̱at junelic ti̱c a̱chꞌo̱l ut incꞌaꞌ raj nacuaj xcuechꞌbal rix li cꞌaꞌru nacaba̱nu. Abanan nacuaj xpatzꞌbal a̱cue cꞌaꞌut nak nacꞌulman chi joꞌcaꞌin. ¿Cꞌaꞌut nak us nequeꞌel li nequeꞌxba̱nu li ma̱usilal? ¿Cꞌaꞌut nak junelic sa cuanqueb li incꞌaꞌ useb xnaꞌleb?

Proverbios 30:23

li rox, aꞌan li ixk li xicꞌ na-ileꞌ, li naxtau xbe̱lom; ut li xca̱, aꞌan jun li mo̱s ixk li nacana chokꞌ re̱kaj li ixakilbej.

Proverbios 13:12

Li ani incꞌaꞌ naxcꞌul li cꞌaꞌru naroybeni narahoꞌ xchꞌo̱l. Abanan eb li nequeꞌxcꞌul li cꞌaꞌru nequeꞌroybeni nasahoꞌ saꞌ xchꞌo̱leb.

Génesis 13:16

—Tinqꞌueheb chi qꞌuia̱nc la̱ cualal a̱cꞌajol. Incꞌaꞌ ta̱ru̱k rajlanquileb xban xqꞌuialeb, joꞌ li poks saꞌ chꞌochꞌ incꞌaꞌ naru rajlanquil, chan.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

Génesis 15:2

Laj Abram quixye re: —At Ka̱cuaꞌ Dios, ¿cꞌaꞌru aj e nak nabal lin ra̱bal ta̱qꞌue? La̱at nacanau nak ma̱ jun cualal incꞌajol cuan. Ut li ani ta̱e̱chani̱nk re li cꞌaꞌru cuan cue, aꞌan li xbe̱n inmo̱s laj Eliezer li chalenak chak saꞌ li tenamit Damasco, chan.