Génesis 15:17 - Li Santil hu

¹⁷ Nak kꞌojyi̱n chi us, laj Abram quiril nak cuta̱mil chiru jun xnaꞌaj li xam yo̱ chi e̱lc xsibel ut jun lochlo̱quil xam quinumeꞌ saꞌ xyiheb li xul li jachbileb.

Q'eqchi Bible

¹⁷ Ut naq ak x'ok li saq'e, k'utaamil sa' li aak'ab' jun nimla xam nab'uquqnak xsib'el, ut jun raq'xam kinume'k sa' xyiheb' li jachb'il xul.

Génesis 15:17 ပူးပေါင်းရင်းမြစ်များ

Jueces 6:21

Ut li ángel quixchꞌeꞌ li tib ut li caxlan cua riqꞌuin li ruꞌuj li xukꞌ li cuan saꞌ rukꞌ. Ut quiloch xxamlel li pec ut quixcꞌat li tib ut li caxlan cua. Ut incꞌaꞌ chic qui-ileꞌ ru li ángel xban laj Gedeón.

Jeremías 11:4

Aꞌan li contrato li quinba̱nu riqꞌuineb le̱ xeꞌto̱nil yucuaꞌ nak quicuisiheb aran Egipto saꞌ li naꞌajej li chanchan horno li lochlo xamlel. La̱in quinye reheb, “Chex-abi̱nk chicuu ut te̱ba̱nu chixjunil li cꞌaꞌru ninye e̱re. Cui te̱ba̱nu aꞌan, la̱exak lin tenamit ut la̱inak le̱ Dios.

1 Crónicas 21:26

Laj David quixyi̱b li artal saꞌ li naꞌajej aꞌan re xlokꞌoninquil li Dios. Quixqꞌue lix mayej re xcꞌambal rib saꞌ usilal riqꞌuin li Dios ut quixqꞌue lix cꞌatbil mayej. Ut quixya̱ba xcꞌabaꞌ li Ka̱cuaꞌ. Ut li Ka̱cuaꞌ quirabi li cꞌaꞌru quixtzꞌa̱ma chiru ut quixtakla chak li xam saꞌ choxa saꞌ li artal.

Isaías 62:1

Xban nak ninra li tenamit Sión, joꞌcan nak la̱in tinchꞌolob lix ya̱lal. Xban nak ninra li tenamit Jerusalén incꞌaꞌ tincanab xchꞌolobanquil lix ya̱lal chiruheb toj retal ta̱cꞌutu̱nk lix ti̱quilaleb. Ut ta̱cꞌutu̱nk nak colbileb chic. Chanchanak jun li xam lochlo̱k.

2 Samuel 22:9

Chanchan nak qui-el li sib saꞌ ruꞌuj. Chanchan nak qui-el chak xam saꞌ re, re sachoc. Chanchan li ru xam lochlo xxamlel.

Jueces 13:20

Nak yo̱ chi cꞌatc li mayej saꞌ li artal, laj Manoa ut li rixakil queꞌril lix ángel li Dios yo̱ chi takecꞌ saꞌ choxa saꞌ xxamlel li mayej. Laj Manoa ut li rixakil queꞌxhupub ribeb saꞌ chꞌochꞌ.

Deuteronomio 4:20

Abanan la̱ex sicꞌbil e̱ru xban li Ka̱cuaꞌ. Aꞌan qui-isin chak e̱re saꞌ li naꞌajej Egipto, li chanchan tikcual xam xban li raylal li quecꞌul. Quexrisi chak re nak texcua̱nk chokꞌ xtenamit. Ut relic chi ya̱l nak la̱ex chic lix tenamit anakcuan.

Génesis 15:10

Ut laj Abram quixcꞌameb li xul li quipatzꞌeꞌ re xban li Dios. Quixcamsi ut quixjach saꞌ xyiheb li xul ut quixpacꞌabeb. Li mucuy ut li paloma incꞌaꞌ quixjacheb.

Éxodo 19:18

Ut quikꞌojyi̱noꞌ saꞌ li tzu̱l Sinaí xban li sib xban nak li Ka̱cuaꞌ Dios quicuulac aran riqꞌuin xam. Li sib nakꞌujujnac joꞌ xsibel junak nimla horno. Ut li tzu̱l yo̱ chi ecꞌa̱nc saꞌ xnaꞌaj.

1 Reyes 18:38

Saꞌ li ho̱nal aꞌan li Ka̱cuaꞌ quixtakla chak li xam. Quixcꞌat li mayej, ut quixcꞌat li siꞌ ut li pec joꞌ ajcuiꞌ li poks ut li haꞌ li cuan saꞌ li rok haꞌ, li quixyi̱b chi xjun sutam li artal.

Éxodo 20:18

Eb laj Israel queꞌrabi nak natenloc li ca̱k ut queꞌril nak nareploc. Queꞌrabi xya̱b li trompeta ut queꞌril nak nabukuknac li sib. Chixjunileb nequeꞌsicsot xbaneb xxiu ut queꞌjiloc chirixeb saꞌ junpa̱t.