Génesis 15:16 - Li Santil hu

¹⁶ Li xca̱ xte̱pal la̱ cualal a̱cꞌajol teꞌsukꞌi̱k chak saꞌ li naꞌajej aꞌin. Abanan toj ta̱numta̱k li ma̱usilal teꞌxba̱nu laj amorreo, tojoꞌnak tinmakꞌ li naꞌajej aꞌin chiruheb, chan li Dios re laj Abram.

Q'eqchi Bible

¹⁶ Sa' li xka xteepal riyajileb' laawalal, eb' a'in te'sutq'iiq chaq arin xb'aan naq anaqwan toj maji' xtz'aqlok ru li xk'ihal xmaakeb' laj Amor”, chan li Qaawa'.

Génesis 15:16 ပူးပေါင်းရင်းမြစ်များ

1 Reyes 21:26

Kꞌaxal yibru li quixba̱nu laj Acab nak quixlokꞌoniheb li yi̱banbil dios joꞌ queꞌxba̱nu eb laj amorreo li queꞌisi̱c xban li Ka̱cuaꞌ saꞌ lix tenamiteb laj Israel.

Daniel 8:23

Ut nak ac yo̱k chak chi nachꞌoc li rosoꞌjiqueb li cuanquilal aꞌan, kꞌaxal cuiꞌchic ta̱numta̱k li ma̱usilal. Nak acak xnumta chi us li ma̱usilal, ta̱oc jun li rey kꞌaxal cuiꞌchic joskꞌ ut cau xchꞌo̱l ut aꞌan ta̱balakꞌi̱nk reheb li tenamit.

1 Ts 2:16

Xicꞌ nequeꞌrecꞌa nak nakachꞌolob xya̱lal chiruheb li ma̱cuaꞌeb aj judío re nak teꞌcolekꞌ. Ut riqꞌuin li ma̱usilal nequeꞌxba̱nu rajlal, kꞌaxal cuiꞌchic nanumta lix ma̱queb. Abanan yal jun nak quichal xjoskꞌil li Dios saꞌ xbe̱neb.

Éxodo 12:40

Eb laj Israel ca̱hib ciento riqꞌuin laje̱b xcaꞌcꞌa̱l (430) chihab queꞌcuan saꞌ li tenamit Egipto.

Génesis 15:13

Ut li Dios quixye re: —Tento nak ta̱nau nak la̱ cualal a̱cꞌajol teꞌxic chi najt saꞌ jalan tenamit ma̱cuaꞌ xtenamiteb aꞌan. Ut kꞌaxal ra teꞌxcꞌul aran. Teꞌqꞌuehekꞌ chokꞌ rahobtesinbil mo̱s. Ut chiru ca̱hib ciento (400) chihab teꞌcua̱nk saꞌ raylal, chan li Dios.

Levítico 18:24

Me̱mux e̱rib xba̱nunquil li cꞌaꞌak re ru aꞌin xban nak aꞌan incꞌaꞌ us. Aꞌan lix ma̱usilaleb li tenamit li tincuisi saꞌ li naꞌajej li tex-oc cuiꞌ.

2 Reyes 21:11

Queꞌxye: —Cꞌajoꞌ li ma̱usilal quixba̱nu li rey Manasés. Kꞌaxal yibru chiru li ma̱usilal queꞌxba̱nu eb laj amorreo li queꞌcuan saꞌ li naꞌajej aꞌin junxil. Aꞌan xcꞌamoc be chiruheb laj Judá chixlokꞌoninquileb li jalanil dios.

Génesis 10:16

Laj Canaán, aꞌan ajcuiꞌ lix yucuaꞌeb laj jebuseo, laj amorreo, laj gergeseo,

Génesis 48:21

Ut laj Israel quixye re laj José: —Anakcuan ca̱mc cue la̱in. Li Ka̱cuaꞌ Dios taxak chicua̱nk e̱riqꞌuin, ex cualal incꞌajol. Ut aꞌan taxak chisukꞌisi̱nk e̱re saꞌ lix tenamiteb li kaxeꞌto̱nil yucuaꞌ.

Génesis 50:24

Saꞌ jun li cutan, laj José quixye reheb li ras: —La̱in chi se̱b nincam. Li Ka̱cuaꞌ Dios ta̱ilok e̱re chi junelic. Ut aꞌan ta̱isi̱nk e̱re saꞌ li tenamit aꞌin ut texcꞌam cuiꞌchic saꞌ li tenamit Canaán. Aꞌan li chꞌochꞌ li yechiꞌinbil chak najter xban li Ka̱cuaꞌ Dios reheb laj Abraham, laj Isaac ut laj Jacob, chan.

Éxodo 13:3

Laj Moisés quixye reheb: —Saꞌ li cutan aꞌin re li po Abib xcꞌabaꞌ, li Ka̱cuaꞌ Dios xexrisi chak saꞌ li tenamit Egipto bar quexcꞌanjelac cuiꞌ chak chokꞌ rahobtesinbil mo̱s. Rajlal chihab texninkꞌei̱k re xjulticanquil li cutan aꞌin, ut me̱cuaꞌ li caxlan cua li cuan xchꞌamal. Chijulticokꞌ e̱re nak riqꞌuin xnimal xcuanquil li Dios quexrisi chak saꞌ li tenamit aꞌan.

Deuteronomio 9:4

Nak li Ka̱cuaꞌ le̱ Dios ta̱risiheb li cristian aꞌan saꞌ li tenamit li xic cuiꞌ e̱re, me̱ye nak xban xti̱quilal le̱ chꞌo̱l nak li Dios tixqꞌue chere̱chani li naꞌajej aꞌan. Li Dios xrisiheb aꞌan xban lix ma̱usilaleb.

Deuteronomio 9:5

Moco xban ta xti̱quilal le̱ chꞌo̱l nak li Dios tixqꞌue chere̱chani li naꞌajej aꞌan. Ta̱risiheb ban xban nak kꞌaxal yibru lix naꞌlebeb ut xban ajcuiꞌ nak tento tixba̱nu li cꞌaꞌru quixyechiꞌi riqꞌuin juramento reheb le̱ xeꞌto̱nil yucuaꞌ, laj Abraham, laj Isaac, ut laj Jacob.

Salmos 105:43

Quirisiheb laj Israel saꞌ li tenamit Egipto chi sa saꞌ xchꞌo̱leb. Japjo̱queb re xban xsahil xchꞌo̱leb nak queꞌel.