Génesis 15:15 - Li Santil hu

¹⁵ Nak ac ti̱xakat chic chi us, la̱at tatca̱mk. Cꞌojcꞌo̱k a̱chꞌo̱l nak tatca̱mk. Ut toxe̱tau e̱rib a̱cuochbeneb la̱ xeꞌto̱nil yucuaꞌ li ac camenakeb.

Q'eqchi Bible

¹⁵ Ut naq tiixaqat chi us, tatq'ajq tatsutq'iiq sa' tuqtuukilal rik'ineb' laana' laayuwa' ut tatmuqe'q.

Génesis 15:15 ပူးပေါင်းရင်းမြစ်များ

Li xHu LAJ JOB 5:26

Ti̱xakat chic chi us nak tatca̱mk. Moco tatca̱mk ta chi toj ma̱jiꞌ nacuulac xkꞌehil joꞌ nak li trigo nakꞌanoꞌ saꞌ xkꞌehil.

2 Crónicas 34:28

Incꞌaꞌ tintakla li raylal aꞌin saꞌ xbe̱neb laj Jerusalén nak toj cua̱nkat la̱at. Tatca̱mk ut tatmukekꞌ saꞌ xya̱lal saꞌ li naꞌajej li xeꞌmukeꞌ cuiꞌ la̱ xeꞌto̱nil yucuaꞌ,” chan li Dios re li rey. Ut eb li cui̱nk queꞌsukꞌi cuiꞌchic riqꞌuin li rey Josías ut queꞌxye re chixjunil li quixye li Ka̱cuaꞌ.

Números 27:13

Nak acak xacuil li naꞌajej la̱at tatca̱mk ut toxa̱tauheb la̱ xeꞌto̱nil yucuaꞌ, joꞌ nak quicam laj Aarón la̱ cuas.

Daniel 12:13

Ut la̱at, at Daniel, ti̱cak taxak la̱ yuꞌam toj saꞌ rosoꞌjic. Tatca̱mk abanan tatcuacli̱k cuiꞌchic ut ta̱cꞌul la̱ kꞌajca̱munquil saꞌ rosoꞌjiqueb li cutan, chan cue li xakxo saꞌ xbe̱n li haꞌ.

Hechos 13:36

Relic chi ya̱l laj David nak toj yoꞌyo̱k quicꞌanjelac chiru lix tenamit joꞌ quiraj li Dios. Quicam ut quimukeꞌ chixcꞌatk lix xeꞌto̱nil yucuaꞌ ut quikꞌa lix tibel.

Eclesiastés 12:7

Nak tatca̱mk, tatsukꞌi̱k cuiꞌchic chꞌochꞌ xban nak chꞌochꞌ oquenakat. Ut la̱ musikꞌ ta̱xic cuiꞌchic riqꞌuin li Dios xban nak aꞌan quiqꞌuehoc la̱ musikꞌ.

Li xHu LAJ JOB 42:17

Ac ti̱x chic chi us laj Job nak quicam.

1 Crónicas 29:28

Ac ti̱x chic chi us laj David nak quicam. Najt rok lix yuꞌam ut cuan xlokꞌal ut xbiomal. Ut aꞌ chic laj Salomón li ralal, aꞌan li qui-oc chokꞌ xreyeb laj Israel chokꞌ re̱kaj laj David.

Jueces 2:10

Ut queꞌcam ajcuiꞌ chixjunileb laj Israel li cuanqueb nak toj yoꞌyo laj Josué. Ut eb li ralal xcꞌajol li queꞌyoꞌla mokon incꞌaꞌ chic queꞌxpa̱b li Ka̱cuaꞌ, chi moco queꞌxnau chixjunil li usilal li quixba̱nu li Dios reheb laj Israel.

Génesis 49:29

Joꞌcaꞌin quixye laj Jacob reheb: —Xcuulac xkꞌehil lin camic. Xic cue anakcuan. Aran tine̱muk saꞌ li ochoch pec li mukbileb cuiꞌ lin xeꞌto̱nil yucuaꞌ. Li ochoch pec aꞌan cuan saꞌ lix chꞌochꞌ laj Efrón aj hitita.

Números 20:24

—Laj Aarón ta̱ca̱mk. Incꞌaꞌ ta̱oc saꞌ li naꞌajej li tinqꞌue reheb laj Israel xban nak chixcabichalex quekꞌet lin chakꞌrab nak cuanquex chire li haꞌ li cuan Meriba li quineꞌxcuechꞌi cuiꞌ li tenamit.

Génesis 35:29

Nak ac ti̱x chic chi us, laj Isaac quicam ut coxtauheb lix xeꞌto̱nil yucuaꞌ. Laj Esaú ut laj Jacob queꞌxmuk lix yucuaꞌeb nak quicam.

San Mateo 22:32

“La̱in lix Dios laj Abraham, lix Dios aj Isaac, ut lix Dios laj Jacob.” Li Dios, aꞌan ma̱cuaꞌ xDioseb li camenakeb; xDioseb ban li yoꞌyo̱queb, chan li Jesús. (Joꞌcan nak li Dios quixcꞌut nak cuan xcuaclijiqueb chi yoꞌyo li camenak.)

Eclesiastés 6:3

Junak cui̱nk naru nacuan jun cientak li ralal xcꞌajol. Ut naru ajcuiꞌ nacuan nabalak chihab saꞌ ruchichꞌochꞌ. Usta kꞌaxal najt rok lix yuꞌam saꞌ ruchichꞌochꞌ, ma̱cꞌaꞌ na-oc cuiꞌ cui incꞌaꞌ naxyal xsahil li cꞌaꞌru cuan re chi moco namukeꞌ saꞌ xya̱lal. La̱in nincꞌoxla nak kꞌaxal us junak li cꞌulaꞌal yal nanumeꞌ chiru li cui̱nk aꞌan.

Salmos 37:37

Cheqꞌuehak retal li ti̱queb xchꞌo̱l ut li cha̱bileb xnaꞌleb. Li nacuan saꞌ tuktu̱quil usilal ta̱cua̱nk ralal xcꞌajol.

1 Crónicas 23:1

Ac ti̱x chic laj David. Joꞌcan nak quixxakab laj Salomón li ralal chokꞌ xreyeb laj Israel chok re̱kaj.

Génesis 50:13

Queꞌxpako lix caxonil lix yucuaꞌ saꞌ xbe̱neb lix tel ut queꞌxcꞌam aran Canaán. Ut queꞌxmuk aꞌan saꞌ li ochoch pec li cuan Macpela, li cuan jun pacꞌal Mamre. Aꞌan li mukleba̱l li quixlokꞌ laj Abraham junxil riqꞌuin laj Efrón laj hitita.

Génesis 49:31

Saꞌ li naꞌajej aꞌan quimukeꞌ laj Abraham joꞌ ajcuiꞌ lix Sara li rixakil. Aran ajcuiꞌ quimukeꞌ laj Isaac joꞌ ajcuiꞌ lix Rebeca li rixakil. Ut aran ajcuiꞌ quinmuk lix Lea.

Génesis 23:19

Ut laj Abraham quixmuk li rixakil chi saꞌ li ochoch pec li cuan saꞌ li chꞌochꞌ Macpela. Macpela, aꞌan cuan jun pacꞌal li naꞌajej Mamre li nayeman ajcuiꞌ Hebrón re. Aꞌan cuan saꞌ xcue̱nt Canaán.

Génesis 23:4

Quixye reheb: —La̱in chalenakin chak saꞌ jalan tenamit. Te̱ba̱nu usilal cꞌayihomak caꞌchꞌinak li naꞌajej re tinmuk lin camenak, chan.

Génesis 47:30

Nak tinca̱mk, tine̱risi Egipto ut tine̱cꞌam aran Canaán ut tine̱muk chixcꞌatk li naꞌajej li queꞌmukeꞌ cuiꞌ lin yucuaꞌ camenak joꞌ ajcuiꞌ lin yucuaꞌchin, chan laj Jacob. Ut laj José quixye re: —Us. Matcꞌoxlac. Tinba̱nu li cꞌaꞌru yo̱cat chixyebal cue, chan.

Deuteronomio 31:16

Ut li Ka̱cuaꞌ quixye re laj Moisés: —La̱at tatxic chi hila̱nc a̱cuochbeneb la̱ xeꞌto̱nil yucuaꞌ. Chi se̱b li tenamit aꞌin teꞌxtiquib xlokꞌoninquileb li jalanil dios saꞌ li naꞌajej li teꞌxic cuiꞌ. Chanchanakeb chic li ixk li nequeꞌxcꞌayi ribeb. Tineꞌxtzꞌekta̱na ut teꞌxkꞌet li contrato li quinba̱nu riqꞌuineb.

Salmos 49:19

Abanan ta̱cuulak ajcuiꞌ xkꞌehil nak ta̱ca̱mk joꞌ nak queꞌcam lix xeꞌto̱nil yucuaꞌeb. Ut incꞌaꞌ chic teꞌcua̱nk saꞌ ruchichꞌochꞌ.

Li xHu LAJ JOB 41:32

Nak ac xnumeꞌ saꞌ lix chamal li palau, sak sak ru lix cuokx li palau nacana ut nalemtzꞌun.