Génesis 15:13 - Li Santil hu

¹³ Ut li Dios quixye re: —Tento nak ta̱nau nak la̱ cualal a̱cꞌajol teꞌxic chi najt saꞌ jalan tenamit ma̱cuaꞌ xtenamiteb aꞌan. Ut kꞌaxal ra teꞌxcꞌul aran. Teꞌqꞌuehekꞌ chokꞌ rahobtesinbil mo̱s. Ut chiru ca̱hib ciento (400) chihab teꞌcua̱nk saꞌ raylal, chan li Dios.

Q'eqchi Bible

¹³ Toja' naq li Qaawa' kixye re laj Abrán: “Chanawaq naq eb' laawalal aak'ajol te'kanaaq sa' ab'l aj ch'och' jo'aqeb' aj b'eenihom rib'; te'mine'q ru chi xb'aanunkil li kawil k'anjel ut te'rahob'tesiiq chiru jun o'q'ob' (400) chihab'.

Génesis 15:13 ပူးပေါင်းရင်းမြစ်များ

Éxodo 1:11

Tojoꞌnak laj faraón li acuabej quixxakabeb laj taklanel saꞌ xya̱nkeb re nak eb aꞌan teꞌtakla̱nk reheb laj Israel chi trabajic chi cau. Eb laj Israel yo̱queb chixyi̱banquil li ni̱nki ochoch re laj faraón saꞌ li cuib chi tenamit Pitón ut Ramesés. Ut aran ta̱cꞌu̱lama̱nk lix biomal laj faraón.

Hechos 7:17

Cꞌajoꞌ nak yo̱queb chi qꞌuia̱nc li ralal xcꞌajol laj Israel aran Egipto nak ac yo̱ chi cuulac xkꞌehil nak teꞌisi̱k saꞌ li tenamit aꞌan joꞌ quiyechiꞌi̱c re laj Abraham xban li Dios.

Gálatas 3:17

Aꞌin ut tinye: Li Dios quixba̱nu jun li contrato najter riqꞌuin laj Abraham ut quixxakab xcuanquil saꞌ xcꞌabaꞌ li Cristo. Li chakꞌrab li quiqꞌueheꞌ re laj Moisés ca̱hib ciento riqꞌuin laje̱b xcaꞌcꞌa̱l (430) chihab mokon incꞌaꞌ naxsach xcuanquil li contrato li ac xakabanbil xcuanquil, chi moco tixcanab ta chi ma̱cꞌaꞌ rajbal li yechiꞌinbil re laj Abraham xban li Dios.

Levítico 19:34

Te̱ba̱nu reheb joꞌ nequeba̱nu reheb le̱ rech tenamitil. Cheraheb joꞌ nak nequera e̱rib la̱ex. Chijulticokꞌ e̱re nak la̱ex jalan le̱ tenamit nak quexcuan chak Egipto. La̱in li Ka̱cuaꞌ le̱ Dios xinyehoc re aꞌin.

Génesis 17:8

Li chꞌochꞌ Canaán li cuancat cuiꞌ anakcuan tinqꞌue a̱cue ut eb la̱ cualal a̱cꞌajol teꞌe̱chani̱nk re chi junaj cua. La̱inak lix Dioseb chixjunileb la̱ cualal a̱cꞌajol, chan.

Deuteronomio 10:19

Joꞌcan nak la̱ex cherahakeb li jalaneb xtenamit xban nak la̱ex jalan ajcuiꞌ e̱tenamit nak quexcuan chak Egipto.

Éxodo 23:9

Me̱rahobtesiheb li jalaneb xtenamit. La̱ex ac nequenau chanru li cua̱nc saꞌ jalan tenamit xban nak jalan ajcuiꞌ le̱ tenamit la̱ex nak quexcuan chak Egipto.

Éxodo 22:21

Me̱balakꞌiheb li jalaneb xtenamit chi moco te̱ba̱nu raylal reheb, xban nak jalan ajcuiꞌ e̱tenamit la̱ex nak quexcuan chak saꞌ li tenamit Egipto.

Génesis 15:16

Li xca̱ xte̱pal la̱ cualal a̱cꞌajol teꞌsukꞌi̱k chak saꞌ li naꞌajej aꞌin. Abanan toj ta̱numta̱k li ma̱usilal teꞌxba̱nu laj amorreo, tojoꞌnak tinmakꞌ li naꞌajej aꞌin chiruheb, chan li Dios re laj Abram.

Génesis 47:4

Ut queꞌxye ajcuiꞌ re laj faraón: —La̱o xochal chi cua̱nc arin xban nak kꞌaxal numtajenak li cueꞌej aran Canaán, yal ta li pachꞌayaꞌ cuan re teꞌxcuaꞌ li kaqueto̱mk. Aꞌan aj e nak xochal chixtzꞌa̱manquil a̱cue nak ta̱ba̱nu usilal, toa̱canab chi cua̱nc saꞌ li naꞌajej Gosén, chanqueb re.

Éxodo 1:13

Ut eb laj Israel queꞌqꞌueheꞌ joꞌ rahobtesinbil mo̱s.

Éxodo 2:24

Nak li Dios quirabi nak yo̱queb chi kꞌoko̱nc, quijulticoꞌ re li usilal li quixyechiꞌi chak reheb laj Abraham, laj Isaac ut laj Jacob junxil.

Éxodo 3:8

Joꞌcan nak la̱in tincoleb saꞌ rukꞌeb laj Egipto ut tincuisiheb ajcuiꞌ saꞌ li tenamit aꞌan. Tincꞌameb saꞌ jun nimla naꞌajej numtajenak xcha̱bilal bar cuan cuiꞌ li sahil echej. Aꞌan li chꞌochꞌ li bar cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo, ut eb laj jebuseo.

Éxodo 3:10

Abi li cꞌaꞌru tinye a̱cue anakcuan. La̱in tatintakla riqꞌuin laj faraón re nak ta̱cuisiheb chak lin tenamit Egipto, chan li Dios.

Éxodo 3:17

La̱in tinyechiꞌi e̱re nak texcuisi saꞌ li raylal li yo̱quex chixcꞌulbal arin Egipto. Texincꞌam saꞌ li chꞌochꞌ li cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo ut eb laj jebuseo. Aꞌan jun nimla naꞌajej numtajenak xcha̱bilal bar cuan cuiꞌ li sahil echej”, chaꞌkat reheb.

Deuteronomio 5:15

Chijulticokꞌ e̱re la̱ex nak quexcuan chak chokꞌ rahobtesinbil mo̱s aran Egipto. Abanan li Ka̱cuaꞌ le̱ Dios quexrisi chak saꞌ li naꞌajej aꞌan riqꞌuin lix nimal xcuanquilal. Joꞌcan nak li Ka̱cuaꞌ yo̱ chixyebal e̱re nak te̱qꞌue xlokꞌal li hiloba̱l cutan.

Salmos 105:42

Li Dios quixba̱nu chi joꞌcan riqꞌuineb laj Israel xban nak jultic re li contrato li quixba̱nu riqꞌuin laj Abraham laj cꞌanjel chiru.

Éxodo 1:14

Cꞌajoꞌ li raylal nequeꞌxcꞌul xban li cacuil trabaj nequeꞌxba̱nu nak nequeꞌxpacꞌ li chꞌochꞌ chokꞌ xan. Ut joꞌcan ajcuiꞌ nak yo̱queb chi trabajic saꞌ cꞌaleba̱l. Kꞌaxal cuiꞌchic ra li yo̱queb chixcꞌulbal xban nak saꞌ joskꞌil nequeꞌtakla̱c ut yalak cꞌaꞌru cꞌanjelil nequeꞌqꞌueheꞌ reheb re teꞌxba̱nu.

Números 20:15

Eb li kaxeꞌto̱nil yucuaꞌ queꞌco̱eb Egipto ut nabal chihab xeꞌcuan aran kochbeneb. La̱o ut eb li kaxeꞌto̱nil yucuaꞌ ra queꞌxba̱nu ke eb laj Egipto.