Génesis 14:7 - Li Santil hu

⁷ Nak quisukꞌi chak li rey Quedorlaomer rochbeneb li jun chꞌol chic queꞌcuulac saꞌ li tenamit En-mispat. Nequeꞌxye ajcuiꞌ Cades re li tenamit aꞌan. Ut queꞌnumta saꞌ xbe̱neb laj Amalec joꞌ eb ajcuiꞌ laj amorreo li cuanqueb saꞌ li naꞌajej Hazezon-tamar. Ut queꞌxsach ruheb chixjunil li cꞌaꞌru queꞌxtau saꞌ xbeheb nak yo̱queb chi xic.

Q'eqchi Bible

⁷ Chirix chik a'an ke'sutq'iik chaq ut ke'wulak toj En-Mispat, Kadés ajwi' nayeemank re, ut ke'xchap chixjunil li xna'ajeb' laj Amalek, jo'ajwi' li xna'ajeb' laj Amor li wankeb' sa' li tenamit Hasesón-Tamar.

Génesis 14:7 ပူးပေါင်းရင်းမြစ်များ

2 Crónicas 20:2

Queꞌcuulac li takl riqꞌuin laj Josafat ut queꞌxye re: —Nabaleb li yo̱queb chak chi cha̱lc chi pletic a̱cuiqꞌuin. Yo̱queb chi cha̱lc li cuanqueb jun pacꞌal li palau Mar Muerto ut yo̱queb chi cha̱lc li cuanqueb Siria. Ac cuanqueb Hazezon-tamar. Li naꞌajej aꞌan nequeꞌxye “En-gadi” re, chanqueb.

Génesis 20:1

Laj Abraham queꞌel saꞌ li naꞌajej li queꞌcuan cuiꞌ ut queꞌco̱eb saꞌ li naꞌajej Neguev. Queꞌcana saꞌ jun li naꞌajej li cuan saꞌ xya̱nk li cuib chi tenamit Cades ut Shur. Ut mokon chic queꞌel saꞌ li naꞌajej aꞌan. Queꞌco̱eb saꞌ li tenamit Gerar. Ut aran queꞌcana.

Génesis 16:14

Joꞌcan nak li yuꞌam haꞌ aꞌan quiqꞌueheꞌ chokꞌ xcꞌabaꞌ “Li yoꞌyo̱quil Dios li na-iloc cue”. Li yuꞌam haꞌ aꞌin cuan saꞌ xyi li cuib chi tenamit Cades ut Bered.

Josué 15:62

Li tenamit Nibsán ut li tenamit li na-el cuiꞌ li atzꞌam joꞌ ajcuiꞌ li tenamit En-gadi. Cuakib chixjunileb li tenamit li quiqꞌueheꞌ reheb rochbeneb li cocꞌ cꞌaleba̱l.

Deuteronomio 1:46

Joꞌcan nak najt quexcana Cades.

Deuteronomio 1:19

La̱o kaba̱nu joꞌ quixye ke li Ka̱cuaꞌ li kaDios. Co-el saꞌ li naꞌajej Horeb ut conumeꞌ saꞌ li nimla chaki chꞌochꞌ li xiu xiu cuiꞌ numecꞌ. Queqꞌue ajcuiꞌ retal la̱ex. Conumeꞌ saꞌ lix naꞌajeb laj amorreo, li tzu̱l ru ut cocuulac toj Cades-barnea.

Números 24:20

Ut laj Balaam qui-iloc saꞌ xjayal lix tenamit laj Amalec ut quixye li cꞌaꞌru teꞌxcꞌul. Quixye: —Laj Amalec, aꞌan li kꞌaxal nim xcuanquil saꞌ xya̱nkeb li xni̱nkal ru tenamit. Abanan ta̱sachekꞌ ru chi junaj cua.—

Números 20:1

Saꞌ li xbe̱n po re li chihab, eb laj Israel queꞌcuulac saꞌ li chaki chꞌochꞌ Zin ut queꞌcana saꞌ li tenamit Cades. Aran quicam lix María ut aran ajcuiꞌ quimukeꞌ.

Números 14:45

Ut eb laj Amalec ut eb laj Canaán li cuanqueb saꞌ li naꞌajej li tzu̱l ru, queꞌcube chi pletic riqꞌuineb ut queꞌnumta saꞌ xbe̱neb. Queꞌra̱linaheb toj saꞌ li naꞌajej Horma.

Números 14:43

Cui texpletik riqꞌuineb laj Amalec ut riqꞌuineb laj Canaán texcamsi̱k xbaneb. Li Dios incꞌaꞌ textenkꞌa xban nak xekꞌet li cꞌaꞌru quixye, chan laj Moisés reheb.

Números 13:26

Queꞌcuulac saꞌ li chaki chꞌochꞌ Parán li cuan cuiꞌ li tenamit Cades. Aran cuanqueb laj Moisés, laj Aarón ut chixjunileb laj Israel. Ut queꞌxserakꞌi reheb chixjunil li queꞌril chak saꞌ li naꞌajej. Ut queꞌxcꞌut chiruheb li ru li quiꞌil kꞌe̱n li queꞌxcꞌam chak.

Génesis 36:16

joꞌ eb ajcuiꞌ laj Coré, laj Gatam, ut laj Amalec. Aꞌaneb aꞌin li queꞌtaklan saꞌ xbe̱neb li ralal xcꞌajol laj Elifaz saꞌ li tenamit Edom. Aꞌaneb li ri lix Ada.

Génesis 36:12

Laj Elifaz quicuan jun chic li ixk riqꞌuin. Aꞌan lix Timna xcꞌabaꞌ. Laj Elifaz quicuan jun li ralal aj Amalec xcꞌabaꞌ riqꞌuin lix Timna. Aꞌaneb li ralal xcꞌajol lix Ada li rixakil laj Esaú.

Ezequiel 47:10

Ut chire li palau aꞌan cua̱nkeb laj car naticla chak saꞌ li naꞌajej En-gadi nacuulac toj En-eglaim. Ut yalak bar chire li palau yo̱keb chixchakobresinquil lix yoyeb laj car. Qꞌuila pa̱y ru li car ut kꞌaxal nabalakeb li teꞌcua̱nk saꞌ li palau aꞌan, joꞌ li cuanqueb saꞌ li nimla palau Mediterráneo xcꞌabaꞌ.

Ezequiel 48:28

Ut li nuba̱l re lix chꞌochꞌ laj Gad li cuan saꞌ li sur naticla Tamar ut nanumeꞌ toj cuan cuiꞌ li haꞌ li cuan Cades ut nanumeꞌ chire li nimaꞌ li cuan Egipto. Ut nacuulac toj saꞌ li palau Mediterráneo.