Génesis 14:6 - Li Santil hu

⁶ Ut queꞌnumta ajcuiꞌ saꞌ xbe̱neb laj horeo li cuanqueb saꞌ li tenamit Seir li tzu̱l ru. Ut queꞌcuulac saꞌ li tenamit Parán li cuan toj saꞌ xnuba̱l li chaki chꞌochꞌ.

Q'eqchi Bible

⁶ ut eb' laj Horí sa'eb' li tzuul re Seír toj El-Parán, li wank chi xk'atq li chaqich'och'.

Génesis 14:6 ပူးပေါင်းရင်းမြစ်များ

Deuteronomio 2:22

Joꞌcan ajcuiꞌ quixba̱nu li Ka̱cuaꞌ reheb li ralal xcꞌajol laj Esaú li cuanqueb saꞌ li naꞌajej Seir. Queꞌxsach ruheb laj horeo ut chalen toj anakcuan cuanqueb saꞌ lix naꞌajeb.

Deuteronomio 2:12

Najter eb laj horeo queꞌcuan saꞌ li naꞌajej Seir, abanan eb li ralal xcꞌajol laj Esaú queꞌrisiheb ut queꞌxsach ruheb ut queꞌcana chi cua̱nc saꞌ lix naꞌajeb. Queꞌxba̱nu joꞌ queꞌxba̱nu laj Israel nak queꞌoc saꞌ li naꞌajej li quixqꞌue li Dios reheb.)

Génesis 21:21

Laj Ismael quicuan saꞌ li chaki chꞌochꞌ Parán. Aran quisumuba̱c xban lix naꞌ riqꞌuin jun li ixk aj Egipto.

Números 13:3

Joꞌcan nak laj Moisés quixtaklaheb li cui̱nk nak cuanqueb chak saꞌ li chaki chꞌochꞌ Parán joꞌ quiyeheꞌ re xban li Dios. Chixjunileb li cui̱nk li queꞌtakla̱c, aꞌaneb li nequeꞌcꞌamoc be chiruheb li junju̱nk xte̱paleb laj Israel.

Números 12:16

Nak ac xcꞌulun lix María saꞌ xya̱nkeb, queꞌel saꞌ li naꞌajej Hazerot. Queꞌco̱eb saꞌ li naꞌajej Parán ut aran queꞌcana.

Habacuc 3:3

—Aꞌan aꞌin li quicuil saꞌ li visión, chan laj Habacuc. Quicuil nak li Dios yo̱ chak chi cha̱lc saꞌ li naꞌajej Temán. Li Dios santo xchal saꞌ li tzu̱l Parán. Lix lokꞌal nacꞌutun saꞌ choxa, joꞌ ajcuiꞌ saꞌ chixjunil li ruchichꞌochꞌ.

Números 10:12

Joꞌcan nak eb laj Israel queꞌel saꞌ li chaki chꞌochꞌ li cuan Sinaí ut queꞌco̱eb. Ut li chok yo̱ chi cꞌamoc be chiruheb toj retal quicuulac saꞌ li chaki chꞌochꞌ Parán ut aran quixakli.

Génesis 36:8

Joꞌcan nak laj Esaú co̱ chi cua̱nc saꞌ li naꞌajej li tzu̱l ru Seir xcꞌabaꞌ. Nayeman ajcuiꞌ aj Edom re laj Esaú.

Génesis 16:7

Lix Agar yo̱ chi be̱c saꞌ li chaki chꞌochꞌ. Quicuulac cuan cuiꞌ li yuꞌam haꞌ saꞌ li be naxic saꞌ li tenamit Shur. Ut aran quitaꞌeꞌ xban lix ángel li Ka̱cuaꞌ Dios.

Génesis 32:3

Laj Jacob quixtaklaheb lix takl chi ubej re nak teꞌxic saꞌ li tenamit Seir li cuan xcue̱nt Edom, re nak teꞌxye re laj Esaú nak cuulac re laj Jacob.

1 Reyes 11:18

Queꞌel saꞌ li naꞌajej Madián ut queꞌco̱eb Parán. Aran queꞌxjunaji ribeb riqꞌuineb li cuanqueb Parán ut queꞌco̱eb Egipto. Laj faraón quixqꞌue lix chꞌochꞌ laj Hadad. Ut quixqꞌue ajcuiꞌ li rochoch ut lix tzacae̱mkeb.