Génesis 14:5 - Li Santil hu

⁵ Nak ac xnumeꞌ chic jun chihab, li rey Quedorlaomer queꞌxchꞌutub rib rochbeneb li oxibeb chic li rey. Queꞌco̱eb rochbeneb lix soldados chi pletic. Nak yo̱queb chi xic chi pletic riqꞌuineb li o̱b chic li rey, saꞌ lix beheb queꞌxtau jalaneb tenamit ut queꞌpletic riqꞌuineb toj retal queꞌnumta saꞌ xbe̱neb laj Refaim li cuanqueb saꞌ li tenamit Astarot Karnaim, ut saꞌ xbe̱neb laj Zuz li cuanqueb saꞌ li tenamit Ham, joꞌ ajcuiꞌ saꞌ xbe̱neb laj Emita li cuanqueb saꞌ li tenamit Save-quiriataim.

Q'eqchi Bible

⁵ Sa' li xkaalaju chihab' kichalk laj Kedorlahomer rochb'eeneb' li awab'ej li neke'okenk chirix, ut ke'xsacheb' laj Refait aran Asterot-Karnáhin. Ke'xsacheb' ajwi' laj Susim aran Ham, eb' laj Emí sa' xtaq'ahil Kiriatáhin

Génesis 14:5 ပူးပေါင်းရင်းမြစ်များ

Deuteronomio 3:11

(Chirix lix camic li rey Og, ma̱ jun chic xcana xcomoneb li ni̱nki cui̱nk. Lix chꞌa̱t laj Og yi̱banbil riqꞌuin chꞌi̱chꞌ. Numenak ca̱hib metro rok ut numenak cuib metro ru. Toj naru rilbal saꞌ li tenamit Rabá, lix tenamiteb li ralal xcꞌajol laj Amón.)

Deuteronomio 1:4

Aꞌin quicꞌulman nak ac xeꞌnumta saꞌ xbe̱n laj Sehón lix reyeb laj amorreo, li quicuan Hesbón ut saꞌ xbe̱n ajcuiꞌ laj Og lix reyeb laj Basán li quicuan Astarot saꞌ li naꞌajej Edrei.

Génesis 15:20

Ut aran ajcuiꞌ cuanqueb laj hitita, ut eb laj ferezeo, ut eb laj refaíta.

Deuteronomio 3:22

Mexxucuac xban nak moco e̱junes ta texpletik riqꞌuineb. Li Ka̱cuaꞌ le̱ Dios ban ta̱tenkꞌa̱nk e̱re chi pletic riqꞌuineb.

Jeremías 48:23

joꞌ ajcuiꞌ saꞌ xbe̱neb li cuanqueb Quiriataim ut Bet-gamul ut Bet-meón.

Jeremías 48:1

Joꞌcaꞌin naxye li Ka̱cuaꞌ li nimajcual Dios, lix Dioseb laj Israel, chirixeb laj Moab: —Raylal ta̱cha̱lk saꞌ xbe̱neb laj Nebo xban nak ta̱sachekꞌ ruheb. Quiriataim ta̱chapekꞌ ut ta̱cꞌutekꞌ xxuta̱n. Ta̱chapekꞌ ut ta̱sachekꞌ ru li tenamit Misgab.

Isaías 17:5

Li naꞌajej Israel nayamnac ta̱cana̱k joꞌ jun lix naꞌaj li acui̱mk nak ac xsiqꞌueꞌ li ru. Chanchanak li ru takꞌa re Refaim nak ac sicꞌbil chixjunil li ru li acui̱mk li na-el saꞌ li naꞌajej aꞌan.

Salmos 106:22

Nabal li milagros quilajxba̱nu aran Egipto saꞌ lix tenamit laj Cam. Sachba chꞌo̱lej quixba̱nu saꞌ li Caki Palau.

Salmos 105:27

Saꞌ xcꞌabaꞌ li Dios queꞌxba̱nu li sachba chꞌo̱lej ut li milagros chiruheb laj Egipto.

Salmos 105:23

Eb laj Israel, li ralal xcꞌajol laj Jacob, queꞌco̱eb Egipto ut queꞌqꞌueheꞌ chi cua̱nc saꞌ lix naꞌaj laj Cam.

Salmos 78:51

Li Dios quixcanabeb chi camsi̱c li xbe̱n ralaleb laj Egipto, li ralal xcꞌajoleb laj Cam.

1 Crónicas 14:9

Eb laj filisteo queꞌnachꞌoc ut queꞌcana saꞌ li ru takꞌa re Refaim.

1 Crónicas 11:15

Oxib xcomoneb li laje̱b xcaꞌcꞌa̱l li nequeꞌtaklan saꞌ xbe̱neb li soldados queꞌco̱eb cuan cuiꞌ li nimla pec li cuan nachꞌ riqꞌuin li ochoch pec Adulam, xban nak aran cuan laj David. Ut eb laj filisteo cuan xmuheba̱leb saꞌ li ru takꞌa re Refaim.

1 Crónicas 4:40

Queꞌxtau nabal li cha̱bil chꞌochꞌ ut li cha̱bil pim. Nim li naꞌajej. Ma̱cꞌaꞌ nachꞌiꞌchꞌiꞌin reheb xban nak eb li ralal xcꞌajol laj Cam, aꞌaneb li queꞌcuan aran junxil.

2 Samuel 23:13

Saꞌ xkꞌehil li kꞌoloc oxib reheb li laje̱b xcaꞌcꞌa̱l li nequeꞌtaklan queꞌco̱eb riqꞌuin laj David saꞌ li ochoch pec li cuan Adulam. Eb lix muheba̱leb laj filisteo cuan saꞌ li ru takꞌa re Refaim.

2 Samuel 5:22

Chirix chic aꞌan, eb laj filisteo queꞌco̱eb cuiꞌchic aran saꞌ li ru takꞌa re Refaim.

2 Samuel 5:18

Eb laj filisteo queꞌcana saꞌ li ru takꞌa re Refaim.

Josué 13:31

Yijach li naꞌajej Galaad quiqꞌueheꞌ reheb ut li nimla tenamit Astarot joꞌ ajcuiꞌ li nimla tenamit Edrei, li queꞌcuan rubel xcuanquil laj Og, lix reyeb laj Basán. Chixjunil li naꞌajej aꞌin quiqꞌueheꞌ reheb yijach li ralal xcꞌajol laj Maquir, li ralal laj Manasés, aꞌ yal chanru xqꞌuialeb li junju̱nk chꞌu̱tal.

Josué 13:19

Quiriataim, Sibma, Zaret-sahar li cuan saꞌ xbe̱n bol cuan cuiꞌ li ru takꞌa,

Josué 13:12

Queꞌxcꞌul chokꞌ reheb chixjunil li naꞌajej Basán, li quicuan rubel xcuanquil laj Og, li quicuan chokꞌ rey aran Astarot ut Edrei. Laj Og, aꞌan jun reheb laj refaítas, li queꞌcoleꞌ nak laj Moisés quinumta saꞌ xbe̱neb nak quirisiheb saꞌ li naꞌajej aꞌan.

Josué 12:4

Laj Og li rey re Basán, aꞌan jun xcomoneb li queꞌchal chak saꞌ li naꞌajej Refaim. Laj Og quicuan aran Astarot ut Edrei.

Deuteronomio 3:20

Incꞌaꞌ naru texsukꞌi̱k saꞌ le̱ naꞌaj la̱ex toj teꞌre̱chani lix naꞌajeb li jun chꞌol chic joꞌ nak li Ka̱cuaꞌ xqꞌue e̱re la̱ex. Nak ac cua̱nkeb saꞌ lix naꞌajeb chi cꞌojcꞌo xchꞌo̱leb naru texsukꞌi̱k saꞌ li naꞌajej li xqꞌueheꞌ e̱re la̱ex.

Génesis 14:4

Eb li o̱b chi rey aꞌin queꞌcuan rubel xtakl laj Quedorlaomer chiru cablaju chihab. Aban nak ac yo̱ chic oxlaju chihab incꞌaꞌ chic queꞌraj cana̱c rubel xtakl aꞌan. Aꞌan aj e nak queꞌxchꞌutub ribeb chi pletic re nak teꞌxsach xcuanquil laj Quedorlaomer.

Números 32:37

Ut eb li ralal xcꞌajol laj Rubén queꞌxyi̱b cuiꞌchic li tenamit Hesbón, Eleale, Quiriataim,

Deuteronomio 3:13

Ut reheb yijach li ralal xcꞌajol laj Manasés quinqꞌue li yijach jun chic li tzu̱l ru li cuan Galaad, joꞌ ajcuiꞌ li naꞌajej Basán, li quicuan cuiꞌ chi takla̱nc li rey Og. Ut quinqꞌue ajcuiꞌ reheb chixjunil li naꞌajej Argob, li nequeꞌxye “xnaꞌajeb li ni̱nki cui̱nk” re.

Josué 9:10

Ut xkabi ajcuiꞌ resil li quixba̱nu reheb li cuib chi rey li queꞌcuan chokꞌ xreyeb laj amorreo li cuanqueb jun pacꞌal li nimaꞌ Jordán. Xkabi resil nak queꞌsach ruheb li rey Sehón aran Hesbón ut laj Og, lix rey eb laj Basán, li quicuan Astarot.