Génesis 14:3 - Li Santil hu

³ Li o̱b chi rey aꞌin queꞌxchꞌutub ribeb rochbeneb lix soldados saꞌ li ru takꞌa Sidim. Anakcuan li naꞌajej aꞌan Mar Muerto xcꞌabaꞌ.

Q'eqchi Bible

³ Chixjunileb' a'in ke'xjunaji rib' sa' xtaq'ahil Sidim, b'arwi' wank li Atz'aminb'il Palaw.

Génesis 14:3 ပူးပေါင်းရင်းမြစ်များ

Josué 3:16

Ut li rok li haꞌ li nachal chak takecꞌ quixakli nachꞌ riqꞌuin li tenamit Adam li cuan chixcꞌatk li naꞌajej Saretán. Li tenamit aꞌan najt cuan riqꞌuin li naꞌajej li yo̱queb cuiꞌ chi numecꞌ laj Israel. Ut incꞌaꞌ chic naxic li haꞌ takꞌa saꞌ li palau Mar Muerto xcꞌabaꞌ. Joꞌcan nak quixjach rib li haꞌ nak quixakli. Ut eb laj Israel queꞌnumeꞌ jun pacꞌal saꞌ xjayal li naꞌajej Jericó.

Deuteronomio 3:17

Saꞌ li oeste lix naꞌajeb quicuulac cuan cuiꞌ li nimaꞌ Jordán. Naticla cuan cuiꞌ li palau Cineret ut quicuulac cuan cuiꞌ li palau Mar Muerto xcꞌabaꞌ li cuan saꞌ li sur. Nacuulac cuan cuiꞌ li tzu̱l Pisga li cuan saꞌ li este.

Números 34:12

Ta̱xic chire li nimaꞌ Jordán ut ta̱cuulak toj saꞌ li palau Mar Muerto. Aꞌaneb aꞌin lix nuba̱l li naꞌajej li tinqꞌue e̱re saꞌ li ca̱hib pacꞌal, chan li Dios.

Génesis 19:24

Li Ka̱cuaꞌ Dios toj saꞌ choxa quixtakla chak li xam ut li azufre saꞌ xbe̱neb li tenamit Sodoma ut Gomorra.

Salmos 107:34

Ut li chꞌochꞌ li cha̱bil na-el li acui̱mk chiru, naxsukꞌisi chi ma̱cꞌaꞌ chic na-el chiru. Naxba̱nu chi joꞌcan xban li ma̱usilal li nequeꞌxba̱nu li tenamit.

Génesis 10:19

Lix chꞌochꞌeb laj cananeo naticla chak toj Sidón ut naxtau xnuba̱l li tenamit Gaza li nacana saꞌ xjayal Gerar. Ut naxtau ajcuiꞌ lix nuba̱l li tenamit Lasa li nacana saꞌ xjayal li ca̱hib chi tenamit Sodoma, Gomorra, Adma ut Zeboim.

Génesis 14:4

Eb li o̱b chi rey aꞌin queꞌcuan rubel xtakl laj Quedorlaomer chiru cablaju chihab. Aban nak ac yo̱ chic oxlaju chihab incꞌaꞌ chic queꞌraj cana̱c rubel xtakl aꞌan. Aꞌan aj e nak queꞌxchꞌutub ribeb chi pletic re nak teꞌxsach xcuanquil laj Quedorlaomer.

Génesis 14:8

Tojoꞌnak li o̱b chi rey rochbeneb lix soldados queꞌco̱eb chi pletic. Aꞌaneb li cuanqueb chokꞌ rey saꞌ eb li tenamit Sodoma, Gomorra, Adma, Zeboim ut Bela. Aran queꞌpletic saꞌ li ru takꞌa Sidim.

Génesis 14:10

Saꞌ li ru takꞌa Sidim cꞌajoꞌ li jul cuan. Saꞌ eb li jul aꞌin cuan li asfalto. Nak yo̱queb chi e̱lelic chiruheb li ca̱hib chi rey, eb li soldados re Sodoma ut Gomorra queꞌlajeꞌtꞌaneꞌ saꞌ li jul ut cuan li queꞌe̱lelic saꞌ li tzu̱l. Eb li o̱b chi rey incꞌaꞌ queꞌxcuy xcolbal ribeb saꞌ rukꞌeb li ca̱hib chic.