Génesis 14:20 - Li Santil hu

²⁰ Lokꞌoninbil taxak li Ka̱cuaꞌ Dios li kꞌaxal nim xcuanquil. Aꞌan xkꞌaxtesi saꞌ a̱cuukꞌ li xicꞌ nequeꞌiloc a̱cue, chan. Laj Abram quixsi re laj Melquisedec li junju̱nk saꞌ xlaje̱tkil re chixjunil li cꞌaꞌru quire̱chani chak.

Q'eqchi Bible

²⁰ Usilaatinanb'ilaq ajwi' li Nimajwal Yos li xq'axtesi sa' laawuq' eb' li xik' neke'ilok aawe”. Ut laj Abrán kixk'e re li xlajeetqil chixjunil li k'aru wank re.

Génesis 14:20 ပူးပေါင်းရင်းမြစ်များ

Génesis 28:22

Li pec aꞌin xinxakab anakcuan chokꞌ retalil nak li naꞌajej aꞌin, aꞌan re xlokꞌoninquil li Ka̱cuaꞌ Dios, chan. Ut laj Jacob quixye re li Dios, —La̱in tinmayeja cha̱cuu li junju̱nk saꞌ xlaje̱tkil re chixjunil li cꞌaꞌru ta̱qꞌue cue, chan.

Malaquías 3:10

Joꞌcan ut nak cꞌamomak chak che̱junilex li junju̱nk saꞌ xlaje̱tkil saꞌ xnaꞌaj li mayej re nak ta̱cua̱nk li cꞌaꞌru ta̱cꞌanjelak saꞌ li cuochoch. Ut yalomakin anakcuan riqꞌuin aꞌin. ¿Ma incꞌaꞌ tana tinte chak re li choxa ut tinqꞌue chak chi numtajenak le̱ rosobtesinquil? chan li nimajcual Dios.

San Lucas 18:12

Caꞌ sut ninba̱nu in-ayu̱n chiru li jun xama̱n. Ut rajlal ninqꞌue li junju̱nk saꞌ xlaje̱tkil re chixjunil li joꞌ qꞌuial li nincꞌul,” chan laj fariseo saꞌ lix tij.

Génesis 24:27

Quixye re li Dios: —Kꞌaxal nim la̱ cuanquilal. La̱at li Dios li naxlokꞌoni laj Abraham lin patrón. Junelic cuan saꞌ a̱chꞌo̱l ut nacaba̱nu li usilal re. La̱at xatcꞌamoc be chicuu. Joꞌcan nak xintau lix comoneb lin patrón, chan re li Ka̱cuaꞌ Dios.

Efesios 1:3

Lokꞌoninbil taxak li Dios lix Yucuaꞌ li Ka̱cuaꞌ Jesucristo. Xban nak junajo chic riqꞌuin li Cristo, li Dios naxqꞌue chak ke chixjunil li kosobtesinquil li nachal chak saꞌ choxa.

Romanos 15:16

La̱in nincꞌanjelac chiru li Jesucristo saꞌ xya̱nkeb li ma̱cuaꞌeb aj judío. Lin cꞌanjel aꞌan xchꞌolobanquil xya̱lal li colba-ib re nak eb li ma̱cuaꞌeb aj judío teꞌxkꞌaxtesi rib chiru li Dios. Ut li Dios ta̱sahokꞌ saꞌ xchꞌo̱l riqꞌuineb, ut teꞌsantobresi̱k xban li Santil Musikꞌej.

Malaquías 3:8

La̱in li Ka̱cuaꞌ Dios ninpatzꞌ e̱re: ¿Ma ta̱ru̱k ta biꞌ ta̱relkꞌa li cꞌaꞌru cue junak li cui̱nk? Incꞌaꞌ raj. Abanan la̱ex yo̱quex chi elkꞌac chicuu. Ut nequeye, “¿Cꞌaꞌru xkelkꞌa a̱cue?” chanquex. La̱ex xex-elkꞌac chicuu xban nak incꞌaꞌ nequeqꞌue li junju̱nk saꞌ xlaje̱tkil ut incꞌaꞌ nequeqꞌue le̱ mayej.

Amós 4:4

Ayukex aran Bet-el ut ba̱nuhomak li cꞌaꞌru te̱raj xba̱nunquil. Ayukex Gilgal chixba̱nunquil le̱ ma̱usilal. Rajlal ekꞌela texmayejak chiru le̱ yi̱banbil dios, ut rajlal oxib cutan te̱qꞌue le̱ mayej li junju̱nk saꞌ xlaje̱tkil.

Salmos 144:1

Lokꞌoninbil taxak li nimajcual Dios xban nak aꞌan chanchan jun sako̱nac bar naru nincol cuiꞌ cuib. Aꞌan li natenkꞌan cue chi pletic ut naxcꞌut chicuu chanru tinba̱nu nak tinpletik.

Salmos 68:19

Lokꞌoninbil taxak li Ka̱cuaꞌ li kaDios li nacoloc ke. Cuulaj cuulaj nakacꞌul li rusilal li naxqꞌue ke.

Salmos 44:3

Eb li kaxeꞌto̱nil yucuaꞌ incꞌaꞌ queꞌre̱chani li naꞌajej riqꞌuin li ple̱t queꞌxba̱nu chi moco xban xcuanquileb. La̱at ban cattenkꞌan reheb riqꞌuin la̱ cuanquilal xban nak cacuil xtokꞌoba̱l ruheb ut cacuuxta̱na ruheb.

Nehemías 13:12

Ut chixjunileb laj Judá queꞌoc cuiꞌchic xqꞌuebal li junju̱nk saꞌ xlaje̱tkil re li trigo, re li vino ut re li aceite. Ut coxeꞌxcanab saꞌ li cab li nequeꞌxxoc cuiꞌ li mayej.

Nehemías 10:37

Ut kaye ajcuiꞌ nak rajlal takacꞌam saꞌ li naꞌajej bar naxocman cuiꞌ li nacꞌanjelac saꞌ li templo ut takakꞌaxtesi reheb laj tij li kꞌem li yi̱banbil riqꞌuin li xbe̱n ru li trigo ut takacꞌam ajcuiꞌ li vino ut li aceite joꞌ ajcuiꞌ chixjunil li xbe̱n ru li cheꞌ li naloꞌeꞌ. Ut li junju̱nk saꞌ xlaje̱tkil li ru li kacui̱mk takakꞌaxtesi reheb laj levita, xban nak eb aꞌan li nequeꞌxococ re li mayej aꞌan saꞌ chixjunileb li tenamit.

2 Crónicas 31:12

Ut saꞌ eb li naꞌajej aꞌan queꞌxxoc li xbe̱n ru li racui̱mkeb li queꞌxqꞌue chokꞌ xmayejeb ut li junju̱nk saꞌ xlaje̱tkil joꞌ ajcuiꞌ chixjunil li mayej li ac kꞌaxtesinbil chiru li Ka̱cuaꞌ. Ut queꞌxxakab laj Conanías laj levita re nak aꞌan ta̱cꞌuluk re rochben laj Simei li ri̱tzꞌin.

Josué 10:42

Saꞌ li ple̱t aꞌan laj Josué quinumta saꞌ xbe̱neb chixjunileb li rey ut queꞌre̱chani lix naꞌajeb xban nak li Ka̱cuaꞌ yo̱ chi tenkꞌa̱nc reheb laj Israel.

Deuteronomio 14:28

Rajlal ox ox chihab, nak rakecꞌ re li chihab, te̱cꞌam li junju̱nk saꞌ xlaje̱tkil chixjunil li ru le̱ racui̱mk re xcꞌu̱lanquil saꞌ le̱ tenamit.

Deuteronomio 14:23

Ut texxic saꞌ li naꞌajej li sicꞌbil ru xban li Ka̱cuaꞌ bar te̱lokꞌoni cuiꞌ. Ut aran chiru li Ka̱cuaꞌ te̱tzaca li junju̱nk saꞌ xlaje̱tkil li ru le̱ racui̱mk, li acꞌ vino ut li aceite joꞌ ajcuiꞌ li xbe̱n ral le̱ cuacax ut li xbe̱n ral le̱ carner. Te̱ba̱nu chi joꞌcan re nak te̱tzol e̱rib chixxucuanquil ru li Ka̱cuaꞌ le̱ Dios chi junelic.

Deuteronomio 12:17

Abanan li mayej li nequeqꞌue chiru li Ka̱cuaꞌ incꞌaꞌ naru te̱tzaca saꞌ le̱ tenamit, joꞌ li junju̱nk saꞌ xlaje̱tkil li ru le̱ racui̱mk, ut le̱ vino, ut le̱ aceite, joꞌ ajcuiꞌ li xbe̱n ral le̱ cuacax, ut li xbe̱n ral le̱ carner. Ut incꞌaꞌ naru te̱tzaca saꞌ le̱ tenamit li mayej li nequeqꞌue nak nequeyechiꞌi re li Dios xba̱nunquil li cꞌaꞌak re ru, ut li mayej li na-ala saꞌ e̱chꞌo̱l xqꞌuebal, joꞌ ajcuiꞌ li mayej li nequetaksi chiru li Ka̱cuaꞌ saꞌ le̱ rukꞌ.

Números 28:26

Ut saꞌ li cutan nak teꞌxmayeja li xbe̱n ru li racui̱mkeb chicuu teꞌxchꞌutub ribeb re xqꞌuebal inlokꞌal la̱in li Ka̱cuaꞌ ut ma̱ jun li cꞌanjel teꞌxba̱nu.

Génesis 9:26

Abanan aꞌ taxak li Ka̱cuaꞌ Dios chi-osobtesi̱nk re laj Sem, joꞌ eb ajcuiꞌ li ralal xcꞌajol. Ut laj Canaán rochbeneb li ralal xcꞌajol teꞌcana̱k chokꞌ rahobtesinbil mo̱s.—

Génesis 14:21

Lix reyeb laj Sodoma quixye re laj Abram: —Ba̱nu usilal, kꞌaxtesiheb cuiꞌchic saꞌ li tenamit aꞌin chixjunileb li cristian li xacoleb chak saꞌ li ple̱t. Ut li cꞌaꞌru cuan reheb ta̱cana̱k chokꞌ a̱cue, chan.

Éxodo 18:10

Laj Jetro quixye: —Lokꞌoninbil taxak li Ka̱cuaꞌ Dios li qui-isin chak e̱re saꞌ li raylal li quexcuan cuiꞌ aran Egipto. Ut quexrisi ajcuiꞌ chak saꞌ rukꞌ laj faraón.

Génesis 47:24

Nak te̱sicꞌ ru le̱ racui̱mk, te̱qꞌue li roꞌ jachal re laj faraón. Ut li ca̱hib jachal chic ta̱cana̱k chokꞌ e̱re. Aꞌan ta̱cꞌanjelak che̱ru chokꞌ re e̱riyaj nak tex-a̱uk saꞌ li chihab jun. Ut ta̱cꞌanjelak ajcuiꞌ chokꞌ xtzacae̱mk le̱ ralal e̱cꞌajol joꞌ ajcuiꞌ chixjunileb li cuanqueb saꞌ le̱ rochoch, chan laj José.

Génesis 47:26

Tojoꞌnak laj José quixqꞌue jun li chakꞌrab saꞌ li tenamit Egipto re nak laj faraón junelic tixcꞌul li roꞌ jachal li acui̱mk li ta̱e̱lk aran. Caꞌaj chic laj cꞌamol be re tijoc incꞌaꞌ queꞌxqꞌue li roꞌ jachal li racui̱mk xban nak eb lix chꞌochꞌ moco lokꞌbil ta xban laj faraón. Toj chalen anakcuan cuan li chakꞌrab aꞌan.

2 Samuel 18:28

Laj Ahimaas quixqꞌue xsahil xchꞌo̱l li rey. Quixcut rib saꞌ chꞌochꞌ ut quixye re: —Lokꞌoninbil taxak li Ka̱cuaꞌ la̱ Dios, at rey, xban nak xatxtenkꞌa chi numta̱c saꞌ xbe̱neb li cui̱nk xeꞌraj numta̱c saꞌ a̱be̱n, chan.