Génesis 14:2 - Li Santil hu

² Eb li ca̱hib chi rey aꞌin queꞌxpleti ribeb riqꞌuineb o̱b chic li rey. Eb li rey o̱b chic, aꞌaneb aꞌin: laj Bera, aꞌan lix reyeb li tenamit Sodoma; laj Birsa, aꞌan lix reyeb li tenamit Gomorra; laj Sinab, aꞌan lix reyeb li tenamit Adma; laj Semeber, aꞌan lix reyeb li tenamit Zeboim; ut li rey jun chic, aꞌan lix reyeb li tenamit Bela, li nayeman ajcuiꞌ Zoar re.

Q'eqchi Bible

² ke'yalok rik'in laj Birsá, awab'ej re Gomoor, rik'in laj Sinab, awab'ej re Admá, rik'in laj Semeber, awab'ej re Seboín, ut rik'in li awab'ej re Belá, Sohar ajwi' nayeemank re li tenamit a'an.

Génesis 14:2 ပူးပေါင်းရင်းမြစ်များ

Génesis 13:10

Laj Lot quiril nak cꞌajoꞌ xchꞌinaꞌusal li ru takꞌa cuan chire li nimaꞌ Jordán. Li naꞌajej aꞌan cha̱bil ut nim. Nacuulac toj cuan cuiꞌ li tenamit Zoar. Ut quiril nak cuan li haꞌ chokꞌ re li acui̱mk. Chanchan li naꞌajej Egipto li queꞌel cuiꞌ chak. Aꞌan quicꞌulman nak li Dios toj ma̱jiꞌ naxsach li tenamit Sodoma ut Gomorra.

Deuteronomio 29:23

Ma̱cꞌaꞌ chic ta̱e̱lk saꞌ eb le̱ cꞌaleba̱l. Junes azufre ut atzꞌam ta̱cua̱nk saꞌ le̱ chꞌochꞌ. Incꞌaꞌ ta̱e̱lk li acui̱mk chi moco li rax pim. Le̱ naꞌaj chanchanak chic li tenamit Sodoma ut Gomorra ut eb li tenamit Adma ut Zeboim, li queꞌsacheꞌ xban li Ka̱cuaꞌ nak yo̱ xjoskꞌil saꞌ xbe̱neb.

Génesis 10:19

Lix chꞌochꞌeb laj cananeo naticla chak toj Sidón ut naxtau xnuba̱l li tenamit Gaza li nacana saꞌ xjayal Gerar. Ut naxtau ajcuiꞌ lix nuba̱l li tenamit Lasa li nacana saꞌ xjayal li ca̱hib chi tenamit Sodoma, Gomorra, Adma ut Zeboim.

Oseas 11:8

¿Chanru nak texincanab e̱junes, la̱ex ralal xcꞌajol laj Efraín? ¿Chanru nak texinkꞌaxtesi saꞌ rukꞌeb li xicꞌ nequeꞌiloc e̱re, la̱ex aj Israel? ¿Ma ta̱ru̱k ta biꞌ texinsach joꞌ xinba̱nu riqꞌuineb laj Adma ut riqꞌuineb laj Zeboim? La̱in cꞌajoꞌ nak nequexinra. Joꞌcan nak nayotꞌeꞌ inchꞌo̱l e̱ban.

Isaías 15:5

La̱in tincuil xtokꞌoba̱l ruheb laj Moab. Eb li cristian teꞌe̱lelik toj saꞌ eb li tenamit Zoar, ut Eglat-selisiya. Yo̱keb chi ya̱bac nak teꞌtakekꞌ saꞌ li tzu̱l Luhit ut japjo̱keb re xban xrahil xchꞌo̱leb nak teꞌe̱lelik toj Horonaim.

Nehemías 11:34

Ut cuan ajcuiꞌ li queꞌcana saꞌ eb li tenamit Hadid, Seboim, ut Nebalat.

1 Samuel 13:18

Li xcab chꞌu̱tal queꞌco̱eb Bet-horón ut li rox chꞌu̱tal queꞌco̱eb saꞌ li nuba̱l re li ru takꞌa re laj Zeboim saꞌ xjayal li chaki chꞌochꞌ.

Deuteronomio 34:3

Quixcꞌut ajcuiꞌ chiru li naꞌajej Neguev ut eb li ru takꞌa Jordán ut Jericó, li tenamit li cuanqueb cuiꞌ li cheꞌ palmera toj saꞌ li naꞌajej Zoar.

Jeremías 48:34

Eb li cuanqueb Hesbón yo̱queb chi ya̱bac ut lix ya̱beb nacuulac toj Eleale ut Jahaza. Lix ya̱beb na-abi̱c toj Zoar ut Horonaim ut Eglat-selisiya xban nak queꞌchakic li yuꞌam haꞌ li cuanqueb Nimrim.

Génesis 13:12

Laj Abram quicana saꞌ li naꞌajej Canaán. Ut laj Lot co̱ saꞌ li ru takꞌa cuanqueb cuiꞌ li cocꞌ tenamit. Quixyi̱b lix muheba̱l nachꞌ riqꞌuin li tenamit Sodoma.