Génesis 14:19 - Li Santil hu

¹⁹ Laj Melquisedec quirosobtesi laj Abram riqꞌuin li a̱tin aꞌin: —Osobtesinbil taxak laj Abram xban li Ka̱cuaꞌ Dios, li kꞌaxal nim xcuanquil. Li Ka̱cuaꞌ Dios, aꞌan li quiyi̱ban re li choxa joꞌ ajcuiꞌ li ruchichꞌochꞌ.

Q'eqchi Bible

¹⁹ Kirosob'tesi laj Abrán ut kixye chi jo'ka'in: “Osob'tesinb'ilaq taxaq laj Abrán xb'aan li Nimajwal Yos, aj yoob'tesinel re li choxach'och'.

Génesis 14:19 ပူးပေါင်းရင်းမြစ်များ

Génesis 14:22

Abanan laj Abram quichakꞌoc ut quixye re: —Ac xinba̱nu jun li juramento riqꞌuin li Ka̱cuaꞌ Dios, li quiyi̱ban re li ruchichꞌochꞌ joꞌ ajcuiꞌ li choxa.

Efesios 1:3

Lokꞌoninbil taxak li Dios lix Yucuaꞌ li Ka̱cuaꞌ Jesucristo. Xban nak junajo chic riqꞌuin li Cristo, li Dios naxqꞌue chak ke chixjunil li kosobtesinquil li nachal chak saꞌ choxa.

Efesios 1:6

Joꞌcan nak chikalokꞌonihak ru li Dios xban nak yal chi ma̱tan quiruxta̱na ku nak quixtakla chak li Ralal li kꞌaxal raro xban.

San Mateo 11:25

Saꞌ eb li cutan aꞌan, li Jesús quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chirix lix nimal la̱ cuanquilal chiruheb li cuanqueb xnaꞌleb nak nequeꞌxye rib, ut xamuk ajcuiꞌ chiruheb li tzolbileb. Ut xacꞌut lix ya̱lal chiruheb li cubenakeb xcuanquil, li chanchaneb cocꞌal.

Salmos 24:1

Li Ka̱cuaꞌ, aꞌan laj e̱chal re li ruchichꞌochꞌ. Re li Ka̱cuaꞌ chixjunil li na-el saꞌ ruchichꞌochꞌ joꞌ ajcuiꞌ chixjunil li cuanqueb saꞌ ruchichꞌochꞌ.

Li xHu LIX RUT 3:10

Laj Booz quichakꞌoc ut quixye re: —Li Ka̱cuaꞌ Dios taxak chi-osobtesi̱nk a̱cue xban nak kꞌaxal nabal cuiꞌchic li usilal yo̱cat chixba̱nunquil riqꞌuin aꞌin. Xru raj xasicꞌ junak cui̱nk toj sa̱j chicuu la̱in, usta biom usta nebaꞌ. Abanan incꞌaꞌ xaba̱nu chi joꞌcan.

Hechos 16:17

Li xkaꞌal aꞌan yo̱ chikata̱kenquil. Japjo re chixyebal: —Eb li cui̱nk aꞌin aꞌan xmo̱seb li nimajcual Dios. Yo̱queb chixchꞌolobanquil chiku chanru nak ta̱ru̱k tocolekꞌ, chan.

San Lucas 10:21

Saꞌ li ho̱nal aꞌan li Jesús quirecꞌa xsahil xchꞌo̱l xban li Santil Musikꞌej. Quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chiruheb li tzolbileb ut li cuanqueb xnaꞌleb. Ut xacꞌut lix ya̱lal chiruheb li cubenakeb xcuanquil. Chanchaneb cocꞌal. Xaba̱nu chi joꞌcan xban nak joꞌcan xcuulac cha̱cuu la̱at, chan li Jesús nak quitijoc.

Miqueas 6:6

¿Cꞌaꞌru ta̱ru̱k takaqꞌue re li Ka̱cuaꞌ ut chanru nak takaqꞌue xlokꞌal li nimajcual Dios? ¿Ma ta̱ru̱k takamayeja li cꞌatbil mayej chiru malaj junak li cuacax toj jun chihab cuan re?

Salmos 115:16

Li choxa aꞌan xnaꞌaj li nimajcual Dios xban nak aran cuan. Abanan li ruchichꞌochꞌ aꞌan quixqꞌue reheb li cristian re teꞌcua̱nk cuiꞌ.

2 Samuel 2:5

Ut laj David quixtaklaheb lix takl riqꞌuineb laj Jabes li cuan xcue̱nt Galaad ut quixye reheb: —Aꞌ taxak li Dios chi-osobtesi̱nk e̱re riqꞌuin li usilal xeba̱nu re li rey Saúl nak xemuk.

Génesis 49:28

Aꞌaneb aꞌin li cablaju xte̱paleb li ralal xcꞌajol laj Israel. Tzꞌi̱banbil arin li cꞌaꞌru queꞌyeheꞌ reheb xban lix yucuaꞌeb nak quixtzꞌa̱ma chiru li Ka̱cuaꞌ Dios li rosobtesinquil li junju̱nk. Jalan jala̱nk li rosobtesinquileb.

Génesis 47:10

Ut laj Jacob quixtzꞌa̱ma re li Ka̱cuaꞌ Dios nak aꞌan taxak ta̱osobtesi̱nk re laj faraón. Nak quixchakꞌrabi laj faraón, laj Jacob qui-el riqꞌuin.

Génesis 47:7

Ut laj José quirocsi lix yucuaꞌ re nak laj faraón tixnau ru. Ut laj Jacob quixtzꞌa̱ma re li Ka̱cuaꞌ Dios nak aꞌan taxak chi-osobtesi̱nk re laj faraón.

Génesis 27:4

Ut ta̱yi̱b caꞌchꞌinak lin tzacae̱mk li nacuulac chicuu. Nak ac xincuaꞌac, la̱in tatcuosobtesi nak toj yoꞌyo̱quin, chan laj Isaac re laj Esaú.

San Marcos 10:16

Ut li Jesús quixkꞌaluheb li cocꞌal, quixqꞌue li rukꞌ saꞌ xbe̱neb, ut quirosobtesiheb.

Salmos 50:10

Incꞌaꞌ yo̱quin chixtzꞌa̱manquil e̱re nak te̱qꞌue cue xban nak cue ajcuiꞌ chixjunileb li xul. Cue li cuanqueb saꞌ qꞌuicheꞌ joꞌ ajcuiꞌ chixjunil li queto̱mk li cuan e̱riqꞌuin la̱ex.

Génesis 24:3

Saꞌ xcꞌabaꞌ li Ka̱cuaꞌ Dios ta̱ye cue nak incꞌaꞌ ta̱sicꞌ rixakil li cualal saꞌ li tenamit Canaán li cuanquin cuiꞌ anakcuan. Ta̱ye cue chiru li tzꞌakal Dios li cuan saꞌ choxa re nak tinpa̱b la̱ cua̱tin nak incꞌaꞌ ta̱sicꞌ xcomoneb aj Canaán chokꞌ rixakil.

1 Samuel 15:13

Laj Samuel co̱ cuan cuiꞌ laj Saúl ut laj Saúl quixye re: —Osobtesinbilat taxak xban li Ka̱cuaꞌ. La̱in xinba̱nu li cꞌaꞌru quixye cue li Ka̱cuaꞌ, chan.

Deuteronomio 10:14

Li Ka̱cuaꞌ le̱ Dios, aꞌan laj e̱chal re chixjunil li choxa, joꞌ ajcuiꞌ li ruchichꞌochꞌ ut li joꞌ qꞌuial cuan chi saꞌ.

1 Crónicas 29:11

At Ka̱cuaꞌ, a̱cue la̱at li cuanquilal, li lokꞌal ut li lokꞌoni̱c. A̱cꞌulub nak ta̱qꞌuehekꞌ a̱lokꞌal ut ta̱nima̱k a̱cuu. Chixjunil li cꞌaꞌru cuan, a̱cue la̱at, joꞌ li cuan saꞌ choxa, joꞌ ajcuiꞌ li cuan saꞌ ruchichꞌochꞌ. A̱cue la̱at li cuanquilal. La̱at li kꞌaxal nim a̱cuanquil saꞌ xbe̱n chixjunil.

2 Crónicas 31:8

Nak laj Ezequías ut eb li nequeꞌtenkꞌan re queꞌril chixjunil li mayej tu̱btu aran, queꞌxlokꞌoni li Ka̱cuaꞌ ut queꞌxbantioxi chiruheb laj Israel lix tenamit.

Salmos 115:15

Aꞌ ta li nimajcual Dios li quiyi̱ban re li choxa ut li ruchichꞌochꞌ chi-osobtesi̱nk e̱re.