Génesis 14:17 - Li Santil hu

¹⁷ Li rey Quedorlaomer joꞌ eb ajcuiꞌ li rochben queꞌosoꞌ saꞌ rukꞌ laj Abram. Nak laj Abram quisukꞌi chak, lix reyeb laj Sodoma qui-el chixcꞌulbal laj Abram. Queꞌxcꞌul rib saꞌ li ru takꞌa Save. Nayeman ajcuiꞌ re li naꞌajej aꞌan “Li Ru Takꞌa re li Rey”.

Q'eqchi Bible

¹⁷ Sa' xsutq'ijik chaq laj Abrán, naq ak xjuk' xwankil laj Kedorlahomer ut eb' li awab'ej li wankeb' rochb'een, ki'elk li awab'ej re Sodoom chi xk'ulb'al sa' xtaq'ahil Sawé (“xTaq'ahil li Awab'ej” ajwi' nayeemank re).

Génesis 14:17 ပူးပေါင်းရင်းမြစ်များ

2 Samuel 18:18

Nak toj yoꞌyo laj Absalón quixtus li pec chi najt xteram saꞌ li ru takꞌa re li rey, re nak eb li tenamit teꞌxqꞌue xlokꞌal laj Absalón. Quixye: —Ma̱ jun cualal cuan re nak ta̱jultica̱k incꞌabaꞌ, chan. Joꞌcan nak quixqꞌue “Absalón” chokꞌ xcꞌabaꞌ li tusbil pec aꞌan. Ut chalen anakcuan li tusbil pec aꞌan “Absalón” nayeman re.

Hebreos 7:1

Laj Melquisedec aꞌan li rey re li tenamit Salem. Aꞌan ajcuiꞌ laj tij chiru li nimajcual Dios. Laj Melquisedec qui-el chak chixcꞌulbal laj Abraham ut quirosobtesi nak quisukꞌi chak chixsachbal ruheb li rey.

Proverbios 19:4

Li ani cuan xbiomal cuan nabal li rami̱g. Abanan li nebaꞌ incꞌaꞌ nacuan rami̱g xban nak ma̱cꞌaꞌ cuan re.

Proverbios 14:20

Eb li nebaꞌ tzꞌekta̱nanbileb xbaneb li rami̱g, usta rami̱gueb. Abanan eb li biom nabal li rami̱gueb.

1 Samuel 18:6

Nak laj David ac xcamsi laj Goliat, eb li soldados queꞌsukꞌi chak saꞌ li ple̱t. Eb li ixk saꞌ chixjunileb li tenamit Israel queꞌel chixcꞌulbal li rey Saúl. Cuanqueb xpanderos saꞌ rukꞌ. Yo̱queb chi xajoc ut yo̱queb chi bicha̱nc xban xsahileb xchꞌo̱l. Ut yo̱queb chixchꞌeꞌbal lix cuajbeb.

Jueces 11:34

Laj Jefté quisukꞌi Mizpa saꞌ li rochoch. Ut lix rabin qui-el chak chixcꞌulbal lix yucuaꞌ. Yo̱ chi xajoc ut yo̱ chixchꞌeꞌbal lix pandero li cuan saꞌ rukꞌ. Jun ajcuiꞌ lix rabin laj Jefté. Ma̱ jun chic xcocꞌal cuan.

Génesis 14:1

Saꞌ eb li cutan aꞌan, laj Amrafel, aꞌan lix reyeb li tenamit Sinar. Laj Arioc, aꞌan lix reyeb li tenamit Elasar. Laj Quedorlaomer, aꞌan lix reyeb li tenamit Elam. Ut laj Tidal, aꞌan lix reyeb li tenamit Goim.

Génesis 14:5

Nak ac xnumeꞌ chic jun chihab, li rey Quedorlaomer queꞌxchꞌutub rib rochbeneb li oxibeb chic li rey. Queꞌco̱eb rochbeneb lix soldados chi pletic. Nak yo̱queb chi xic chi pletic riqꞌuineb li o̱b chic li rey, saꞌ lix beheb queꞌxtau jalaneb tenamit ut queꞌpletic riqꞌuineb toj retal queꞌnumta saꞌ xbe̱neb laj Refaim li cuanqueb saꞌ li tenamit Astarot Karnaim, ut saꞌ xbe̱neb laj Zuz li cuanqueb saꞌ li tenamit Ham, joꞌ ajcuiꞌ saꞌ xbe̱neb laj Emita li cuanqueb saꞌ li tenamit Save-quiriataim.

Génesis 14:10

Saꞌ li ru takꞌa Sidim cꞌajoꞌ li jul cuan. Saꞌ eb li jul aꞌin cuan li asfalto. Nak yo̱queb chi e̱lelic chiruheb li ca̱hib chi rey, eb li soldados re Sodoma ut Gomorra queꞌlajeꞌtꞌaneꞌ saꞌ li jul ut cuan li queꞌe̱lelic saꞌ li tzu̱l. Eb li o̱b chi rey incꞌaꞌ queꞌxcuy xcolbal ribeb saꞌ rukꞌeb li ca̱hib chic.