Génesis 14:13 - Li Santil hu

¹³ Abanan quie̱lelic jun li cui̱nk chiruheb aꞌan. Li cui̱nk aꞌan quicuulac riqꞌuin laj Abram laj hebreo ut quixye re li cꞌaꞌru quicꞌulman. Laj Abram cuan saꞌ li naꞌajej li ji ru. Eb li cheꞌ ji, aꞌan re laj Mamre. Laj Mamre, aꞌan xcomoneb laj amorreo. Aꞌan ras laj Escol joꞌ ajcuiꞌ laj Aner. Eb aꞌan rami̱gueb rib riqꞌuin laj Abram.

Q'eqchi Bible

¹³ Ab'anan jun reheb' li ke'elelik kulxye resil re laj Abrán, a' laj Hebreo, li wank wan wi' li ji re Mambré aj Amor, ras laj Eskol ut laj Aner: eb' a'in wankeb' chi sum'aatin rik'in laj Abrán.

Génesis 14:13 ပူးပေါင်းရင်းမြစ်များ

Génesis 13:18

Tojoꞌnak laj Abram quixjal lix naꞌajeb lix muheba̱l. Ut co̱ chi cua̱nc saꞌ li naꞌajej ji ru. Eb li cheꞌ ji, aꞌan re laj Mamre. Li naꞌajej aꞌin nachꞌ cuan riqꞌuin li tenamit Hebrón. Ut laj Abram quixyi̱b jun chic li artal aran re xlokꞌoninquil li Ka̱cuaꞌ Dios.

Génesis 14:24

Li cꞌaꞌru xeꞌxtzaca chak lin mo̱s, caꞌaj cuiꞌ aꞌan xincꞌul. Ut li oxib chi cui̱nk li xeꞌochbenin cue, eb aꞌan teꞌxcꞌul li cꞌaꞌru ta̱qꞌuema̱nk reheb chi xju̱nkaleb. Eb li cui̱nk aꞌan laj Aner, laj Escol ut laj Mamre, chan laj Abram.

Génesis 40:15

La̱in yal quineꞌrelkꞌa chak junxil saꞌ xtenamiteb laj hebreo. Ma̱cuaꞌ incꞌulub cua̱nc arin saꞌ tzꞌalam xban nak ma̱cꞌaꞌ inma̱c, chan laj José.

Filipenses 2:5

Chetzolak e̱rib riqꞌuin li Jesucristo re nak juntakꞌe̱tak le̱ naꞌleb riqꞌuin lix naꞌleb aꞌan.

2 Corintios 11:22

Nequeꞌxnimobresi rib xban nak aꞌan eb aj hebreo. La̱in ajcuiꞌ aj hebreo la̱in. Nequeꞌxnimobresi rib xban nak aꞌaneb aj Israel. Ut la̱in ajcuiꞌ aj Israel la̱in. Nequeꞌxnimobresi rib xban nak aꞌaneb ralal xcꞌajol laj Abraham ut joꞌcan ajcuiꞌ la̱in. La̱in ajcuiꞌ ralal xcꞌajol laj Abraham.

Jonás 1:9

Quichakꞌoc ut quixye reheb: —La̱in jun aj hebreo ut ninxucua ru li Ka̱cuaꞌ Dios li cuan saꞌ choxa, li quiyi̱ban re li palau ut li ruchichꞌochꞌ, chan.

Li xHu LAJ JOB 1:15

Ma̱cꞌaꞌ saꞌ kachꞌo̱l nak queꞌcuulac eb laj sabeo ut queꞌrelkꞌa li bo̱yx ut eb li bu̱r. Ut xeꞌxcamsi chi chꞌi̱chꞌ eb la̱ mo̱s. La̱in xinchal chixyebal resil a̱cue xban nak caꞌaj chic la̱in xincoleꞌ, chan.

1 Samuel 4:12

Jun li cui̱nk xcomoneb li ralal xcꞌajol laj Benjamín quie̱lelic chiruheb laj filisteo. Co̱ saꞌ a̱nil ut saꞌ ajcuiꞌ li cutan aꞌan quicuulac Silo. Ac xpej li rakꞌ ut xqꞌue li poks saꞌ xjolom retalil nak ra saꞌ xchꞌo̱l.

Números 21:21

Laj Israel queꞌxtaklaheb lix takl riqꞌuin laj Sehón lix reyeb laj amorreo ut queꞌxye re:

Éxodo 2:11

Laj Moisés quicui̱nkiloꞌ. Saꞌ jun li cutan co̱ chirilbaleb li ras ri̱tzꞌin ut quiril nak ra yo̱queb chixcꞌulbal. Quiril jun li cui̱nk aj Egipto yo̱ chixsacꞌbal jun aj hebreo rech tenamitil laj Moisés.

Éxodo 2:6

Lix rabin laj faraón quixte li chacach ut quiril li cꞌulaꞌal. Quiril xtokꞌoba̱l ru nak yo̱ chi ya̱bac ut quixye: —Li chꞌina te̱lom aꞌin xcomoneb tana laj hebreo, chan.

Génesis 43:32

Laj José jalan li me̱x quixqꞌueheb cuiꞌ chi cuaꞌac eb li ras. Ut jalan ajcuiꞌ quixqꞌueheb cuiꞌ chi cuaꞌac eb laj Egipto. Ut laj José quicuaꞌac xjunes. Quixba̱nu chi joꞌcaꞌin xban nak ma̱ jaruj teꞌxjunaji rib laj Egipto chi cuaꞌac rochbeneb laj hebreo.

Génesis 41:12

Ut cuan aran kochben jun li cui̱nk aj hebreo li nacꞌanjelac chiru laj ilol tzꞌalam. Kaserakꞌi li kamatcꞌ re ut aꞌan quixye ke cꞌaꞌru xya̱lal li kamatcꞌ chi kaju̱nkal.

Génesis 10:16

Laj Canaán, aꞌan ajcuiꞌ lix yucuaꞌeb laj jebuseo, laj amorreo, laj gergeseo,

Génesis 39:14

Quixbokeb lix mo̱s saꞌ cab ut quixye reheb: —Ilomak li cui̱nk aj hebreo li xcꞌam chak laj Potifar. Aꞌan xraj raj xcꞌutbal kaxuta̱n. Xol-ocak cuiqꞌuin ut xraj raj inchapbal. Ut la̱in xinjap cue chi cau.

Génesis 18:1

Nak ac xnumeꞌ cuaꞌleb, laj Abraham chunchu chire lix muheba̱l saꞌ li naꞌajej ji ru. Eb li cheꞌ ji, aꞌan re laj Mamre. Quicuulac li Ka̱cuaꞌ Dios riqꞌuin. Joꞌcaꞌin nak quixcꞌutbesi rib li Dios chiru laj Abraham.

Génesis 21:27

Ut laj Abraham quixsi cuib oxib xcarner ut xcuacax laj Abimelec. Ut saꞌ li cutan aꞌan queꞌxba̱nu jun li contrato re nak rami̱gakeb rib.

Génesis 21:32

Nak ac xeꞌxba̱nu li contrato, laj Abimelec rochben laj Ficol, queꞌsukꞌi saꞌ lix tenamiteb. Laj Abimelec ut laj Ficol, aꞌaneb laj filisteo.

Éxodo 3:18

Eb aꞌan teꞌrabi la̱ cua̱tin. La̱at ut eb li cui̱nk li nequeꞌcꞌamoc be saꞌ xya̱nkeb laj Israel texxic riqꞌuin lix reyeb laj Egipto ut te̱ye re, “Li nimajcual Dios li nequeꞌxlokꞌoni laj hebreo, aꞌan quixcꞌutbesi rib chiku. Choa̱canab chi xic saꞌ li chaki chꞌochꞌ oxib cutan chi be. Aran tomayejak chiru li Ka̱cuaꞌ Dios”, chaꞌkex re.

Números 13:23

Eb laj qꞌuehol etal queꞌcuulac cuan cuiꞌ li rok haꞌ Escol xcꞌabaꞌ. Aran queꞌxset jun rukꞌ li uvas cuan jun cu̱t li ru ut queꞌxpako saꞌ cuibal chi tuytu chiru jun li cheꞌ. Ut queꞌxcꞌam ajcuiꞌ li ru li granadas ut li higos.

Jeremías 34:9

Queꞌachꞌaba̱c chixjunileb li lokꞌbil mo̱s aj hebreo, joꞌ ixk joꞌ cui̱nk. Ma̱ jun chic quicana chokꞌ lokꞌbil mo̱s chiruheb li rech tenamitil.

Génesis 21:24

Ut laj Abraham quixye re: —Relic chi ya̱l tinye a̱cue, tinba̱nu li cꞌaꞌru xatzꞌa̱ma chicuu, chan.

1 Samuel 29:3

Eb li nequeꞌtaklan saꞌ xbe̱neb laj filisteo queꞌxye re laj Aquis: —¿Cꞌaꞌru yo̱queb laj hebreo saꞌ kaya̱nk la̱o? chanqueb. Laj Aquis quixye reheb: —Aꞌin laj David, jun li xtaklan saꞌ xya̱nkeb lix soldados laj Saúl. Junxil na-oc cuiqꞌuin. Ma̱cꞌaꞌ xpaltil chicuu chalen xchalic cuiqꞌuin toj chalen anakcuan, chan.