Génesis 13:8 - Li Santil hu

⁸ Laj Abram quixye re laj Lot: —La̱o kacomon kib. Incꞌaꞌ taxak ta̱cua̱nk li chꞌaꞌajquilal chi kibil kib. Joꞌ ajcuiꞌ riqꞌuineb li kamo̱s. Incꞌaꞌ nacuaj nak teꞌxpleti ribeb laj ilol reheb li kaqueto̱mk.

Q'eqchi Bible

⁸ Jo'kan naq laj Abrán kixye re laj Lot: “Maak'a'aq taxaq raaxiik' sa' qayanq laa'o, sa' xyanqeb' laj ilol re linketomq rik'ineb' laawe, xb'aan naq laa'o qiitz'in qib'.

Génesis 13:8 ပူးပေါင်းရင်းမြစ်များ

Hechos 7:26

Cuulajak chic laj Moisés quixtau cuib laj Israel yo̱queb chi pletic. Quixkꞌuseb re teꞌxcanab xchꞌeꞌbal rib. Quixye reheb: “La̱ex e̱comon e̱rib. ¿Cꞌaꞌut nak yo̱quex chixpletinquil e̱rib?” chan reheb.

Salmos 133:1

Qꞌuehomak retal nak kꞌaxal lokꞌ nak junaj xchꞌo̱leb li ralal xcꞌajol li Dios. Cꞌajoꞌ xlokꞌal nak cuanqueb saꞌ usilal.

2 Pedro 1:7

Ma̱cuaꞌ caꞌaj cuiꞌ aꞌan takaba̱nu. Chisahokꞌ ban ajcuiꞌ kachꞌo̱l riqꞌuineb li kas ki̱tzꞌin ut chikaraheb.

1 Pedro 4:8

Li cꞌaꞌru tento te̱ba̱nu, aꞌan xra̱bal e̱rib che̱ribil e̱rib ut chi anchal e̱chꞌo̱l. Ut xban nak nequera e̱rib che̱ribil e̱rib, nequecuy ajcuiꞌ e̱ma̱c che̱ribil e̱rib.

1 Pedro 3:8

Ut tinye ajcuiꞌ e̱re, chexcua̱nk che̱junilex chi junajak le̱ chꞌo̱l ut chi junajak le̱ cꞌaꞌux. Cherahak e̱rib che̱ribil e̱rib. Chetokꞌoba e̱ru che̱ribil e̱rib ut kꞌunak le̱ chꞌo̱l.

Romanos 12:10

Cherahak e̱rib chi ribil e̱rib chi anchal e̱chꞌo̱l xban nak e̱comon e̱rib saꞌ le̱ pa̱ba̱l. Ut che-oxlokꞌi e̱rib chi ribil e̱rib.

Proverbios 20:3

Li ani incꞌaꞌ napletic, aꞌan jun lokꞌal chokꞌ re. Abanan li ani ma̱cꞌaꞌ xnaꞌleb, junes ticoc ple̱t naxba̱nu.

Proverbios 15:1

Li ani nasumen riqꞌuin kꞌunil a̱tin naxcubsi xjoskꞌil li ani yo̱ chi a̱tinac saꞌ joskꞌil. Aꞌut li ani nasumen saꞌ joskꞌil, kꞌaxal cuiꞌchic naxnimobresi ru li chꞌaꞌajquilal.

Génesis 45:24

Ut laj José quixye reheb aꞌan: —Cheba̱nu usilal, me̱pleti e̱rib nak yo̱kex chi xic, chan reheb. Ut laj José quixchakꞌrabiheb ut queꞌco̱eb.

1 Juan 4:7

Ex inherma̱n, chikara kib chi kibil kib xban nak li rahoc riqꞌuin li Dios nachal. Li ani narahoc, aꞌan ralal li Dios ut naxba̱nu li naraj li Dios.

1 Pedro 2:17

La̱ex aj pa̱banel, chera e̱rib che̱ribil e̱rib. Chexucua̱k ru li Ka̱cuaꞌ Dios. Che-oxlokꞌi le̱ ras e̱ri̱tzꞌin. Ut cheqꞌuehak xlokꞌal li acuabej.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

Hebreos 13:1

Me̱canab xra̱bal e̱rib che̱ribil e̱rib xban nak junajex saꞌ le̱ pa̱ba̱l.

Hebreos 12:14

Chexcua̱nk saꞌ tuktu̱quil usilal riqꞌuineb le̱ ras e̱ri̱tzꞌin. Chexcua̱nk saꞌ ti̱quilal ut saꞌ santilal, xban nak cui ma̱cꞌaꞌ e̱santilal ma̱ jokꞌe te̱ril ru li Dios.

1 Ts 4:9

Incꞌaꞌ tento nak tintzꞌi̱bak e̱riqꞌuin chirix chanru nak te̱ra e̱rib che̱ribil e̱rib xban nak ac cꞌutbil ajcuiꞌ che̱ru xban li Dios nak tento te̱ra e̱rib che̱ribil e̱rib.

Filipenses 2:14

Me̱choki e̱rib ut me̱cuechꞌi e̱rib. Cheba̱nuhak ban chixjunil saꞌ xya̱lal.

San Mateo 5:9

Us xak reheb li nequeꞌxtenkꞌa ras ri̱tzꞌin chi cua̱nc saꞌ tuktu̱quil usilal xban nak eb aꞌan ralal xcꞌajol li Dios teꞌyehekꞌ reheb.

Proverbios 15:18

Li ani chꞌinpoꞌ naxnimobresi ru li chꞌaꞌajquilal. Abanan li ani incꞌaꞌ najoskꞌoꞌ saꞌ junpa̱t, aꞌan naxyi̱b ru li chꞌaꞌajquilal saꞌ usilal.

Éxodo 2:13

Joꞌ cuulajak chic laj Moisés qui-el cuiꞌchic chi be̱c ut quiril cuib aj hebreo yo̱queb chi pletic. Quixye re li jun li quipaltoꞌ: —¿Cꞌaꞌut nak yo̱cat chixsacꞌbal la̱ cuech cristianil?—

Génesis 13:9

Il li naꞌajej aꞌin numtajenak xnimal. ¿Cꞌaꞌut nak incꞌaꞌ takajach kib? Sicꞌ li naꞌajej li ta̱cuulak cha̱cuu. Cui ta̱cuaj xic saꞌ la̱ nim, la̱in tinxic saꞌ la̱ tzꞌe. Cui ta̱cuaj xic saꞌ la̱ tzꞌe, la̱in tinxic saꞌ la̱ nim, chan laj Abram.

Génesis 46:34

la̱ex texchakꞌok ut te̱ye re, “Chalen chak saꞌ kacaꞌchꞌinal, la̱o aj ilol queto̱mk. Aꞌan ajcuiꞌ li cꞌanjel li queꞌxba̱nu chak eb li kaxeꞌto̱nil yucuaꞌ.” Joꞌcaꞌin te̱ye re laj faraón re nak aꞌan tixye e̱re nak texcana̱k saꞌ li naꞌajej Gosén. Kꞌaxal us raj texcana̱k arin Gosén xban nak eb laj Egipto xicꞌ nequeꞌrileb li nequeꞌqꞌuiresin queto̱mk, chan laj José reheb li ras.

Génesis 14:14

Nak laj Abram quirabi nak quicꞌameꞌ laj Lot, ticto quixchꞌutubeb oxib ciento riqꞌuin cuakxaklaju (318) lix mo̱s. Eb aꞌan yoꞌlajenakeb saꞌ lix chꞌochꞌ laj Abram. Chixjunileb queꞌxta̱ke li queꞌcꞌamoc re laj Lot. Queꞌcuulac toj saꞌ li tenamit Dan.

Jueces 9:26

Laj Gaal, li ralal laj Ebed, co̱ chi cua̱nc Siquem rochbeneb li ras ut eb li ri̱tzꞌin. Ut eb laj Siquem queꞌxserakꞌi re li cꞌaꞌru yo̱queb chixba̱nunquil.