Génesis 13:7 - Li Santil hu

⁷ Ut saꞌ li naꞌajej aꞌan cuanqueb laj cananeo joꞌ eb ajcuiꞌ laj ferezeo. Xban nak kꞌaxal latzꞌ li naꞌajej, queꞌxpleti rib chi ribileb rib laj ilol xqueto̱mk laj Abram riqꞌuineb laj ilol xqueto̱mk laj Lot.

Q'eqchi Bible

⁷ Neke'xch'i'ch'i'i rib'eb' laj ilol xketomq laj Abrán rik'ineb' laj ilol xketomq laj Lot (sa'eb' li kutan a'an wankeb' chaq laj Kanahán ut eb' laj Perés sa' li na'ajej a'an).

Génesis 13:7 ပူးပေါင်းရင်းမြစ်များ

Génesis 26:20

Eb laj ilol queto̱mk re Gerar queꞌpletic riqꞌuineb li nequeꞌiloc re xqueto̱mk laj Isaac. Queꞌxye reheb: —Li yuꞌam haꞌ aꞌin, ke la̱o, chanqueb. Xban nak queꞌpletic, laj Isaac quixqꞌue Esek chokꞌ xcꞌabaꞌ li yuꞌam haꞌ aꞌan.

Génesis 12:6

Laj Abram yo̱ chi numecꞌ saꞌ li tenamit aꞌan nak coxtau li naꞌajej Siquem. Aran cuan jun to̱n li cheꞌ ji re jun li cui̱nk aj More xcꞌabaꞌ. Saꞌ li naꞌajej aꞌan cuanqueb laj cananeo.

Santiago 3:16

Bar nacuan cuiꞌ li cakali̱nc ut li kꞌetkꞌetil, aran ajcuiꞌ nacuan poꞌoc chꞌo̱lej ut yalak cꞌaꞌru chi ma̱usilalil.

1 Pedro 2:12

Cha̱bilak taxak le̱ naꞌleb chiruheb li ma̱jiꞌ nequeꞌpa̱ban. Usta yo̱keb chixyebal nak incꞌaꞌ us le̱ naꞌleb, aban cui te̱ba̱nu li us, teꞌxqꞌue retal ut teꞌxnima xlokꞌal li Dios nak ta̱cuulak xkꞌehil li rakba a̱tin.

Santiago 4:1

¿Cꞌaꞌut nak toj cuan pletic ut cuechꞌi̱nc ib saꞌ e̱ya̱nk? ¿Ma incꞌaꞌ ta biꞌ riqꞌuin xrahinquil ru li incꞌaꞌ us nequetiquib pletic?

Gálatas 5:20

lokꞌoni̱nc yi̱banbil dios, tu̱lac, xi̱qꞌuil u̱chi̱nc, pletic, cakali̱nc, joskꞌi̱nc, yoꞌoba̱nc ra xi̱cꞌ, cuechꞌij ib, poꞌoc ru pa̱ba̱l,

Génesis 34:30

Laj Jacob quixye re laj Simeón joꞌ ajcuiꞌ re laj Leví: —La̱ex xeqꞌue jun li nimla raylal saꞌ inbe̱n la̱in. Anakcuan chixjunileb li cristian saꞌ li naꞌajej aꞌin xicꞌ chic tineꞌril, eb laj cananeo ut eb laj ferezeo. Ma̱re teꞌxchꞌutub ribeb re teꞌpletik kiqꞌuin. Ut la̱o coꞌxibo ajcuiꞌ. ¿Cꞌaꞌru takaba̱nu? To-osokꞌ chikajunilo, chan laj Jacob.

Tito 3:3

La̱o junxil incꞌaꞌ us li kanaꞌleb nak xocuan chak. Xkakꞌet ra̱tin li Dios ut incꞌaꞌ xo-abin chiruheb li cuanqueb xcuanquil. Xkaqꞌue kib chi balakꞌi̱c. Xkaba̱nu chak li ma̱usilal li naxrahi ru li kachꞌo̱l. Xkanumsi li cutan xba̱nunquil li ma̱usilal. Xocakalin ut xicꞌ nakil kib chi kibil kib.

1 Ts 4:12

Cui te̱ba̱nu chi joꞌcan, oxlokꞌ tex-ilekꞌ xbaneb li ma̱cuaꞌeb aj pa̱banel, ut incꞌaꞌ yo̱kex chixchꞌiꞌchꞌiꞌinquil jalan re li cꞌaꞌru te̱raj.

Colosenses 4:5

Chexcua̱nk saꞌ xya̱lal riqꞌuineb li ma̱cuaꞌeb aj pa̱banel ut yalak bar cua̱nkex chi kꞌek chi cutan junelic te̱chꞌolob xya̱lal li colba-ib chiruheb.

1 Corintios 3:3

Incꞌaꞌ texru̱k xtaubal ru anakcuan xban nak toj nequeba̱nu li cꞌaꞌru naxrahi ru le̱ chꞌo̱l. Nak toj cuan li cakali̱nc ib ut li cuechꞌi̱nc ib saꞌ e̱ya̱nk, ¿ma incꞌaꞌ ta biꞌ yo̱quex chixba̱nunquil li cꞌaꞌru naxrahi ru le̱ chꞌo̱l? Ut la̱ex nequejuntakꞌe̱ta e̱rib riqꞌuineb li toj ma̱cꞌaꞌ li Santil Musikꞌej riqꞌuineb.

Nehemías 5:9

Ut quinye ajcuiꞌ reheb: —Li cꞌaꞌru yo̱quex chixba̱nunquil, aꞌan incꞌaꞌ us. La̱ex incꞌaꞌ nequexucua ru li Dios. Yo̱quex ban chixba̱nunquil joꞌ nequeꞌxba̱nu li jalan tenamit li xicꞌ nequeꞌiloc ke, re nak incꞌaꞌ texrahobtesi̱k xban eb aꞌan.

Éxodo 2:17

Nak queꞌcuulac jalan chic laj ilol xul, queꞌra̱linaheb li xkaꞌal chire li haꞌ. Laj Moisés quicuacli chixtenkꞌanquileb li xkaꞌal chixqꞌuebal rucꞌaheb li queto̱mk.

Génesis 21:25

Ut laj Abraham quijitoc chiru laj Abimelec chirix jun li becbil haꞌ. Quixye re nak li becbil haꞌ aꞌan quimakꞌeꞌ chiru xbaneb lix mo̱s laj Abimelec.

Génesis 10:19

Lix chꞌochꞌeb laj cananeo naticla chak toj Sidón ut naxtau xnuba̱l li tenamit Gaza li nacana saꞌ xjayal Gerar. Ut naxtau ajcuiꞌ lix nuba̱l li tenamit Lasa li nacana saꞌ xjayal li ca̱hib chi tenamit Sodoma, Gomorra, Adma ut Zeboim.

Génesis 46:34

la̱ex texchakꞌok ut te̱ye re, “Chalen chak saꞌ kacaꞌchꞌinal, la̱o aj ilol queto̱mk. Aꞌan ajcuiꞌ li cꞌanjel li queꞌxba̱nu chak eb li kaxeꞌto̱nil yucuaꞌ.” Joꞌcaꞌin te̱ye re laj faraón re nak aꞌan tixye e̱re nak texcana̱k saꞌ li naꞌajej Gosén. Kꞌaxal us raj texcana̱k arin Gosén xban nak eb laj Egipto xicꞌ nequeꞌrileb li nequeꞌqꞌuiresin queto̱mk, chan laj José reheb li ras.

Proverbios 20:3

Li ani incꞌaꞌ napletic, aꞌan jun lokꞌal chokꞌ re. Abanan li ani ma̱cꞌaꞌ xnaꞌleb, junes ticoc ple̱t naxba̱nu.

San Marcos 3:25

Ut cui cuan ta jun cabalak xicꞌ teꞌril rib chi ribileb rib saꞌ rochocheb, li jun cabal aꞌan teꞌxsach xcuanquil lix jun cablal.