Génesis 13:13 - Li Santil hu

¹³ Eb li cristian li cuanqueb aran saꞌ li tenamit Sodoma numtajenak xma̱queb chiru li Ka̱cuaꞌ Dios.

Q'eqchi Bible

¹³ Eb' laj Sodoom jwal ink'a' useb' xch'ool ut aj maakeb' chiru li Qaawa'.

Génesis 13:13 ပူးပေါင်းရင်းမြစ်များ

2 Pedro 2:10

¿Ma tojaꞌ ta chic incꞌaꞌ tixqꞌueheb saꞌ tojba ma̱c li nequeꞌxrahi ru li tzꞌajbe̱tal aj naꞌleb ut nequeꞌxtzꞌekta̱na lix cuanquilal li Cristo? Eb aꞌan joskꞌeb ut kꞌetkꞌeteb. Incꞌaꞌ nequeꞌxucuac chixmajecuanquileb li ángel li cuanqueb saꞌ xnimajcual cuanquilal.

San Judas 1:7

Joꞌcan ajcuiꞌ queꞌxcꞌul li tenamit Sodoma ut Gomorra joꞌqueb ajcuiꞌ li tenamit cuanqueb chixcꞌatk. Juntakꞌe̱teb lix naꞌlebeb riqꞌuineb li ángel li queꞌma̱cob. Queꞌmuxuc caxa̱r ut queꞌma̱cob ajcuiꞌ riqꞌuin rech cui̱nkilal ut riqꞌuin rech ixkilal. Queꞌxkꞌaxtesi rib chixba̱nunquil chixjunil li ma̱usilal. Lix cꞌatic eb li tenamit aꞌan, aꞌan re xcꞌutbesinquil chiku nak cuan xtojbal rix li ma̱c. Aꞌan li ta̱cꞌulma̱nk mokon saꞌ li xam li ta̱cua̱nk chi junelic.

Romanos 1:27

Ut joꞌcan ajcuiꞌ li cui̱nk incꞌaꞌ chic queꞌraj li ixk li quicanaba̱c reheb xban li Dios. Queꞌtikcuoꞌ xjolomeb xban lix ma̱usilaleb chi ribileb rib ut yo̱queb chixba̱nunquil li tzꞌekbe̱tal aj naꞌleb riqꞌuin rech cui̱nkilal. Ut queꞌxcꞌul ajcuiꞌ xtojbal rix lix ma̱usilaleb joꞌ xcꞌulubeb.

Jeremías 23:24

¿Ma naru ta biꞌ nequeꞌxmuk rib li cristian chicuu? ¿Ma cuan ta biꞌ junak naꞌajej li incꞌaꞌ nacuil la̱in? La̱in cuanquin yalak bar, joꞌ saꞌ choxa joꞌ saꞌ ruchichꞌochꞌ.

Hebreos 4:13

Ma̱ ani naru tixmuk rib chiru li Dios xban nak aꞌan quiyi̱ban re chixjunil li cꞌaꞌak re ru cuan. Cutan saken chiru li Dios li kayehom kaba̱nuhom. Ma̱cꞌaꞌ mukmu chiru li Dios li toxkachꞌolob cuiꞌ kayehom kaba̱nuhom.

San Mateo 9:13

Cheqꞌuehak biꞌ e̱chꞌo̱l chixtaubal ru lix ya̱lal li a̱tin aꞌin: “li kꞌaxal lokꞌ chicuu, aꞌan li uxta̱na̱nc u ut ma̱cuaꞌ li mayejac xul”. La̱in incꞌaꞌ xinchal chixsicꞌbal li ti̱queb xchꞌo̱l. Xinchal ban chixsicꞌbaleb laj ma̱c re nak teꞌyotꞌekꞌ xchꞌo̱l teꞌxjal xcꞌaꞌux, chan li Jesús.

Génesis 18:20

Ut li Ka̱cuaꞌ Dios quixye re laj Abraham: —Nabal li cꞌaꞌak re ru incꞌaꞌ us xcuabi chirixeb laj Sodoma ut laj Gomorra. Numtajenakeb lix ma̱c.

San Juan 9:31

La̱o nakanau nak li Dios incꞌaꞌ narabi nak nequeꞌtijoc laj ma̱c. Narabi ban lix tijeb li nequeꞌxxucua ru ut nequeꞌxba̱nu li cꞌaꞌru naraj.

San Mateo 9:10

Ut chirix aꞌan li Jesús co̱ saꞌ li rochoch laj Mateo chi cuaꞌac. Cꞌojcꞌo saꞌ me̱x rochbeneb lix tzolom nak queꞌcuulac nabaleb laj titzꞌol toj rochbeneb nabaleb chic li rech aj ma̱quil. Ut queꞌcꞌojla saꞌ me̱x chi cuaꞌac rochben li Jesús.

Isaías 1:9

Cui ta incꞌaꞌ quixcanab coꞌxibakeb kacomon nak quixsach ru li katenamit li nimajcual Dios, co-osoꞌ raj joꞌ nak queꞌosoꞌ li tenamit Sodoma ut Gomorra.

2 Reyes 21:6

Quixcꞌat li ralal chokꞌ xmayej chiruheb li yi̱banbil dios. Ut naxic riqꞌuineb laj kꞌe ut riqꞌuineb laj tu̱l chixpatzꞌbal cꞌaꞌru tixba̱nu. Cꞌajoꞌ nak quichal xjoskꞌil li Dios xban li ma̱usilal quixba̱nu.

1 Samuel 15:18

Ut li Ka̱cuaꞌ catxtakla chi pletic riqꞌuineb laj Amalec. Ut quixye a̱cue nak tento ta̱sacheb ru chixjunileb xban nak aj ma̱queb.

Génesis 38:7

Laj Er kꞌaxal yibru xnaꞌleb chiru li Dios. Joꞌcan nak li Ka̱cuaꞌ Dios quixrak xcutan laj Er.

Génesis 15:16

Li xca̱ xte̱pal la̱ cualal a̱cꞌajol teꞌsukꞌi̱k chak saꞌ li naꞌajej aꞌin. Abanan toj ta̱numta̱k li ma̱usilal teꞌxba̱nu laj amorreo, tojoꞌnak tinmakꞌ li naꞌajej aꞌin chiruheb, chan li Dios re laj Abram.

Génesis 10:9

Laj Nimrod cau rib chi yohoc xban nak natenkꞌa̱c xban li Ka̱cuaꞌ Dios. Joꞌcan nak nayeman nak junak cristian cau rib, aꞌan chanchan laj Nimrod li cau rib chi yohoc xban nak natenkꞌa̱c xban li Ka̱cuaꞌ Dios.

Génesis 6:11

Saꞌ li ruchichꞌochꞌ numtajenak li raylal ut li ma̱usilal xban nak eb li cristian incꞌaꞌ chic nequeꞌxcꞌoxla li Dios ut cꞌajoꞌ xyibal ru lix naꞌlebeb.

San Juan 9:24

Eb laj fariseo queꞌxbok cuiꞌchic xcaꞌ sut li cui̱nk, li mutzꞌ nak quicuan, ut queꞌxye re: —Saꞌ xcꞌabaꞌ li Dios ta̱ye ke lix ya̱lal. La̱o nakanau nak li cui̱nk aꞌan aj ma̱c, chanqueb re.

Génesis 39:9

Ma̱ ani chic nim xcuanquil chicuu la̱in saꞌ li cab aꞌin. Chixjunil li cꞌaꞌru cuan re xkꞌaxtesi saꞌ cuukꞌ. Caꞌaj cuiꞌ la̱at incꞌaꞌ xatxkꞌaxtesi saꞌ cuukꞌ xban nak la̱at li rixakil. ¿Chanru nak tin-oc chixchꞌicbal cuib a̱cuiqꞌuin? Ma̱ jokꞌe tinba̱nu chi joꞌcan. Aꞌan nimla ma̱c chiru li Ka̱cuaꞌ Dios, chan laj José.

Números 32:23

Abanan cui incꞌaꞌ te̱ba̱nu li cꞌaꞌru xeyechiꞌi re li Ka̱cuaꞌ, qꞌuehomak retal nak texma̱cobk chiru li Ka̱cuaꞌ. Ut la̱ex te̱cꞌul xtojbal le̱ ma̱c.

Génesis 19:13

Anakcuan oc ke chixsachbal ru chi junaj cua li tenamit aꞌin xban nak kꞌaxal xnumta li ma̱c xeꞌxba̱nu. Aꞌan aj e nak xoxtakla chak li Ka̱cuaꞌ Dios chixsachbal ru li tenamit aꞌin, chanqueb.

1 Samuel 2:17

Kꞌaxal cuiꞌchic nimla ma̱c chiru li Ka̱cuaꞌ li queꞌxba̱nu li ralal laj Elí nak queꞌxmux ru li mayej li queꞌxmayeja li tenamit chiru li Ka̱cuaꞌ.

Jeremías 23:14

Joꞌcaneb ajcuiꞌ li profetas li cuanqueb Jerusalén. Kꞌaxal cuiꞌchic yibru nequeꞌxba̱nu. Nequeꞌxmux ru lix sumlajiqueb ut nequeꞌticꞌtiꞌic. Eb aꞌan nequeꞌoquen chirixeb li incꞌaꞌ useb xnaꞌleb. Ut incꞌaꞌ nequeꞌxcanab xba̱nunquil li ma̱usilal. Chicuu la̱in eb aꞌan juntakꞌe̱teb riqꞌuineb laj Sodoma ut eb laj Gomorra.