Génesis 13:10 - Li Santil hu

¹⁰ Laj Lot quiril nak cꞌajoꞌ xchꞌinaꞌusal li ru takꞌa cuan chire li nimaꞌ Jordán. Li naꞌajej aꞌan cha̱bil ut nim. Nacuulac toj cuan cuiꞌ li tenamit Zoar. Ut quiril nak cuan li haꞌ chokꞌ re li acui̱mk. Chanchan li naꞌajej Egipto li queꞌel cuiꞌ chak. Aꞌan quicꞌulman nak li Dios toj ma̱jiꞌ naxsach li tenamit Sodoma ut Gomorra.

Q'eqchi Bible

¹⁰ Laj Lot kixtaqsi li rilob'aal ut kiril chixjunil li xtaq'ahil li nima' Jordán, wank ha' chisa' chi junelik. Naq toj maji'aq nasache'k Sodoom ut Gomoor xb'aan li Qaawa', chixjunil li na'ajej a'an toj Sohar, kama' li xna'aj rawimq li Qaawa', kama' li tenamit Ejiipt.

Génesis 13:10 ပူးပေါင်းရင်းမြစ်များ

Deuteronomio 34:3

Quixcꞌut ajcuiꞌ chiru li naꞌajej Neguev ut eb li ru takꞌa Jordán ut Jericó, li tenamit li cuanqueb cuiꞌ li cheꞌ palmera toj saꞌ li naꞌajej Zoar.

Isaías 51:3

Li Ka̱cuaꞌ tixcꞌojob xchꞌo̱leb li tenamit Sión ut ta̱ril xtokꞌoba̱l ruheb xban nak poꞌbil chixjunil li tenamit. Tixsukꞌisi li chaki chꞌochꞌ chokꞌ cha̱bil naꞌajej chanchan li Edén. Li chꞌochꞌ li ma̱cꞌaꞌ na-oc cuiꞌ tixsukꞌisi chokꞌ xnaꞌaj li acui̱mk. Saꞌ li naꞌajej aꞌan ta̱cua̱nk li sahil chꞌo̱lejil ut li bicha̱nc ut li bantioxi̱nc.

Génesis 14:8

Tojoꞌnak li o̱b chi rey rochbeneb lix soldados queꞌco̱eb chi pletic. Aꞌaneb li cuanqueb chokꞌ rey saꞌ eb li tenamit Sodoma, Gomorra, Adma, Zeboim ut Bela. Aran queꞌpletic saꞌ li ru takꞌa Sidim.

Joel 2:3

Nak teꞌcha̱lk laj sa̱cꞌ, chanchan nak ta̱numekꞌ li xam saꞌ xbe̱n li pim. Yal xban lix tikcual nachakic li pim usta toj ma̱jiꞌ nanumeꞌ li xam saꞌ xbe̱n. Joꞌcan ajcuiꞌ teꞌxba̱nu laj sa̱cꞌ. Nak ma̱jiꞌ nequeꞌnumeꞌ saꞌ li naꞌajej aꞌan, chanchan xchꞌinaꞌusal li naꞌajej Edén. Ut nak ac xeꞌnumeꞌ li xul, chanchan aj chic li chaki chꞌochꞌ li ma̱cꞌaꞌ na-el chiru teꞌxcanab. Ut ma̱cꞌaꞌ chic ta̱colekꞌ chiruheb.

Génesis 14:2

Eb li ca̱hib chi rey aꞌin queꞌxpleti ribeb riqꞌuineb o̱b chic li rey. Eb li rey o̱b chic, aꞌaneb aꞌin: laj Bera, aꞌan lix reyeb li tenamit Sodoma; laj Birsa, aꞌan lix reyeb li tenamit Gomorra; laj Sinab, aꞌan lix reyeb li tenamit Adma; laj Semeber, aꞌan lix reyeb li tenamit Zeboim; ut li rey jun chic, aꞌan lix reyeb li tenamit Bela, li nayeman ajcuiꞌ Zoar re.

Ezequiel 28:13

Chanchan cuancat saꞌ li naꞌajej Edén saꞌ xnaꞌaj li racui̱mk li Dios. Re xqꞌuebal a̱chꞌinaꞌusal cuan li terto̱quil pec joꞌ li cornerina, li topacio, li jaspe, li crisólito, li berilo, li ónice joꞌ ajcuiꞌ li zafiro ut li carbunclo, li esmeralda, joꞌ ajcuiꞌ li oro. Ac cauresinbileb li pandero ut li xo̱lb re li cutan nak cat-oc saꞌ la̱ cuanquil.

1 Reyes 7:46

Chixjunil aꞌin quixtakla xyi̱banquil li rey saꞌ li ru takꞌa re Jordán saꞌ xyi li cuib chi tenamit Sucot ut Saretán.

Ezequiel 31:8

Ma̱ jun li cheꞌ li cuan saꞌ xnaꞌaj li cuacui̱mk naru xjuntakꞌe̱tanquil riqꞌuin xban xchꞌinaꞌusal, chi moco li chacalteꞌ, chi moco li ciprés, chi moco li jun chꞌol chic li cheꞌ li cuan aran. Ma̱ jun li cheꞌ cuan rukꞌ joꞌ li rukꞌ li cheꞌ aꞌan.

Jeremías 48:34

Eb li cuanqueb Hesbón yo̱queb chi ya̱bac ut lix ya̱beb nacuulac toj Eleale ut Jahaza. Lix ya̱beb na-abi̱c toj Zoar ut Horonaim ut Eglat-selisiya xban nak queꞌchakic li yuꞌam haꞌ li cuanqueb Nimrim.

Isaías 15:5

La̱in tincuil xtokꞌoba̱l ruheb laj Moab. Eb li cristian teꞌe̱lelik toj saꞌ eb li tenamit Zoar, ut Eglat-selisiya. Yo̱keb chi ya̱bac nak teꞌtakekꞌ saꞌ li tzu̱l Luhit ut japjo̱keb re xban xrahil xchꞌo̱leb nak teꞌe̱lelik toj Horonaim.

Salmos 107:34

Ut li chꞌochꞌ li cha̱bil na-el li acui̱mk chiru, naxsukꞌisi chi ma̱cꞌaꞌ chic na-el chiru. Naxba̱nu chi joꞌcan xban li ma̱usilal li nequeꞌxba̱nu li tenamit.

Génesis 6:2

Li ralal xcꞌajol li Dios queꞌril nak chꞌinaꞌus nequeꞌiloc eb li ixk aꞌin ut queꞌxcꞌameb chokꞌ rixakileb.

Génesis 3:6

Ut li ixk quiril nak li ru li cheꞌ sa xloubal. Chꞌinaꞌus na-iloc ru li cheꞌ. Ut quixra ru xloubal re nak cua̱nk chic xnaꞌleb. Quixsicꞌ ru li cheꞌ. Quixlou ut quixqꞌue ajcuiꞌ re lix be̱lom. Ut chi xcabichaleb queꞌxlou ru li cheꞌ.

Génesis 11:27

Aꞌan aꞌin lix cꞌabaꞌeb li ralal xcꞌajol laj Taré. Laj Taré, aꞌan lix yucuaꞌeb laj Abram, laj Nacor ut laj Harán. Ut laj Harán, aꞌan lix yucuaꞌ laj Lot.

Génesis 13:9

Il li naꞌajej aꞌin numtajenak xnimal. ¿Cꞌaꞌut nak incꞌaꞌ takajach kib? Sicꞌ li naꞌajej li ta̱cuulak cha̱cuu. Cui ta̱cuaj xic saꞌ la̱ nim, la̱in tinxic saꞌ la̱ tzꞌe. Cui ta̱cuaj xic saꞌ la̱ tzꞌe, la̱in tinxic saꞌ la̱ nim, chan laj Abram.

Génesis 13:11

Laj Lot quixchap chokꞌ re li ru takꞌa li nacana chire li nimaꞌ Jordán, ut co̱ saꞌ xjayal bar na-el cuiꞌ chak li sakꞌe. Joꞌcaꞌin nak queꞌxcanab ribeb laj Lot riqꞌuin laj Abram.

Génesis 47:6

Chixjunil li tenamit Egipto cuan rubel a̱takl. Canabeb chi cua̱nc saꞌ li naꞌajej Gosén xban nak li chꞌochꞌ aꞌan cha̱bil. Ut cui cuanqueb saꞌ e̱ya̱nk li nequeꞌxba̱nu chi us li cꞌanjel, ta̱kꞌaxtesiheb inqueto̱mk reheb re nak eb aꞌan teꞌilok re, chan laj faraón.

Li xHu LAJ JOB 40:23

Incꞌaꞌ naxucuac xban li nimaꞌ nak nachamoꞌ. Usta nacuulac toj saꞌ re xchamal li haꞌ, abanan incꞌaꞌ nacꞌoxlac.

Ezequiel 16:46

La̱ cuas ut eb lix coꞌ, aꞌaneb li tenamit Samaria li cuan saꞌ li norte. Ut la̱ cui̱tzꞌin ut eb lix coꞌ, aꞌaneb li tenamit Sodoma li cuan sa li sur.

Ezequiel 16:49

Aꞌan aꞌin lix ma̱queb laj Sodoma ut eb lix coꞌ. Kꞌetkꞌeteb ut cuan nabal cꞌaꞌruheb re ut incꞌaꞌ nequeꞌraj cꞌanjelac. Ut incꞌaꞌ nequeꞌraj xtenkꞌanquileb li nebaꞌ ut eb li rahobtesinbileb.

Ezequiel 31:9

La̱in li Ka̱cuaꞌ quinyi̱b chi cꞌajoꞌ xchꞌinaꞌusal ut quinqꞌue chi qꞌui̱c nabal li rukꞌ. Ut chixjunileb li cheꞌ li cuanqueb saꞌ li Edén saꞌ xnaꞌaj li cuacui̱mk queꞌxcakali, chan li Dios.

Ezequiel 47:18

Li nuba̱l li cuan saꞌ li este nacuulac saꞌ xya̱nkeb li naꞌajej Haurán ut Damasco ut saꞌ xya̱nkeb li naꞌajej Galaad ut Israel. Li nimaꞌ Jordán, aꞌan lix nuba̱l. Nacuulac toj cuan cuiꞌ li palau Mar Muerto.