Génesis 13:1 - Li Santil hu

¹ Laj Abram qui-el saꞌ li naꞌajej Egipto rochben li rixakil. Ut co̱ ajcuiꞌ laj Lot chirixeb. Queꞌxcꞌam li cꞌaꞌru reheb. Queꞌsukꞌi cuiꞌchic saꞌ li naꞌajej Neguev li cuan saꞌ xcue̱nt Canaán.

Q'eqchi Bible

¹ Laj Abrán ki'elk chaq Ejiipt rochb'een li rixaqil, rochb'een laj Lot ut chixjunil li xjunkab'al, ut kitaqe'k toj Nejeb.

Génesis 13:1 ပူးပေါင်းရင်းမြစ်များ

Josué 10:40

Joꞌcaꞌin nak laj Josué quinumta saꞌ xbe̱neb li rey li cuanqueb saꞌ eb li naꞌajej aꞌan. Queꞌre̱chani chixjunileb li naꞌajej li tzu̱l ru, li naꞌajej Neguev, joꞌ ajcuiꞌ eb li ru takꞌa. Ut queꞌxcamsiheb chixjunileb li cuanqueb aran, joꞌ quiyeheꞌ reheb xban li Ka̱cuaꞌ lix Dioseb laj Israel.

2 Samuel 24:7

Mokon chic, queꞌco̱eb saꞌ li tenamit Tiro, li kꞌaxal cau rib chi pletic. Ut queꞌco̱eb saꞌ chixjunileb lix tenamiteb laj heveo ut eb laj cananeo. Ut queꞌco̱eb saꞌ li tenamit Beerseba, li cuan saꞌ xcue̱nt Judá ut queꞌcuulac toj Neguev.

1 Samuel 27:10

Ut laj Aquis naxye reheb: —¿Bar xexcuulac chi pletic anakcuan?— Ut laj David naxye re: —Xocuulac Judá saꞌ li sur.— Malaj ut naxye: —Xocuulac Jerameel saꞌ li sur.— Malaj ut naxye: —Xocuulac saꞌ li sur cuanqueb cuiꞌ eb laj Ceneo, chan.

Josué 18:5

Cuukub jachal teꞌrisi nak teꞌxjeqꞌui. Ut li naꞌajej li ta̱qꞌuehekꞌ reheb li ralal xcꞌajol laj Judá, aꞌan li cuan saꞌ li sur. Ut li naꞌajej li ta̱qꞌuehekꞌ reheb li ralal xcꞌajol laj José, aꞌan li cuan saꞌ li norte.

Génesis 21:33

Ut laj Abraham quirau jun to̱n li cheꞌ tamarisco aran Beerseba. Ut saꞌ li naꞌajej aꞌan quitijoc chiru li Ka̱cuaꞌ Dios.

Génesis 20:1

Laj Abraham queꞌel saꞌ li naꞌajej li queꞌcuan cuiꞌ ut queꞌco̱eb saꞌ li naꞌajej Neguev. Queꞌcana saꞌ jun li naꞌajej li cuan saꞌ xya̱nk li cuib chi tenamit Cades ut Shur. Ut mokon chic queꞌel saꞌ li naꞌajej aꞌan. Queꞌco̱eb saꞌ li tenamit Gerar. Ut aran queꞌcana.

Números 13:17

Nak quixtaklaheb li cui̱nk laj Moisés chixqꞌuebal retal chanru li naꞌajej Canaán, quixye reheb: —Ayukex saꞌ li naꞌajej Neguev ut texnumekꞌ saꞌ li naꞌajej li tzu̱l ru.