Génesis 12:8 - Li Santil hu

⁸ Chirix chic aꞌan, laj Abram co̱ saꞌ li tzu̱l li cuan jun pacꞌal li tenamit Bet-el saꞌ xjayal bar na-el cuiꞌ chak li sakꞌe. Quixyi̱b lix muheba̱l saꞌ li naꞌajej aꞌan saꞌ xya̱nkeb li cuib chi tenamit Bet-el ut Hai. Ut laj Abram quixyi̱b aran jun chic li artal ut quixlokꞌoni li Ka̱cuaꞌ Dios.

Q'eqchi Bible

⁸ Moqon ki'elk aran ut kiq'axonk sa' li tzuul chi xk'atq Betel, sa' xjayal releb'l li saq'e, ut kixk'ojob' li xmuheb'aal sa' xyanq Betel, li wank sa' rokeb'l saq'e, rik'in Ay sa' xjayal releb'l saq'e. Aran kixyiib' jun li artal re li Qaawa' ut kixyaab'a xk'ab'a'.

Génesis 12:8 ပူးပေါင်းရင်းမြစ်များ

Nehemías 11:31

Ut eb li ralal xcꞌajol laj Benjamín queꞌcana chi cua̱nc saꞌ eb li tenamit Geba, Micmas, Aía, ut Bet-el joꞌ ajcuiꞌ saꞌ eb li cꞌaleba̱l.

Génesis 4:26

Ut mokon chic laj Set quicuan jun li ralal. Aj Enós quixqꞌue chokꞌ xcꞌabaꞌ. Nak ac cuan chic laj Enós, queꞌxtiquib xchꞌutubanquileb rib re xlokꞌoninquil li Dios.

Génesis 21:33

Ut laj Abraham quirau jun to̱n li cheꞌ tamarisco aran Beerseba. Ut saꞌ li naꞌajej aꞌan quitijoc chiru li Ka̱cuaꞌ Dios.

1 Corintios 1:2

Yo̱quin chixtzꞌi̱banquil li hu aꞌin e̱riqꞌuin la̱ex aj pa̱banel li cuanquex saꞌ li tenamit Corinto. Santobresinbilex saꞌ xcꞌabaꞌ li Jesucristo ut sicꞌbil e̱ru xban li Dios chokꞌ ralal xcꞌajol. Ut sicꞌbil ajcuiꞌ ruheb chixjunileb li cuanqueb yalak bar li nequeꞌxya̱ba xcꞌabaꞌ li Jesucristo. Aꞌan li kaDios chikajunilo la̱o li nocopa̱ban re.

Génesis 28:19

Li naꞌajej aꞌan Luz xcꞌabaꞌ nak quicuan. Abanan laj Jacob quixjal xcꞌabaꞌ. Bet-el chic quixqꞌue chokꞌ xcꞌabaꞌ.

Génesis 13:4

Aꞌan li naꞌajej li quixyi̱b cuiꞌ li artal junxil. Ut aran laj Abram quixlokꞌoni cuiꞌchic li Ka̱cuaꞌ Dios.

Hechos 2:21

Abanan chixjunileb li nequeꞌya̱ban re lix cꞌabaꞌ li Ka̱cuaꞌ, teꞌcolekꞌ. (Joel 2:28-32)

Joel 2:32

Abanan chixjunileb li nequeꞌya̱ban re lix cꞌabaꞌ li Ka̱cuaꞌ teꞌcolekꞌ. Saꞌ li tzu̱l Sión aran Jerusalén ta̱cua̱nk li colba-ib joꞌ yechiꞌinbil xban li Ka̱cuaꞌ. Ut li joꞌ qꞌuialeb chic li ralal xcꞌajol laj Israel li queꞌcana teꞌcolekꞌ.

Isaías 10:28

Eb li xicꞌ nequeꞌiloc e̱re queꞌpletic riqꞌuin li tenamit Ajat. Queꞌnumeꞌ aran Migrón. Queꞌxcanab li i̱k aran Micmas.

Salmos 116:4

Abanan quinya̱ba xcꞌabaꞌ li Dios ut quinye: —At nimajcual Dios, china̱col taxak chiru li ca̱mc.—

Josué 18:22

Bet-arabá, Zemaraim, Bet-el,

Josué 8:17

Ut ma̱ jun chic li cui̱nk quicana saꞌ li tenamit Hai chi moco saꞌ li tenamit Bet-el. Chixjunileb ban queꞌco̱eb chira̱linanquileb laj Israel. Ut queꞌxcanab lix tenamiteb chi ma̱ ani chic ta̱ilok re.

Josué 8:3

Joꞌcan nak laj Josué quixchꞌutubeb lix soldado re tixtakla chi pletic riqꞌuineb li cuanqueb saꞌ li tenamit Hai. Quixsicꞌ ruheb laje̱b xcaꞌcꞌa̱l mil (30,000) chi soldado cauheb xchꞌo̱l chi pletic re tixtaklaheb chiru kꞌojyi̱n.

Josué 7:2

Mokon chic laj Josué quixtakla cuib oxibeb li cui̱nk saꞌ li tenamit Hai, li cuan nachꞌ riqꞌuin li naꞌajej Bet-avén li cuan saꞌ li este riqꞌuin li tenamit Bet-el. Quixye reheb li cui̱nk: —Ayukex ut qꞌuehomak chak retal li tenamit Hai.— Ut eb aꞌan queꞌco̱eb ut queꞌxqꞌue retal li tenamit.

Génesis 35:3

Ut yoꞌkeb saꞌ junpa̱t saꞌ li naꞌajej Bet-el. Aran tinyi̱b jun li artal re xlokꞌoninquil li tzꞌakal Dios, li Dios li quitenkꞌan chak cue nak cuanquin saꞌ raylal. Aꞌan qui-ochbenin chak cue nak quilajinnumeꞌ chak yalak bar, chan.

Hebreos 11:9

Xban lix pa̱ba̱l laj Abraham quicuan saꞌ li naꞌajej li quiyechiꞌi̱c re xban li Dios, ut quicuan aran joꞌ jun jalan xtenamit. Quixyi̱b xmuheba̱l tꞌicr xban nak yal numecꞌ re. Joꞌcan ajcuiꞌ queꞌxba̱nu laj Isaac ut laj Jacob xban nak aꞌaneb li teꞌe̱chani̱nk re li cꞌaꞌru quixyechiꞌi li Dios.

Génesis 8:20

Laj Noé quixyi̱b jun artal riqꞌuin tusbil pec re xlokꞌoninquil li Ka̱cuaꞌ Dios. Ut quixchapeb li xul, li nequeꞌbe̱c joꞌ ajcuiꞌ li nequeꞌrupupic, saꞌ xya̱nkeb li xul li natiꞌeꞌ xtibeleb. Ut quixcꞌateb saꞌ xbe̱n li artal chokꞌ xmayej chiru li Ka̱cuaꞌ Dios.

Génesis 13:3

Laj Abram queꞌel saꞌ li naꞌajej Neguev ut queꞌnumeꞌ saꞌ li tenamit Bet-el. Queꞌcuulac cuiꞌchic saꞌ li naꞌajej bar quixyi̱b cuiꞌ lix muheba̱l junxil saꞌ xya̱nkeb li cuib chi tenamit Hai ut Bet-el.

Génesis 13:18

Tojoꞌnak laj Abram quixjal lix naꞌajeb lix muheba̱l. Ut co̱ chi cua̱nc saꞌ li naꞌajej ji ru. Eb li cheꞌ ji, aꞌan re laj Mamre. Li naꞌajej aꞌin nachꞌ cuan riqꞌuin li tenamit Hebrón. Ut laj Abram quixyi̱b jun chic li artal aran re xlokꞌoninquil li Ka̱cuaꞌ Dios.

Génesis 22:9

Queꞌcuulac saꞌ li naꞌajej li quiyeheꞌ re xban li Dios. Ut laj Abraham quixyi̱b jun lix artal riqꞌuin li tusbil pec ut quixtus lix siꞌ saꞌ xbe̱n. Ut quixbacꞌ li ralal ut quixyocob saꞌ xbe̱n li siꞌ.

Génesis 26:25

Ut laj Isaac quixtus li pec ut quixyi̱b jun lix artal ut quixlokꞌoni li Ka̱cuaꞌ Dios. Laj Isaac quixyi̱b ajcuiꞌ lix muheba̱l re nak ta̱cua̱nk aran. Ut eb lix mo̱s laj Isaac queꞌxbec aran jun chic lix julel haꞌ.

Josué 8:9

Chirix chic aꞌan laj Josué quixtaklaheb lix soldado re nak teꞌxic chixmukbal ribeb saꞌ jun li naꞌajej li cuan saꞌ xyi li cuib chi tenamit Bet-el ut Hai. Ut laj Josué quicana saꞌ xya̱nkeb li jun chꞌol chic lix soldado chiru li kꞌojyi̱n aꞌan.

Josué 8:12

O̱b mil (5,000) tana li soldado li quixtaklaheb re teꞌxmuk rib saꞌ li naꞌajej li cuan saꞌ li oeste saꞌ xyi li cuib chi tenamit Bet-el ut Hai.

1 Samuel 30:27

Ut quixtakla ajcuiꞌ xma̱taneb li cuanqueb Bet-el, li cuanqueb Ramot re Neguev, ut reheb ajcuiꞌ li cuanqueb Jatir,

Génesis 31:25

Laj Labán quixtauheb laj Jacob saꞌ li tzu̱l Galaad li queꞌxyi̱b cuiꞌ lix muheba̱leb. Ut saꞌ ajcuiꞌ li naꞌajej aꞌan queꞌxyi̱b lix muheba̱leb laj Labán.

Génesis 33:20

Ut aran quixyi̱b jun li artal laj Jacob re xlokꞌoninquil li Ka̱cuaꞌ Dios. Li naꞌajej aꞌan quixqꞌue chokꞌ xcꞌabaꞌ El-Elohe-Israel.

Génesis 35:7

Laj Jacob quixyi̱b jun li artal ut quixqꞌue El-bet-el chokꞌ xcꞌabaꞌ li naꞌajej aꞌan. Quixqꞌue xcꞌabaꞌ chi joꞌcaꞌin xban nak aran quixcꞌutbesi rib li Dios chiru nak yo̱ chi e̱lelic chiru li ras.

Éxodo 17:15

Laj Moisés quixyi̱b jun li artal ut quixqꞌue chokꞌ xcꞌabaꞌ Jehová-nisi. Li cꞌabaꞌej aꞌan naraj naxye: “li Ka̱cuaꞌ Dios naxqꞌue kacuanquil”.

Josué 8:30

Laj Josué quixyi̱b jun li artal saꞌ li tzu̱l Ebal re xlokꞌoninquil li Ka̱cuaꞌ lix Dioseb laj Israel.

Josué 22:10

Nak queꞌcuulac saꞌ li nuba̱l cuan cuiꞌ li nimaꞌ Jordán, queꞌxyi̱b jun nimla artal saꞌ li naꞌajej Canaán eb li ralal xcꞌajol laj Rubén ut eb li ralal xcꞌajol laj Gad, joꞌ ajcuiꞌ li yijach li ralal xcꞌajol laj Manasés.

Jueces 6:24

Laj Gedeón quixyi̱b jun li artal saꞌ li naꞌajej aꞌan re xlokꞌoninquil li Ka̱cuaꞌ ut Jehová-salom quixqꞌue chokꞌ xcꞌabaꞌ. Chalen anakcuan toj cuan ajcuiꞌ li artal aꞌan saꞌ li naꞌajej Ofra li cuan saꞌ lix naꞌajeb li ralal xcꞌajol laj Abiezer.