Génesis 12:6 - Li Santil hu

⁶ Laj Abram yo̱ chi numecꞌ saꞌ li tenamit aꞌan nak coxtau li naꞌajej Siquem. Aran cuan jun to̱n li cheꞌ ji re jun li cui̱nk aj More xcꞌabaꞌ. Saꞌ li naꞌajej aꞌan cuanqueb laj cananeo.

Q'eqchi Bible

⁶ Laj Abrán kinume'k sa' li na'ajej toj koxtaw Sikem, wan wi' xtoonal li ji re laj Moré. Sa'eb' li kutan a'an wankeb' chaq laj Kanahán sa' li na'ajej a'an.

Génesis 12:6 ပူးပေါင်းရင်းမြစ်များ

Hebreos 11:9

Xban lix pa̱ba̱l laj Abraham quicuan saꞌ li naꞌajej li quiyechiꞌi̱c re xban li Dios, ut quicuan aran joꞌ jun jalan xtenamit. Quixyi̱b xmuheba̱l tꞌicr xban nak yal numecꞌ re. Joꞌcan ajcuiꞌ queꞌxba̱nu laj Isaac ut laj Jacob xban nak aꞌaneb li teꞌe̱chani̱nk re li cꞌaꞌru quixyechiꞌi li Dios.

Deuteronomio 11:30

Eb li tzu̱l aꞌin cuanqueb jun pacꞌal li nimaꞌ Jordán saꞌ xjayal li na-oc cuiꞌ li sakꞌe saꞌ li ru takꞌa Arabá li cuanqueb cuiꞌ eb laj cananeo. Nachꞌ cuanqueb riqꞌuineb li ni̱nki ji re More chiru li tenamit Gilgal.

Génesis 35:4

Eb aꞌan queꞌxkꞌaxtesi saꞌ rukꞌ laj Jacob chixjunileb li jalanil dios. Queꞌxkꞌaxtesiheb ajcuiꞌ chixjunileb li caꞌxic li queꞌxqꞌue xcuanquil. Laj Jacob quixmuk li cꞌaꞌak re ru aꞌin saꞌ chꞌochꞌ rubel jun to̱n li cheꞌ ji. Li cheꞌ aꞌan nachꞌ cuan riqꞌuin li tenamit Siquem.

Jueces 7:1

Quicuacli toj ekꞌela laj Gedeón, li nequeꞌxye ajcuiꞌ Jerobaal re. Ut chixjunileb li queꞌco̱eb chirix queꞌxchꞌutub ribeb cuan cuiꞌ li yuꞌam haꞌ Harod. Lix muheba̱leb laj Madián cuan saꞌ li norte jun pacꞌal li tzu̱l More saꞌ li ru takꞌa.

Génesis 13:7

Ut saꞌ li naꞌajej aꞌan cuanqueb laj cananeo joꞌ eb ajcuiꞌ laj ferezeo. Xban nak kꞌaxal latzꞌ li naꞌajej, queꞌxpleti rib chi ribileb rib laj ilol xqueto̱mk laj Abram riqꞌuineb laj ilol xqueto̱mk laj Lot.

Hechos 7:16

Lix bakeleb queꞌcꞌameꞌ Siquem ut queꞌmukeꞌ saꞌ li naꞌajej li quixlokꞌ laj Abraham riqꞌuineb li ralal xcꞌajol laj Hamor.

San Juan 4:5

Nak yo̱ chi numecꞌ Samaria, quicuulac saꞌ li tenamit Sicar. Li tenamit aꞌan nachꞌ cuan riqꞌuin li naꞌajej li quixqꞌue laj Jacob re laj José li ralal.

1 Reyes 12:1

Co̱ laj Roboam Siquem xban nak aran co̱eb chixjunileb laj Israel re teꞌxxakab chokꞌ rey.

Jueces 9:1

Laj Abimelec, li ralal laj Jerobaal, quicuulac Siquem chi a̱tinac riqꞌuineb li ras lix naꞌ ut riqꞌuineb chixjunileb li cuanqueb saꞌ rochoch lix yucuaꞌ lix naꞌ. Ut quixye reheb:

Josué 24:32

Eb laj Israel queꞌxcꞌam chak lix bakel laj José nak queꞌel chak Egipto ut queꞌxmuk aran Siquem saꞌ li chꞌochꞌ li quixlokꞌ laj Jacob junxil riqꞌuineb li ralal laj Hamor. Laj Hamor, aꞌan lix yucuaꞌ laj Siquem. Jun ciento chi tumin plata quixtoj cuiꞌ laj Jacob ut li naꞌajej aꞌan quicana chokꞌ xnaꞌajeb li ralal xcꞌajol laj José.

Josué 20:7

Ut eb laj Israel queꞌxsicꞌ ruheb li tenamit aꞌin: Cedes li cuan aran Galilea saꞌ li tzu̱l ru saꞌ lix naꞌajeb li ralal xcꞌajol laj Neftalí: li tenamit Siquem li tzu̱l ru li cuan saꞌ lix naꞌajeb li ralal xcꞌajol laj Efraín: ut li tenamit Quiriat-arba li nequeꞌxye ajcuiꞌ Hebrón re. Li tenamit aꞌan cuan saꞌ li naꞌajej tzu̱l ru saꞌ lix naꞌajeb li ralal xcꞌajol laj Judá.

Génesis 34:2

Laj Hamor, aj heveo, aꞌan li acuabej re li tenamit aꞌan. Li ralal laj Hamor, aꞌan laj Siquem. Nak laj Siquem quiril lix Dina, quixchap ut quixpuersi ru re nak ta̱cua̱nk riqꞌuin.

Génesis 33:18

Nak qui-el Sucot, laj Jacob quixyi̱b lix muheba̱l chire li tenamit Siquem. Ut quicuulac toj Canaán chi sa saꞌ xchꞌo̱l chalen nak qui-el chak saꞌ li tenamit Padan-aram.

Génesis 10:15

Laj Canaán, aꞌan xyucuaꞌ laj Sidón ut laj Het. Laj Sidón, aꞌan li asbej.

1 Reyes 12:25

Ut laj Jeroboam quixtakla xyi̱banquil chi cha̱bil li tenamit Siquem li cuan saꞌ li tzu̱l aran Efraín ut quicana chi cua̱nc aran. Ut quixyi̱b ajcuiꞌ chi cha̱bil li tenamit Penuel.

Salmos 60:6

Li Dios quia̱tinac chak saꞌ lix santil naꞌaj ut quixye: —Cꞌajoꞌ xsahil inchꞌo̱l nak tinjachi li Siquem ut tinjeqꞌui li ru takꞌa Sucot xcꞌabaꞌ.

Génesis 34:30

Laj Jacob quixye re laj Simeón joꞌ ajcuiꞌ re laj Leví: —La̱ex xeqꞌue jun li nimla raylal saꞌ inbe̱n la̱in. Anakcuan chixjunileb li cristian saꞌ li naꞌajej aꞌin xicꞌ chic tineꞌril, eb laj cananeo ut eb laj ferezeo. Ma̱re teꞌxchꞌutub ribeb re teꞌpletik kiqꞌuin. Ut la̱o coꞌxibo ajcuiꞌ. ¿Cꞌaꞌru takaba̱nu? To-osokꞌ chikajunilo, chan laj Jacob.

Oseas 6:9

Eb laj tij chanchaneb laj e̱lkꞌ li nequeꞌxmuk ribeb saꞌ li be li naxic saꞌ li tenamit Siquem re nak teꞌxcamsi li cristian nak teꞌnumekꞌ aran. Nacuulac chiruheb laj tij xba̱nunquil li ma̱usilal.