Génesis 12:5 - Li Santil hu

⁵ Laj Abram quixcꞌam chirix lix Sarai li rixakil. Ut quixcꞌam ajcuiꞌ chirix laj Lot, li ralal li ri̱tzꞌin. Ut quixcꞌam ajcuiꞌ chixjunil li cꞌaꞌru cuan re li queꞌtam nak queꞌcuan saꞌ li tenamit Harán. Quixcꞌameb ajcuiꞌ lix mo̱s chirix. Ut queꞌoc chi xic saꞌ li tenamit Canaán ut yal jun nak coxeꞌxtau.

Q'eqchi Bible

⁵ Kixk'am lix Saray chirix jo' ajwi' laj Lot li rikaq'. Kixk'am ajwi' chixjunil li xjunkab'lal ut eb' laj k'anjel chiru li kireechani sa' li tenamit Harán. Ke'xchap xb'e re xik Kanahán ut ke'wulak sa' li na'ajej a'an.

Génesis 12:5 ပူးပေါင်းရင်းမြစ်များ

Génesis 14:14

Nak laj Abram quirabi nak quicꞌameꞌ laj Lot, ticto quixchꞌutubeb oxib ciento riqꞌuin cuakxaklaju (318) lix mo̱s. Eb aꞌan yoꞌlajenakeb saꞌ lix chꞌochꞌ laj Abram. Chixjunileb queꞌxta̱ke li queꞌcꞌamoc re laj Lot. Queꞌcuulac toj saꞌ li tenamit Dan.

Génesis 11:31

Laj Taré qui-el saꞌ li naꞌajej Ur, lix tenamiteb laj Caldea. Cuan saꞌ xchꞌo̱l nak ta̱xic saꞌ li tenamit Canaán. Quixcꞌam chirix laj Abram li ralal. Ut quixcꞌam ajcuiꞌ chirix laj Lot li ri. Laj Lot, aꞌan ralal laj Harán. Ut quixcꞌam ajcuiꞌ lix Sarai li ralib. Lix Sarai, aꞌan li rixakil laj Abram. Yo̱queb chi xic saꞌ li be li naxic Canaán nak queꞌxtau jun li tenamit Harán xcꞌabaꞌ. Ut coxeꞌcana̱k saꞌ li tenamit aꞌan.

Hechos 7:4

Qui-el ut laj Abraham saꞌ li naꞌajej Caldea ut co̱ chi cua̱nc saꞌ li naꞌajej Harán. Nak ac cuan saꞌ li naꞌajej aꞌan quicam lix yucuaꞌ. Ut chirix aꞌan li Dios quixtakla chi cua̱nc saꞌ li naꞌajej li cuanquex cuiꞌ la̱ex anakcuan.

Génesis 14:21

Lix reyeb laj Sodoma quixye re laj Abram: —Ba̱nu usilal, kꞌaxtesiheb cuiꞌchic saꞌ li tenamit aꞌin chixjunileb li cristian li xacoleb chak saꞌ li ple̱t. Ut li cꞌaꞌru cuan reheb ta̱cana̱k chokꞌ a̱cue, chan.

Génesis 10:19

Lix chꞌochꞌeb laj cananeo naticla chak toj Sidón ut naxtau xnuba̱l li tenamit Gaza li nacana saꞌ xjayal Gerar. Ut naxtau ajcuiꞌ lix nuba̱l li tenamit Lasa li nacana saꞌ xjayal li ca̱hib chi tenamit Sodoma, Gomorra, Adma ut Zeboim.

Génesis 13:5

Laj Lot biom ajcuiꞌ joꞌ laj Abram. Nabal lix queto̱mk, ut nabal ajcuiꞌ lix muheba̱l yi̱banbil riqꞌuin tꞌicr.

Génesis 13:6

Xban nak numtajenak xqꞌuialeb lix queto̱mk chi xcabichaleb laj Lot ut laj Abram, incꞌaꞌ natzꞌakloc li naꞌajej chokꞌ reheb. Incꞌaꞌ chic naru teꞌcua̱nk saꞌ jun chi naꞌajej.

Génesis 28:10

Laj Jacob qui-el saꞌ li tenamit Beerseba ut co̱ toj saꞌ li tenamit Harán.

Génesis 36:6

Laj Esaú qui-el saꞌ li naꞌajej li cuan cuiꞌ laj Jacob li ri̱tzꞌin. Quixcꞌameb li rixakil ut lix rabin ut li ralal chirix joꞌ eb ajcuiꞌ chixjunileb li cuanqueb riqꞌuin. Quixcꞌam chixjunileb lix queto̱mk joꞌ ajcuiꞌ li cꞌaꞌru re li joꞌ qꞌuial li queꞌtam aran Canaán.

Levítico 22:11

Abanan naru nequeꞌxtzaca li mayejanbil tzacae̱mk lix lokꞌbil mo̱s laj tij ut eb li mo̱s li queꞌyoꞌla saꞌ li rochoch.

Génesis 11:27

Aꞌan aꞌin lix cꞌabaꞌeb li ralal xcꞌajol laj Taré. Laj Taré, aꞌan lix yucuaꞌeb laj Abram, laj Nacor ut laj Harán. Ut laj Harán, aꞌan lix yucuaꞌ laj Lot.