Génesis 12:18 - Li Santil hu

¹⁸ Laj faraón quixtakla xbokbal laj Abram, ut quixye re: —¿Cꞌaꞌut nak xaba̱nu cue chi joꞌcaꞌin? Ut, ¿cꞌaꞌut nak incꞌaꞌ xaye cue nak a̱cuixakil lix Sarai?

Q'eqchi Bible

¹⁸ Toja' naq laj Parahón kixb'oq chaq laj Abrán ut kixye re: “K'aru xab'aanu we? K'a'ut naq ink'a' xaye we naq a'an aawixaqil?

Génesis 12:18 ပူးပေါင်းရင်းမြစ်များ

Proverbios 21:1

Joꞌ nak li Ka̱cuaꞌ naxberesi li nimaꞌ, joꞌcan ajcuiꞌ nak naxberesi lix cꞌaꞌuxeb li rey.

1 Samuel 14:43

Laj Saúl quixye re laj Jonatán: —Ye cue cꞌaꞌru li ma̱c xaba̱nu, chan. Laj Jonatán quixye re: —La̱in xinlou caꞌchꞌin li xyaꞌal cab li xcana chi ruꞌuj lin xukꞌ. ¿Ma yal xban aꞌan nak tinca̱mk? chan.

Josué 7:19

Ut laj Josué quixye re laj Acán: —At Acán, la̱in nintzꞌa̱ma cha̱cuu nak ta̱qꞌue xlokꞌal li Ka̱cuaꞌ, li kaDios la̱o aj Israel. Ye lix ya̱lal. Ta̱ye cue cꞌaꞌru xaba̱nu. Ma̱muk chicuu, chan laj Josué.

Éxodo 32:21

Ut laj Moisés quixye re laj Aarón: —¿Cꞌaꞌru xeꞌxba̱nu a̱cue nak xaqꞌueheb chi ma̱cobc li tenamit aꞌin?—

Génesis 44:15

Laj José quixye reheb aꞌan: —¿Cꞌaꞌut nak xeba̱nu chi joꞌcaꞌin? ¿Ma incꞌaꞌ ta biꞌ nequenau nak junak cui̱nk joꞌ la̱in kꞌaxal nim incuanquil, ninnau ajcuiꞌ kꞌehi̱nc? chan laj José reheb.

Génesis 31:26

Laj Labán quixye re laj Jacob: —¿Cꞌaꞌut nak xaba̱nu cue chi joꞌcaꞌin? Xacꞌameb chak lin rabin saꞌ junpa̱t. Chanchan yo̱co saꞌ ple̱t, chan.

Génesis 4:10

Li Dios quixye ajcuiꞌ re: —¿Cꞌaꞌru xaba̱nu? Lix quiqꞌuel la̱ cui̱tzꞌin xahoy chiru chꞌochꞌ yo̱ chi kꞌoko̱nc chicuu.

Génesis 3:13

Tojoꞌnak li Ka̱cuaꞌ Dios quixye re li ixk: —¿Cꞌaꞌru xaba̱nu?— Ut quichakꞌoc li ixk ut quixye: —Li cꞌantiꞌ xbalakꞌin cue. Xban aꞌan nak xinlou ru li cheꞌ, chan.

Génesis 12:19

¿Cꞌaꞌut nak xaye cue nak a̱cuanab aꞌan? La̱in xincꞌam raj chokꞌ cuixakil xban nak incꞌaꞌ xaye cue nak a̱cuixakil. Cueꞌ la̱ cuixakil. Cꞌam ut ayu. Elen saꞌ li tenamit aꞌin, chan re laj Abram.

Génesis 20:3

Chiru li kꞌojyi̱n aꞌan li Dios quia̱tinac riqꞌuin laj Abimelec saꞌ lix matcꞌ ut quixye re: —Anakcuan la̱at tatca̱mk xban nak li ixk xacꞌam a̱cuiqꞌuin cuan xbe̱lom, chan li Dios re.

Génesis 29:25

Joꞌ cuulajak chic laj Jacob quixqꞌue retal nak aꞌ lix Lea li quikꞌaxtesi̱c re. Ut laj Jacob co̱ riqꞌuin laj Labán ut quixye re, —Incꞌaꞌ us xaba̱nu cue. ¿Cꞌaꞌut nak xaba̱nu cue chi joꞌcaꞌin? ¿Ma ma̱cuaꞌ ta biꞌ lix Raquel xintoj rix nak xintrabajic a̱cuiqꞌuin? ¿Cꞌaꞌut nak xina̱balakꞌi chi joꞌcaꞌin? chan laj Jacob.

Jueces 2:2

Abanan tento nak la̱ex incꞌaꞌ te̱ba̱nu junak contrato riqꞌuineb li cuanqueb saꞌ li naꞌajej aꞌin. Te̱juqꞌui ban lix artaleb.” Abanan la̱ex incꞌaꞌ xeba̱nu li quinye e̱re. Xekꞌet ban li cua̱tin.

2 Samuel 3:24

Laj Joab co̱ riqꞌuin laj David ut quixye re: —¿Cꞌaꞌru xaba̱nu? Laj Abner xcꞌulun a̱cuiqꞌuin. ¿Cꞌaꞌut nak xacanab chi xic chi sa saꞌ a̱chꞌo̱l?