Génesis 12:17 - Li Santil hu

¹⁷ Ut li Ka̱cuaꞌ Dios quixqꞌue chixtojbal xma̱c laj faraón xban nak quixcꞌam saꞌ li rochoch lix Sarai. Quixtakla jun raylal saꞌ xbe̱neb li cuanqueb saꞌ rochoch laj faraón ut queꞌyajer chixjunileb.

Q'eqchi Bible

¹⁷ Ab'an li Qaawa' Yos kixk'e sa' nimla rahilal laj Parahón rochb'eeneb' li wankeb' sa' rochoch xb'aan lix Saray, rixaqil laj Abrán.

Génesis 12:17 ပူးပေါင်းရင်းမြစ်များ

1 Crónicas 16:21

Li Dios qui-iloc reheb re nak ma̱ ani ta̱rahobtesi̱nk reheb. Ut quixkꞌuseb li rey li cuanqueb saꞌ xcuanquil re nak ma̱cꞌaꞌ teꞌxba̱nu reheb laj Israel xban nak naxraheb.

1 Crónicas 21:22

Laj David quixye re laj Ornán: —La̱in tincuaj xlokꞌbal la̱ naꞌaj li nacacuisi cuiꞌ rix la̱ trigo. Tinyi̱b jun li artal arin re xlokꞌoninquil li Dios re nak teꞌxcanab ca̱mc li tenamit. La̱in tintoj chi tzꞌakal li naꞌajej, chan.

Hebreos 13:4

Us li sumla̱c aban tento che-oxlokꞌi le̱ sumlajic. Ma̱cꞌaꞌ cꞌaꞌru chebalakꞌi cuiꞌ e̱rib. Li Dios ta̱rakok a̱tin saꞌ xbe̱neb li nequeꞌxmux ru lix sumlajiqueb, joꞌ ajcuiꞌ saꞌ xbe̱neb laj coꞌbe̱t laj yumbe̱t.

Li xHu LAJ JOB 34:19

Li Dios incꞌaꞌ naxsicꞌ ruheb li ani tixra. Juntakꞌe̱t ban narileb li rey ut eb li biom joꞌ ajcuiꞌ eb li nebaꞌ. ¿Ma ma̱cuaꞌ ta biꞌ aꞌan li quiyoꞌobtesin reheb chixjunileb?

Génesis 20:3

Chiru li kꞌojyi̱n aꞌan li Dios quia̱tinac riqꞌuin laj Abimelec saꞌ lix matcꞌ ut quixye re: —Anakcuan la̱at tatca̱mk xban nak li ixk xacꞌam a̱cuiqꞌuin cuan xbe̱lom, chan li Dios re.

Génesis 20:17

Xban li cꞌaꞌru quicꞌulman riqꞌuin lix Sara, li Ka̱cuaꞌ Dios quixtakla jun li yajel saꞌ xbe̱neb chixjunileb li cuanqueb saꞌ rochoch laj Abimelec re nak eb aꞌan incꞌaꞌ teꞌcua̱nk xcocꞌaleb. Laj Abraham quitijoc chiru li Dios chirixeb. Li Dios quirabi ut quixqꞌuirtesiheb chixjunileb li cuanqueb saꞌ rochoch laj Abimelec re nak teꞌcua̱nk xcocꞌaleb ut quixqꞌuirtesiheb ajcuiꞌ lix mo̱seb.