Génesis 12:15 - Li Santil hu

¹⁵ Laj faraón, aꞌan li acuabej re li naꞌajej aꞌan. Eb laj tenkꞌom re laj faraón queꞌril ajcuiꞌ nak chꞌinaꞌus li ixk ut queꞌxye re: —Us li ixk aꞌan chokꞌ a̱cue, chanqueb. Ut lix Sarai quicꞌameꞌ saꞌ rochoch laj faraón.

Q'eqchi Bible

¹⁵ Ki'ile'k ajwi' ru xb'aaneb' laj tenq' re laj Parahón, ut eb' a'an q'axal chaab'il ke'xye chirix. Jo'kan naq kik'ame'k li ixq sa' rochoch laj Parahón.

Génesis 12:15 ပူးပေါင်းရင်းမြစ်များ

Génesis 20:2

Nak ac cuanqueb aran, laj Abraham quixye: —Lix Sara ma̱cuaꞌ cuixakil. Aꞌan cuanab, chan. Lix reyeb li tenamit Gerar, aꞌan laj Abimelec. Li rey aꞌan quixtakla xcꞌambal lix Sara chokꞌ rixakil.

Hebreos 13:4

Us li sumla̱c aban tento che-oxlokꞌi le̱ sumlajic. Ma̱cꞌaꞌ cꞌaꞌru chebalakꞌi cuiꞌ e̱rib. Li Dios ta̱rakok a̱tin saꞌ xbe̱neb li nequeꞌxmux ru lix sumlajiqueb, joꞌ ajcuiꞌ saꞌ xbe̱neb laj coꞌbe̱t laj yumbe̱t.

Jeremías 46:17

Nak cua̱nkeb chic aran teꞌxye: —Laj faraón, lix reyeb laj Egipto, junes a̱tinac naxba̱nu. Ac xnumeꞌ xkꞌehil nak ta̱numta̱k saꞌ xbe̱neb li xicꞌ nequeꞌiloc re.

Proverbios 29:12

Cui junak acuabej naxqꞌue xcuanquil li ticꞌtiꞌ, li jun aꞌan naxpoꞌ xnaꞌlebeb li ani nequeꞌtenkꞌan re.

Proverbios 6:29

Joꞌcan ajcuiꞌ li cui̱nk li tixchꞌic rib riqꞌuin rixakil li ras ri̱tzꞌin. Ac chꞌolchꞌo nak tixtoj xma̱c.

Salmos 105:4

Chetzꞌa̱ma̱k e̱tenkꞌanquil riqꞌuin li Ka̱cuaꞌ. Junelic riqꞌuin aꞌan te̱tzꞌa̱ma e̱tenkꞌanquil.

2 Reyes 18:21

La̱o nakanau nak la̱at cꞌojcꞌo a̱chꞌo̱l saꞌ xbe̱neb laj Egipto. Eb laj Egipto moco cauheb ta rib. Chanchaneb li caxlan ajl. Cui ta̱chap chokꞌ re a̱xukꞌ, tixhop la̱ cuukꞌ. Li ani tixcꞌojob xchꞌo̱l saꞌ xbe̱n laj faraón, lix reyeb laj Egipto, ra tixcꞌul.

1 Reyes 3:1

Li rey Salomón quixba̱nu li contrato riqꞌuin laj faraón lix reyeb laj Egipto ut quisumla riqꞌuin lix rabin laj faraón. Quixcꞌam li rixakil Jerusalén saꞌ lix Tenamit laj David nak toj yo̱queb chixchoybal xyi̱banquil li rochoch ut li templo, joꞌ ajcuiꞌ li tzꞌac li sutsu cuiꞌ li tenamit Jerusalén.

Éxodo 2:15

Quicuulac resil aꞌin riqꞌuin laj faraón ut quixcamsi raj laj Moisés. Ut laj Moisés quie̱lelic saꞌ junpa̱t chiru laj faraón. Co̱ saꞌ li tenamit Madián xcꞌabaꞌ.

Éxodo 2:5

Lix rabin laj faraón quicuulac chi ati̱nc saꞌ nimaꞌ rochbeneb lix mo̱s ixk. Nak yo̱queb chi be̱c chire li nimaꞌ, lix rabin laj faraón quiril li chacach saꞌ xya̱nk li caxlan aj ut quixtakla jun lix mo̱s ixk chixxocbal.

Génesis 41:1

Ac cuib chihab chic xnumic lix matqꞌueb li mo̱s nak quimatqꞌuec laj faraón. Ut saꞌ lix matcꞌ laj faraón quiril nak xakxo chire li nimaꞌ Nilo.

Génesis 40:2

Li jun, aꞌan li nataklan reheb li nequeꞌyi̱ban caxlan cua ut li jun chic, aꞌan li nataklan reheb li nequeꞌqꞌuehoc rucꞌa li rey. Laj faraón quijoskꞌoꞌ saꞌ xbe̱neb aꞌan.

Ezequiel 32:2

—At ralal cui̱nk, ta̱bicha jun li bich re rahil chꞌo̱lej chirix laj faraón lix reyeb laj Egipto. Ta̱ye: Chanchanat jun li cakcoj saꞌ xya̱nkeb li xni̱nkal ru tenamit. Chanchanat jun li joskꞌ aj xul dragón xcꞌabaꞌ nacuan saꞌ li palau. Nak narecꞌasi rib saꞌ li haꞌ natzꞌajnoꞌ li haꞌ ut nak nabe̱c nasululoꞌ ru.

Jeremías 25:19

Ut teꞌcꞌuluk ajcuiꞌ raylal laj faraón lix reyeb laj Egipto ut chixjunileb li nequeꞌtenkꞌan re, eb li cuanqueb xcuanquil joꞌ eb ajcuiꞌ chixjunileb li tenamit.

Génesis 12:14

Laj Abram rochben li rixakil queꞌcuulac saꞌ li naꞌajej Egipto. Ut eb laj Egipto queꞌril nak chꞌinaꞌus na-iloc li ixk.

Génesis 26:7

Ut eb li cui̱nk li cuanqueb saꞌ li tenamit aꞌan queꞌxpatzꞌ re laj Isaac: —¿Ani li ixk aꞌan? chanqueb. Laj Isaac quichakꞌoc ut quixye reheb: —Aꞌan li cuanab, chan. Quixucuac chixyebal nak lix Rebeca, aꞌan rixakil xban nak lix Rebeca chꞌinaꞌus na-iloc. Aꞌan quixcꞌoxla nak ma̱re teꞌxcamsi re nak teꞌxcꞌam lix Rebeca.