Génesis 12:10 - Li Santil hu

¹⁰ Saꞌ eb li cutan aꞌan quicuan jun li nimla cueꞌej saꞌ li naꞌajej aꞌan. Xban nak ma̱cꞌaꞌ li tzacae̱mk, co̱eb laj Abram saꞌ li naꞌajej Egipto ut aran queꞌcana.

Q'eqchi Bible

¹⁰ Ab'anan kiwank we'ej sa' li na'ajej a'an: jo'kan naq laj Abrán kikub'eek Ejiipt re kanaak jun k'amokaq aran, xb'aan naq li we'ej yo chi numtaak sa' li xtenamit.

Génesis 12:10 ပူးပေါင်းရင်းမြစ်များ

Génesis 43:1

Nak yo̱ chi numta̱c li cueꞌej saꞌ li tenamit Canaán,

Hechos 14:22

Yo̱queb chixqꞌuebal xcacuil xchꞌo̱leb laj pa̱banel. Queꞌxye reheb nak teꞌxpa̱b li Ka̱cuaꞌ chi anchaleb xchꞌo̱l ut incꞌaꞌ teꞌxcanab xpa̱banquil. Queꞌxye reheb nak tento teꞌxcuy xnumsinquil li raylal re nak teꞌoc saꞌ lix nimajcual cuanquilal li Dios.

Hechos 7:11

Ut quicuan jun nimla cueꞌej ut jun nimla raylal saꞌ eb li tenamit Egipto ut Canaán. Ut eb li kaxeꞌto̱nil yucuaꞌ incꞌaꞌ chic queꞌxtau xtzacae̱mkeb.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

Jeremías 14:1

Li Dios quia̱tinac riqꞌuin laj Jeremías chirix nak incꞌaꞌ chic naxqꞌue li hab.

Salmos 107:34

Ut li chꞌochꞌ li cha̱bil na-el li acui̱mk chiru, naxsukꞌisi chi ma̱cꞌaꞌ chic na-el chiru. Naxba̱nu chi joꞌcan xban li ma̱usilal li nequeꞌxba̱nu li tenamit.

Salmos 105:13

Queꞌxbeni ribeb yalak bar. Jalan jala̱nk li tenamit li quilajeꞌnumeꞌ cuiꞌ.

Salmos 34:19

Kꞌaxal nabal li raylal nequeꞌxcꞌul li ti̱queb xchꞌo̱l. Abanan li Ka̱cuaꞌ cuan chixtenkꞌanquileb re nak teꞌxcuy xnumsinquil li raylal.

2 Reyes 6:25

Ut xban nak sutsu li tenamit qui-osoꞌ lix tzacae̱mkeb saꞌ chixjunil li tenamit. Queꞌxterkꞌusi xtzꞌak chixjunil toj retal queꞌxcꞌayi xjolom li bu̱r chi ca̱cꞌa̱l chi tumin plata. Ut o̱b chi tumin plata xtzꞌak li mero libra li pim, li “xcꞌot mucuy” xcꞌabaꞌ.

2 Reyes 4:38

Chirix aꞌan laj Eliseo quisukꞌi Gilgal. Saꞌ eb li cutan aꞌan yo̱ li cueꞌej. Jun chꞌu̱tal chi profeta queꞌxchꞌutub ribeb riqꞌuin. Laj Eliseo quixye re lix mo̱s: —Qꞌue li nimla ucꞌal saꞌ xam ut yi̱b lix tzacae̱mkeb, chan.

2 Samuel 21:1

Nak laj David cuan chokꞌ rey quicuan jun li cueꞌej. Chiru oxib chihab ma̱cꞌaꞌ xtzacae̱mkeb. Laj David quitijoc ut quixpatzꞌ re li Dios cꞌaꞌut nak yo̱ li cueꞌej. Li Ka̱cuaꞌ Dios quixye re: —Yo̱ li cueꞌej aꞌin xban li ma̱usilal li quixba̱nu laj Saúl ut eb li ralal xcꞌajol nak queꞌxcamsiheb li cuanqueb Gabaón, chan.

Li xHu LIX RUT 1:1

Saꞌ eb li cutan nak cuanqueb laj rakol a̱tin chi takla̱nc saꞌ xbe̱neb li tenamit Israel, quicuan jun li cueꞌej saꞌ chixjunil li naꞌajej aꞌan. Ut cuan jun li cui̱nk aj Belén xcue̱nt Judá co̱ chi cua̱nc saꞌ li tenamit Moab rochben li rixakil. Ut xcabichaleb li ralal quixcꞌam chirix.

Génesis 47:13

Nak quinumta li cueꞌej aran, ma̱cꞌaꞌ chic li tzacae̱mk saꞌ li tenamit Egipto. Ca̱mqueb re chixjunileb laj Egipto joꞌeb ajcuiꞌ laj Canaán xban lix tzꞌocajiqueb.

Génesis 42:5

Eb li ralal laj Jacob, li nayeman ajcuiꞌ aj Israel re, queꞌcuulac saꞌ xya̱nkeb li yo̱queb chi lokꞌoc trigo aran Egipto xban nak yo̱ ajcuiꞌ li cueꞌej saꞌ li tenamit Canaán.

Génesis 41:57

Jalan jala̱nk xtenamiteb li queꞌcꞌulun Egipto chixlokꞌbal lix trigo riqꞌuin laj José xban nak yo̱ chi numta̱c li cueꞌej yalak bar.

Génesis 41:56

Nak laj José quiril nak kꞌaxal numtajenak li cueꞌej yalak bar, quixtakla xtebaleb li cꞌu̱leba̱l re li trigo. Ut queꞌxcꞌayi li trigo riqꞌuineb laj Egipto xban nak kꞌaxal numtajenak lix tzꞌocajiqueb.