Génesis 11:9 - Li Santil hu

⁹ Xban nak li Dios quixjal li ra̱tinoba̱leb, queꞌxqꞌue chokꞌ xcꞌabaꞌ li naꞌajej aꞌan Babel. Ut li Ka̱cuaꞌ Dios quixjeqꞌuiheb chixjunil li cristian yalak bar saꞌ ruchichꞌochꞌ.

Q'eqchi Bible

⁹ Aran li Qaawa' kixpo' li raatinob'aal chixjunileb' li tenamit ut kixcha'cha'iheb' sa' chixjunil li ruuchich'och'. Xb'aan a'an Babel kixk'ab'a'in li tenamit.

Génesis 11:9 ပူးပေါင်းရင်းမြစ်များ

Génesis 10:10

Laj Nimrod quicuan xcuanquil saꞌ xbe̱neb li tenamit Babel, Erec, Acad ut Calne. Eb li tenamit aꞌan cuanqueb xcue̱nt Sinar.

Génesis 10:20

Chixjunil li cꞌabaꞌej tzꞌi̱banbil arin, aꞌaneb li ralal xcꞌajol laj Cam. Aꞌaneb chꞌutchꞌu̱queb saꞌ lix tenamiteb ut jalan jala̱nk li ra̱tinoba̱leb saꞌ li junju̱nk chi tenamit.

Génesis 10:5

Eb li ralal xcꞌajol laj Jafet queꞌtam chire li palau. Jalan jala̱nk lix tenamiteb joꞌ eb ajcuiꞌ li ra̱tinoba̱l jalan jala̱nk saꞌ li junju̱nk chi tenamit.

Hechos 17:26

Riqꞌuin jun chi cui̱nk quixyoꞌobtesi chixjunileb li cristian li cuanqueb saꞌ ruchichꞌochꞌ. Ut aꞌan yal re joꞌ najtil teꞌcua̱nk li junju̱nk saꞌ ruchichꞌochꞌ. Ut aꞌan ajcuiꞌ quiqꞌuehoc re lix naꞌajeb li junju̱nk chi tenamit.

1 Corintios 14:23

Nak eb laj pa̱banel teꞌxchꞌutub ribeb ut cui chixjunileb teꞌoc chi a̱tinac saꞌ jalan a̱tin incꞌaꞌ natauman ru, cui teꞌoc aran li ma̱cuaꞌeb aj pa̱banel malaj teꞌoc aran li incꞌaꞌ nequeꞌxtau ru li naꞌleb aꞌin, teꞌxye nak lo̱queb ru.

Génesis 10:25

Laj Heber quicuan cuib li ralal. Li jun, aꞌan laj Peleg. Queꞌxqꞌue lix cꞌabaꞌ chi joꞌcan xban nak saꞌ li cutan aꞌan queꞌjeqꞌui̱c li cristian saꞌ ruchichꞌochꞌ. Li ri̱tzꞌin laj Peleg, aꞌan aj Joctán xcꞌabaꞌ.

Salmos 55:9

At Ka̱cuaꞌ, chasacheb taxak ruheb ut incꞌaꞌ ta chic teꞌxtau ru li cꞌaꞌru nequeꞌxye chi ribileb rib xban nak ac xinqꞌue retal nak junes pletic nequeꞌraj. Kꞌaxal nabal li raylal yo̱queb chixba̱nunquil saꞌ li tenamit.