Génesis 11:8 - Li Santil hu

⁸ Ut li Dios quixjeqꞌuiheb ru saꞌ chixjunil li ruchichꞌochꞌ ut queꞌxcanab li trabaj li queꞌxtiquib xba̱nunquil.

Q'eqchi Bible

⁸ Jo'kan naq ke'cha'cha'iik xb'aan li Qaawa' sa' chixjunil li ruuchich'och' ut ke'xkanab' li tenamit chi ch'emch'o ru.

Génesis 11:8 ပူးပေါင်းရင်းမြစ်များ

San Lucas 1:51

Sachba chꞌo̱lej li quixba̱nu riqꞌuin xnimal xcuanquil. Quixpoꞌ ru li yo̱queb chixcꞌoxlanquil xba̱nunquil li kꞌetkꞌeteb, li nequeꞌrecꞌa saꞌ xchꞌo̱leb nak ni̱nkeb xcuanquil.

Deuteronomio 32:8

Li Ka̱cuaꞌ li kꞌaxal nim xcuanquil quixqꞌue xnaꞌajeb li xni̱nkal ru tenamit. Quixye reheb bar cuan xnuba̱l lix chꞌochꞌeb. Ut quixqꞌue lix chꞌochꞌeb laj Israel aꞌ yal jarubeb saꞌ li junju̱nk xte̱paleb.

Génesis 10:32

Arin quirakeꞌ xtzꞌi̱banquil lix cꞌabaꞌeb li ralal xcꞌajol laj Noé ut chanru nak queꞌtam chak saꞌ ruchichꞌochꞌ. Nak quinumeꞌ li butꞌi haꞌ, li ralal xcꞌajol laj Noé queꞌtam. Ut queꞌxjeqꞌui rib saꞌ xbe̱n li ruchichꞌochꞌ.

Génesis 10:25

Laj Heber quicuan cuib li ralal. Li jun, aꞌan laj Peleg. Queꞌxqꞌue lix cꞌabaꞌ chi joꞌcan xban nak saꞌ li cutan aꞌan queꞌjeqꞌui̱c li cristian saꞌ ruchichꞌochꞌ. Li ri̱tzꞌin laj Peleg, aꞌan aj Joctán xcꞌabaꞌ.

Génesis 11:9

Xban nak li Dios quixjal li ra̱tinoba̱leb, queꞌxqꞌue chokꞌ xcꞌabaꞌ li naꞌajej aꞌan Babel. Ut li Ka̱cuaꞌ Dios quixjeqꞌuiheb chixjunil li cristian yalak bar saꞌ ruchichꞌochꞌ.

Génesis 11:4

Queꞌxye: —Kayi̱bak junak katenamit ut jun li nimla ochoch najt xteram torre xcꞌabaꞌ. Ta̱cuulak toj saꞌ choxa li xnajtil xteram. Chi joꞌcaꞌin teꞌxqꞌue retal saꞌ chixjunil li ruchichꞌochꞌ nak la̱o cuan kanaꞌleb. Ut incꞌaꞌ takajeqꞌui kib yalak bar saꞌ ruchichꞌochꞌ, chanqueb.

Génesis 49:7

Tzꞌekta̱nanbilakex taxak xban le̱ joskꞌil. Kꞌaxal numtajenak le̱ joskꞌil. Li Ka̱cuaꞌ Dios ta̱jeqꞌui̱nk reheb le̱ ralal e̱cꞌajol saꞌ xya̱nkeb chixjunileb li cualal incꞌajol.

Salmos 92:9

At Ka̱cuaꞌ, relic chi ya̱l nak teꞌsachekꞌ ruheb li xicꞌ nequeꞌiloc a̱cue. Ut teꞌchaꞌchaꞌi̱k ruheb chixjunileb li nequeꞌxba̱nu ma̱usilal.

Génesis 10:5

Eb li ralal xcꞌajol laj Jafet queꞌtam chire li palau. Jalan jala̱nk lix tenamiteb joꞌ eb ajcuiꞌ li ra̱tinoba̱l jalan jala̱nk saꞌ li junju̱nk chi tenamit.

Salmos 33:10

Li Ka̱cuaꞌ nasach ru li cꞌaꞌru nequeꞌxcꞌoxla xba̱nunquil li tenamit li incꞌaꞌ nequeꞌpa̱ban. Naxcanab chi ma̱cꞌaꞌ na-oc cuiꞌ li cꞌaꞌru nequeꞌxcꞌu̱b ru.