Génesis 11:7 - Li Santil hu

⁷ Joꞌcan ut tocubek ut takajal li ra̱tinoba̱leb re nak incꞌaꞌ teꞌxtau ru li cꞌaꞌru teꞌxye chi ribileb rib, chan li Dios.

Q'eqchi Bible

⁷ Tinkub'eeq b'i' ut toxinpo' li raatinob'aaleb', re naq ink'a' chik te'xtaw ru li te'xye chirib'ileb' rib'”.

Génesis 11:7 ပူးပေါင်းရင်းမြစ်များ

Salmos 33:10

Li Ka̱cuaꞌ nasach ru li cꞌaꞌru nequeꞌxcꞌoxla xba̱nunquil li tenamit li incꞌaꞌ nequeꞌpa̱ban. Naxcanab chi ma̱cꞌaꞌ na-oc cuiꞌ li cꞌaꞌru nequeꞌxcꞌu̱b ru.

Salmos 55:9

At Ka̱cuaꞌ, chasacheb taxak ruheb ut incꞌaꞌ ta chic teꞌxtau ru li cꞌaꞌru nequeꞌxye chi ribileb rib xban nak ac xinqꞌue retal nak junes pletic nequeꞌraj. Kꞌaxal nabal li raylal yo̱queb chixba̱nunquil saꞌ li tenamit.

Génesis 1:26

Ut quixye ajcuiꞌ li Dios: —Kayoꞌobtesihak li cui̱nk joꞌ li kiloba̱l la̱o. Ut aꞌan ta̱cua̱nk xcuanquil saꞌ xbe̱neb chixjunileb li xul li cuanqueb saꞌ ruchichꞌochꞌ, joꞌ li car saꞌ li palau ut li xul li nequeꞌrupupic chiru choxa. Ut ta̱cua̱nk xcuanquil saꞌ xbe̱neb li queto̱mk ut li xul li cuanqueb saꞌ pim, joꞌ ajcuiꞌ saꞌ xbe̱n chixjunileb li xul li nequeꞌxjucuqui rib saꞌ chꞌochꞌ, chan li Dios.

1 Corintios 14:23

Nak eb laj pa̱banel teꞌxchꞌutub ribeb ut cui chixjunileb teꞌoc chi a̱tinac saꞌ jalan a̱tin incꞌaꞌ natauman ru, cui teꞌoc aran li ma̱cuaꞌeb aj pa̱banel malaj teꞌoc aran li incꞌaꞌ nequeꞌxtau ru li naꞌleb aꞌin, teꞌxye nak lo̱queb ru.

Jeremías 5:15

Li Ka̱cuaꞌ quixye ajcuiꞌ reheb: —La̱in tintaklaheb li najtil tenamit chi pletic e̱riqꞌuin la̱ex li ralal xcꞌajol laj Israel. Aꞌaneb kꞌaxal cauheb rib chalen najter. La̱ex incꞌaꞌ nequenau li ra̱tinoba̱leb chi moco te̱tau ru li cꞌaꞌru teꞌxye.

Salmos 2:4

Abanan li Ka̱cuaꞌ Dios, toj saꞌ choxa naseꞌec xban li cꞌaꞌru nequeꞌxcꞌoxla xba̱nunquil.

Li xHu LAJ JOB 12:20

Ut naxsach xnaꞌlebeb li nequeꞌqꞌuehoc naꞌleb. Joꞌcaneb ajcuiꞌ li ac ti̱xeb. Incꞌaꞌ chic jultic reheb.

Deuteronomio 28:49

Li Ka̱cuaꞌ tixcꞌameb chak chi najt eb li jalan xtenamit. La̱ex incꞌaꞌ te̱tau ru li ra̱tinoba̱leb. Chanchanakeb li xul tꞌiu nak teꞌcha̱lk chi junpa̱t chixsachbal e̱ru.

Isaías 6:8

Ut quicuabi lix ya̱b xcux li Ka̱cuaꞌ yo̱ chak chixyebal: —¿Ani tintakla? ¿Ut ani ta̱xic chokꞌ ku̱chil? chan li Ka̱cuaꞌ. Ut la̱in quinchakꞌoc ut quinye, —Cueꞌquin la̱in. Taklahin la̱in, chanquin re.

Génesis 42:23

Eb aꞌan incꞌaꞌ queꞌxnau nak laj José yo̱ chixtaubal ru li ra̱tinoba̱leb xban nak cuan jun laj jalol a̱tin na-ochbenin re ut aꞌan najaloc re li a̱tin li naxye laj José.

Génesis 11:5

Ut li Ka̱cuaꞌ Dios quicube chak ut quiril li cꞌaꞌru yo̱queb chixba̱nunquil li cui̱nk. Quiril li tenamit ut li torre li yo̱queb chixyi̱banquil.

Génesis 10:20

Chixjunil li cꞌabaꞌej tzꞌi̱banbil arin, aꞌaneb li ralal xcꞌajol laj Cam. Aꞌaneb chꞌutchꞌu̱queb saꞌ lix tenamiteb ut jalan jala̱nk li ra̱tinoba̱leb saꞌ li junju̱nk chi tenamit.

Génesis 3:22

Quixye li Ka̱cuaꞌ Dios: —Anakcuan li cui̱nk juntakꞌe̱t chic kiqꞌuin la̱o. Naxnau chic li us ut li incꞌaꞌ us. Tento takisi saꞌ li naꞌajej Edén re nak incꞌaꞌ tixsicꞌ ut tixlou ru li cheꞌ li naqꞌuehoc junelic yuꞌam, ut ta̱cua̱nk lix yuꞌam chi junelic, chan.

Génesis 10:32

Arin quirakeꞌ xtzꞌi̱banquil lix cꞌabaꞌeb li ralal xcꞌajol laj Noé ut chanru nak queꞌtam chak saꞌ ruchichꞌochꞌ. Nak quinumeꞌ li butꞌi haꞌ, li ralal xcꞌajol laj Noé queꞌtam. Ut queꞌxjeqꞌui rib saꞌ xbe̱n li ruchichꞌochꞌ.

Génesis 10:5

Eb li ralal xcꞌajol laj Jafet queꞌtam chire li palau. Jalan jala̱nk lix tenamiteb joꞌ eb ajcuiꞌ li ra̱tinoba̱l jalan jala̱nk saꞌ li junju̱nk chi tenamit.

Éxodo 4:11

Ut li Ka̱cuaꞌ Dios quixye re: —¿Ma ma̱cuaꞌ ta biꞌ la̱in xinqꞌuehoc xtzꞌu̱mal re li cui̱nk? ¿Ani xba̱nun re li mem ut li tzꞌap xic ut li mutzꞌ? ¿Ma ma̱cuaꞌ la̱in li nimajcual Dios?

Isaías 33:19

Incꞌaꞌ chic texcua̱nk saꞌ xya̱nkeb li tenamit li kꞌaxal kꞌetkꞌeteb. Incꞌaꞌ chic te̱ril ruheb li nequeꞌa̱tinac saꞌ jalan a̱tinoba̱l li incꞌaꞌ nequetau ru.