Génesis 11:6 - Li Santil hu

⁶ Li Ka̱cuaꞌ Dios quixye: —Li tenamit jun ajcuiꞌ ut jun ajcuiꞌ li ra̱tinoba̱leb. Xeꞌxtiquib xba̱nunquil li nimla ochoch aꞌin. Cui joꞌcaꞌin lix naꞌlebeb, ma̱min teꞌxcanab xba̱nunquil li cꞌaꞌru nequeꞌxcꞌoxla.

Q'eqchi Bible

⁶ ut kixye: “Anaqwan chixjunileb' junaj wi' chi tenamit naq wankeb' ut junaj ru li raatinob'aaleb'. Jo'kan naq xe'xtikib' xb'aanunkil a'in, ut anaqwan jo'ch'inal jo'nimal te'raj xb'aanunkil moko ch'a'ajkaq ta chik chiruheb'.

Génesis 11:6 ပူးပေါင်းရင်းမြစ်များ

Génesis 3:22

Quixye li Ka̱cuaꞌ Dios: —Anakcuan li cui̱nk juntakꞌe̱t chic kiqꞌuin la̱o. Naxnau chic li us ut li incꞌaꞌ us. Tento takisi saꞌ li naꞌajej Edén re nak incꞌaꞌ tixsicꞌ ut tixlou ru li cheꞌ li naqꞌuehoc junelic yuꞌam, ut ta̱cua̱nk lix yuꞌam chi junelic, chan.

Génesis 11:1

Saꞌ eb li cutan aꞌan jun ajcuiꞌ li ra̱tinoba̱leb li cristian saꞌ ruchichꞌochꞌ.

San Lucas 1:51

Sachba chꞌo̱lej li quixba̱nu riqꞌuin xnimal xcuanquil. Quixpoꞌ ru li yo̱queb chixcꞌoxlanquil xba̱nunquil li kꞌetkꞌeteb, li nequeꞌrecꞌa saꞌ xchꞌo̱leb nak ni̱nkeb xcuanquil.

Eclesiastés 11:9

La̱ex, li toj sa̱jex, cheyalak xsahil le̱ sa̱jilal. Cheba̱nuhak li cꞌaꞌru te̱ra ru ut li cꞌaꞌru nacuulac che̱ru. Abanan, tento nak te̱qꞌue retal nak saꞌ jun cutan ta̱rakok a̱tin li Dios saꞌ e̱be̱n.

Génesis 6:5

Li Ka̱cuaꞌ Dios quiril nak yo̱ chi numta̱c lix ma̱queb li cristian saꞌ ruchichꞌochꞌ. Caꞌaj cuiꞌ li ma̱usilal nequeꞌxcꞌoxla.

Génesis 8:21

Lix bo̱c li cꞌatbil mayej quicuulac riqꞌuin li Dios ut quicuulac chiru lix sununquil. Li Dios quixye saꞌ xchꞌo̱l: —Ma̱ jun cua chic tintzꞌekta̱na li ruchichꞌochꞌ xbaneb li cristian. Ac reheb li cristian nak aj ma̱queb. Ma̱ jun sut chic tinsach ruheb chixjunileb li cuanqueb saꞌ ruchichꞌochꞌ riqꞌuin butꞌi haꞌ.

Génesis 9:19

Ut riqꞌuineb li oxib chi ralal laj Noé, queꞌtam li cristian saꞌ chixjunil li ruchichꞌochꞌ.

Hechos 17:26

Riqꞌuin jun chi cui̱nk quixyoꞌobtesi chixjunileb li cristian li cuanqueb saꞌ ruchichꞌochꞌ. Ut aꞌan yal re joꞌ najtil teꞌcua̱nk li junju̱nk saꞌ ruchichꞌochꞌ. Ut aꞌan ajcuiꞌ quiqꞌuehoc re lix naꞌajeb li junju̱nk chi tenamit.

Jueces 10:14

Ayukex ut ya̱bahomak xcꞌabaꞌeb li jalanil dios li xesicꞌ ruheb. Ma̱re eb aꞌan chic teꞌcolok e̱re chiru li raylal li cuanquex cuiꞌ anakcuan, chan li Dios.

1 Reyes 18:27

Nak ac xcuulac cuaꞌleb laj Elías qui-oc chixseꞌenquileb ut quixye reheb: —Japomak e̱re chi cau. ¿Ma ma̱cuaꞌ ta biꞌ aꞌan le̱ dios? Ma̱re yo̱ chi cꞌoxlac malaj ut yo̱ chi cꞌanjelac. Ma̱re xco̱ chi be̱c malaj ut yo̱ chi cua̱rc. Ma̱re tento nak te̱rajsi, chan reheb.

Amós 4:7

—La̱in incꞌaꞌ chic xinqꞌue li hab nak oxib po chic ma̱ nacuulac xkꞌehil li kꞌoloc. Xinqꞌue li hab saꞌ jun li tenamit ut saꞌ li jun chic incꞌaꞌ xinqꞌue. Saꞌ jun li cꞌaleba̱l xinqꞌue li hab ut saꞌ li jun chic xchakic li acui̱mk xban nak incꞌaꞌ xinqꞌue li hab.