Génesis 11:3 - Li Santil hu

³ Ut queꞌxye chi ribileb rib: —Takayi̱b li xan ut takacꞌat chi us, chanqueb. Ut li xan quicꞌanjelac chokꞌ re̱kaj li pec. Ut li quicꞌanjelac re xletzbal li xan, aꞌan li na-el saꞌ chꞌochꞌ asfalto xcꞌabaꞌ.

Q'eqchi Bible

³ Toja' naq ke'xye chirib'ileb' rib': “Qayiib'aq qaxan ut taaqak'at”, chankeb'. Chi jo'kan li xan kik'anjelak cho'q reeqaj li pek, ut li b'etuun cho'q reeqaj li semeent.

Génesis 11:3 ပူးပေါင်းရင်းမြစ်များ

Génesis 14:10

Saꞌ li ru takꞌa Sidim cꞌajoꞌ li jul cuan. Saꞌ eb li jul aꞌin cuan li asfalto. Nak yo̱queb chi e̱lelic chiruheb li ca̱hib chi rey, eb li soldados re Sodoma ut Gomorra queꞌlajeꞌtꞌaneꞌ saꞌ li jul ut cuan li queꞌe̱lelic saꞌ li tzu̱l. Eb li o̱b chi rey incꞌaꞌ queꞌxcuy xcolbal ribeb saꞌ rukꞌeb li ca̱hib chic.

Éxodo 2:3

Nak incꞌaꞌ chic quiru xmukbal li cꞌulaꞌal, li naꞌbej quixyi̱b jun li chacach riqꞌuin li bayal. Quixtzꞌap ru li chacach riqꞌuin jun li ban asfalto xcꞌabaꞌ joꞌ ajcuiꞌ lix kꞌol li cheꞌ brea re nak incꞌaꞌ ta̱oc li haꞌ chi saꞌ. Quixqꞌue li cꞌulaꞌal saꞌ li chacach. Tojoꞌnak coxcanab chak saꞌ nimaꞌ bar cuiꞌ cuan li caxlan aj.

Éxodo 1:14

Cꞌajoꞌ li raylal nequeꞌxcꞌul xban li cacuil trabaj nequeꞌxba̱nu nak nequeꞌxpacꞌ li chꞌochꞌ chokꞌ xan. Ut joꞌcan ajcuiꞌ nak yo̱queb chi trabajic saꞌ cꞌaleba̱l. Kꞌaxal cuiꞌchic ra li yo̱queb chixcꞌulbal xban nak saꞌ joskꞌil nequeꞌtakla̱c ut yalak cꞌaꞌru cꞌanjelil nequeꞌqꞌueheꞌ reheb re teꞌxba̱nu.

Santiago 5:1

Aꞌut anakcuan, ex biom, cherabihak li oc cue chixyebal. Chiyotꞌekꞌ e̱chꞌo̱l ut chexya̱bak xban li raylal cha̱lc re saꞌ e̱be̱n.

Hebreos 10:24

Chikasicꞌ chanru takatenkꞌa kib re nak takara kib ut chikaba̱nu usilal chi kibil kib.

Hebreos 3:13

Cheqꞌuehak ban e̱naꞌleb che̱ribil e̱rib rajlal cutan nak toj naru xba̱nunquil. Chetenkꞌa e̱rib che̱ribil e̱rib re nak ma̱ jun ta̱balakꞌi̱k xban li ma̱c, xban nak li nabalakꞌi̱c xban li ma̱c incꞌaꞌ chic naraj xba̱nunquil li cꞌaꞌru naraj li Dios.

Isaías 9:10

—Ya̱l nak xtꞌaneꞌ li cab yi̱banbil riqꞌuin xan. Abanan takayi̱b cuiꞌchic riqꞌuin pec. Queꞌxyocꞌ li tzꞌamba li yi̱banbil riqꞌuin li cheꞌ sicómoro, abanan takayi̱b cuiꞌchic riqꞌuin li cha̱bil cheꞌ chacalteꞌ, chanqueb.

2 Samuel 12:31

Li joꞌ qꞌuial chic li tenamit li queꞌcana quirisiheb aran ut quixqꞌueheb chi jachoc cheꞌ ut chi picꞌoc chꞌochꞌ, ut chi yocꞌoc cheꞌ riqꞌuin ma̱l. Quixqꞌueheb ajcuiꞌ chixyi̱banquil li xan ut chixcꞌatbaleb saꞌ li horno. Joꞌcan ajcuiꞌ quixba̱nu riqꞌuineb chixjunileb li tenamit li cuanqueb cuiꞌ eb li ralal xcꞌajol laj Amón. Chirix aꞌan, laj David rochbeneb chixjunileb lix soldados queꞌsukꞌi Jerusalén.

Santiago 4:13

Anakcuan abihomak li tinye e̱re la̱ex li nequexyehoc re chi joꞌcaꞌin: Ho̱n malaj cuulaj toxic saꞌ jalan chic tenamit ut aran tocua̱nk chak jun chihabak. Aran toyacok ut ta̱cua̱nk katumin chi us.

Nahum 3:14

Xocomak nabal le̱ haꞌ re nak yoꞌon cua̱nkex nak teꞌcha̱lk chi pletic e̱riqꞌuin. Yi̱bomak chi us li cab li nequecol cuiꞌ e̱rib. Cꞌamomak chak li seb ut yokꞌimak. Cauresihomak le̱ horno re nak te̱yi̱b nabal li xan.

Isaías 65:3

Junelic nequeꞌxchikꞌ injoskꞌil. Nequeꞌmayejac saꞌ eb li naꞌajej li nequeꞌxlokꞌoni cuiꞌ li jalanil dios ut nequeꞌxcꞌat li pom saꞌ xbe̱neb li artal yi̱banbil riqꞌuin xan.

Isaías 5:5

Anakcuan chine̱rabi. Tinye e̱re cꞌaꞌru tinba̱nu riqꞌuin li cuacui̱mk. Tincuisi li corral li xinyi̱b re nak ta̱osokꞌ. Tintꞌan li tzꞌac re nak ta̱yekꞌi̱k ut ta̱sachekꞌ.

Eclesiastés 2:1

Ut quinye cuiꞌchic saꞌ inchꞌo̱l: —Tinyal xba̱nunquil li cꞌaꞌak re ru re ta̱sahokꞌ saꞌ inchꞌo̱l ut tincua̱nk chi ma̱cꞌaꞌ tincꞌoxla, chanquin. Abanan xinqꞌue ajcuiꞌ retal nak aꞌan ma̱cꞌaꞌ na-oc cuiꞌ.

Proverbios 1:11

Usta teꞌxye e̱re, “Quimkex kiqꞌuin. Chex-oque̱nk saꞌ kaya̱nk. Toxic ut takaram saꞌ xbe li ma̱cꞌaꞌeb xma̱c ut takacamsiheb nak yo̱keb chi numecꞌ.

Salmos 64:5

Nequeꞌxqꞌue xcacuil xchꞌo̱l chiribileb rib chixba̱nunquil li ma̱usilal. Nequeꞌxcꞌu̱b chanru nak teꞌxqꞌue li raꞌal re nak tintꞌanekꞌ chi saꞌ. Ut nequeꞌxye: ¿Ani ta cuiꞌ ta̱naꞌok re cꞌaꞌru yo̱co? chanqueb.

Génesis 11:7

Joꞌcan ut tocubek ut takajal li ra̱tinoba̱leb re nak incꞌaꞌ teꞌxtau ru li cꞌaꞌru teꞌxye chi ribileb rib, chan li Dios.

Génesis 11:4

Queꞌxye: —Kayi̱bak junak katenamit ut jun li nimla ochoch najt xteram torre xcꞌabaꞌ. Ta̱cuulak toj saꞌ choxa li xnajtil xteram. Chi joꞌcaꞌin teꞌxqꞌue retal saꞌ chixjunil li ruchichꞌochꞌ nak la̱o cuan kanaꞌleb. Ut incꞌaꞌ takajeqꞌui kib yalak bar saꞌ ruchichꞌochꞌ, chanqueb.