Génesis 10:5 - Li Santil hu

⁵ Eb li ralal xcꞌajol laj Jafet queꞌtam chire li palau. Jalan jala̱nk lix tenamiteb joꞌ eb ajcuiꞌ li ra̱tinoba̱l jalan jala̱nk saꞌ li junju̱nk chi tenamit.

Q'eqchi Bible

⁵ Rik'ineb' a'in ke'xtikib' tenamito'k eb' li na'ajej sutsuukeb' xb'aan li palaw. A'aneb' a'in li ralal laj Jafet, ak xna'aj xna'aj, ak raatinob'aal raatinob'aal li junjunq, ak riyajil riyajil ut ak xtenamit xtenamit li junjunq.

Génesis 10:5 ပူးပေါင်းရင်းမြစ်များ

Sofonías 2:11

Kꞌaxal ra tixba̱nu li Ka̱cuaꞌ reheb. Tixsach ruheb chixjunileb li yi̱banbil dios li cuanqueb saꞌ ruchichꞌochꞌ re nak aꞌan chic teꞌxlokꞌoni nak teꞌxcuikꞌib rib chiru saꞌ ruchichꞌochꞌ yalak bar cua̱nkeb.

Jeremías 2:10

Ayukex aran Quitim li cuan chire li nimla palau ut taklahomakeb li teꞌxic aran Cedar. Qꞌuehomak chak retal chi us. ¿Ma xeꞌxba̱nu joꞌ yo̱quex la̱ex?

Jeremías 25:22

ut chixjunileb li rey li cuanqueb Tiro; ut chixjunileb li rey li cuanqueb Sidón; ut chixjunileb li rey li cuanqueb chire li palau.

Isaías 42:4

Aꞌan incꞌaꞌ ta̱lubk chi moco ta̱chꞌina̱nk xchꞌo̱l toj retal tixxakab li ti̱quilal saꞌ ruchichꞌochꞌ. Ut chixjunileb li tenamit riqꞌuin aꞌan teꞌyoꞌoni̱nk.

Génesis 10:20

Chixjunil li cꞌabaꞌej tzꞌi̱banbil arin, aꞌaneb li ralal xcꞌajol laj Cam. Aꞌaneb chꞌutchꞌu̱queb saꞌ lix tenamiteb ut jalan jala̱nk li ra̱tinoba̱leb saꞌ li junju̱nk chi tenamit.

Isaías 60:9

Eb li ni̱nki jucub yo̱queb chi cha̱lc chiru li palau. Li jucub re Tarsis, aꞌan eb li yo̱queb chak chi cꞌamoc be. Yo̱queb chixcꞌambaleb chak chi najt le̱ ralal e̱cꞌajol. Yo̱queb chixcꞌambal chak li oro ut li plata re xqꞌuebal xlokꞌal li Ka̱cuaꞌ le̱ Dios Santo la̱ex aj Israel, li naqꞌuehoc le̱ lokꞌal.

Isaías 59:18

Tixqꞌue re̱kaj reheb li queꞌxba̱nu li ma̱usilal aꞌ yal chanru lix yehom xba̱nuhomeb. Tixqꞌueheb chixtojbal xma̱queb li xicꞌ nequeꞌiloc re usta kꞌaxal najt cuanqueb saꞌ jalan tenamit.

Isaías 51:5

Chi se̱b tinba̱nu li cꞌaꞌru xinye. Chi se̱b tincoleb lin tenamit. La̱in tinrakok a̱tin saꞌ xbe̱neb li tenamit. Eb li xni̱nkal ru tenamit yo̱queb chicuoybeninquil. Teꞌxqꞌue retal lin cuanquil ut cuiqꞌuin teꞌyoꞌoni̱nk.

Isaías 49:1

Abihomak la̱ex li cuanquex saꞌ najtil tenamit. Qꞌuehomak retal li oc cue chixyebal. Nak toj ma̱jiꞌ ninyoꞌla li Ka̱cuaꞌ quixsicꞌ chak cuu chi cꞌanjelac chiru. Nak toj ma̱jiꞌ ninyoꞌla ac naxnau ani incꞌabaꞌ.

Isaías 42:10

Bichahomak junak acꞌ bich re xlokꞌoninquil li Ka̱cuaꞌ. Che̱junilex la̱ex li cuanquex saꞌ ruchichꞌochꞌ bichankex re xqꞌuebal xlokꞌal. Che̱junilex la̱ex li nequexxic chiru li palau saꞌ le̱ jucub chelokꞌoni taxak li Ka̱cuaꞌ. Chixjunil li cuan saꞌ li palau cheꞌxlokꞌoni taxak. Chexbicha̱nk re xqꞌuebal xlokꞌal li Ka̱cuaꞌ la̱ex li cuanquex saꞌ najtil tenamit.

Isaías 41:5

Eb li najtil tenamit queꞌril li cꞌaꞌru yo̱ chi cꞌulma̱nc ut queꞌxucuac. Li cuanqueb saꞌ chixjunil li ruchichꞌochꞌ queꞌoc xxiuheb. Joꞌcan nak queꞌxchꞌutub ribeb chi cha̱lc.

Isaías 40:15

Chiru li Ka̱cuaꞌ eb li xni̱nkal ru tenamit ma̱cꞌaꞌ nequeꞌoc cuiꞌ. Chanchaneb jun tzꞌukul chi haꞌ malaj ut chanchan li poks li na-osoꞌ. Ma̱cꞌaꞌ na-oc cui. Ut eb li chꞌochꞌ li sutsu saꞌ haꞌ naxqꞌue chi sachc.

Isaías 24:15

Cheꞌxqꞌuehak taxak xlokꞌal li Dios li cuanqueb saꞌ li ru takꞌa. Cheꞌxnima̱k ru lix Dioseb laj Israel li cuanqueb chire li palau.

Salmos 72:10

Eb li jalan chic rey teꞌxqꞌue xma̱tan lix reyeb laj Israel. Teꞌxcꞌam chak xma̱taneb lix reyeb laj Tarsis ut li tenamit li cuanqueb chire li palau. Ut joꞌcan ajcuiꞌ teꞌxba̱nu eb lix reyeb laj Sabá ut eb laj Seba.

Génesis 10:25

Laj Heber quicuan cuib li ralal. Li jun, aꞌan laj Peleg. Queꞌxqꞌue lix cꞌabaꞌ chi joꞌcan xban nak saꞌ li cutan aꞌan queꞌjeqꞌui̱c li cristian saꞌ ruchichꞌochꞌ. Li ri̱tzꞌin laj Peleg, aꞌan aj Joctán xcꞌabaꞌ.

Génesis 10:4

Ut aꞌaneb aꞌin lix cꞌabaꞌeb li ralal laj Javán: laj Elisa, laj Tarsis, laj Quitim ut laj Dodanim.

Génesis 10:6

Aꞌaneb aꞌin lix cꞌabaꞌeb li ralal laj Cam: laj Cus, laj Mizraim, laj Fut, ut laj Canaán.

Ezequiel 26:15

Li nimajcual Dios naxye ajcuiꞌ reheb laj Tiro: —Nak yo̱keb chixsachbal le̱ tenamit li xicꞌ nequeꞌiloc e̱re, cꞌajoꞌ nak teꞌxucuak li tenamit li cuanqueb chire li palau nak teꞌrabi xya̱beb li yo̱keb chi camsi̱c.

Ezequiel 26:18

Anakcuan xsacheꞌ ru li tenamit Tiro. Eb li cuanqueb saꞌ eb li cocꞌ tenamit li sutsu̱queb xban li palau nequeꞌsicsot xban xxiuheb xban nak xsacheꞌ ruheb laj Tiro.

Daniel 11:18

Mokon chic li rey li cuan saꞌ li norte tixyal xkꞌe chi numta̱c saꞌ xbe̱neb li tenamit cuanqueb chire li nimla palau ut ta̱re̱chani nabal. Abanan jun cui̱nk nim xcuanquil tixcuy pletic riqꞌuin ut tixcut xxuta̱n li rey li cuan saꞌ li norte nak ta̱numta̱k saꞌ xbe̱neb.

Génesis 9:19

Ut riqꞌuineb li oxib chi ralal laj Noé, queꞌtam li cristian saꞌ chixjunil li ruchichꞌochꞌ.

Génesis 10:32

Arin quirakeꞌ xtzꞌi̱banquil lix cꞌabaꞌeb li ralal xcꞌajol laj Noé ut chanru nak queꞌtam chak saꞌ ruchichꞌochꞌ. Nak quinumeꞌ li butꞌi haꞌ, li ralal xcꞌajol laj Noé queꞌtam. Ut queꞌxjeqꞌui rib saꞌ xbe̱n li ruchichꞌochꞌ.

Deuteronomio 32:8

Li Ka̱cuaꞌ li kꞌaxal nim xcuanquil quixqꞌue xnaꞌajeb li xni̱nkal ru tenamit. Quixye reheb bar cuan xnuba̱l lix chꞌochꞌeb. Ut quixqꞌue lix chꞌochꞌeb laj Israel aꞌ yal jarubeb saꞌ li junju̱nk xte̱paleb.

Ester 10:1

Li rey Asuero quixtitzꞌ xtojeb chixjunileb li cuanqueb rubel xcuanquil. Quixtitzꞌ xtojeb li junju̱nk chi tenamit joꞌqueb ajcuiꞌ li naꞌajej li sutsu̱queb xban li palau.

Isaías 11:11

Saꞌ eb li cutan aꞌan li Ka̱cuaꞌ riqꞌuin xcuanquil tixcol cuiꞌchic eb laj Israel li joꞌ qꞌuialeb li incꞌaꞌ queꞌsacheꞌ ruheb. Tixcꞌameb cuiꞌchic Israel eb li cuanqueb Asiria, ut eb li cuanqueb Egipto, Patros, Etiopía, Elam, Sinar, ut Hamat, joꞌ eb ajcuiꞌ li cuanqueb saꞌ eb li tenamit li cuanqueb chire li palau.