Génesis 10:4 - Li Santil hu

⁴ Ut aꞌaneb aꞌin lix cꞌabaꞌeb li ralal laj Javán: laj Elisa, laj Tarsis, laj Quitim ut laj Dodanim.

Q'eqchi Bible

⁴ A'aneb' a'in li ralal xk'ajol laj Jabán: laj Elisá, laj Tarsis, laj Kitim ut laj Rodanim.

Génesis 10:4 ပူးပေါင်းရင်းမြစ်များ

Daniel 11:30

Moco joꞌ ta nak queꞌpletic xbe̱n cua xban nak nabaleb li soldado teꞌcha̱lk Quitim saꞌ li ni̱nki jucub re pletic ut teꞌxram xbeheb chiruheb. Ut ma̱cꞌajoꞌ nak teꞌxucuak ut teꞌsukꞌi̱k cuiꞌchic saꞌ lix tenamiteb. Ut li rey kꞌaxal cuiꞌchic xicꞌ ta̱rileb laj Israel lix tenamit li Dios. Cuanqueb laj Israel teꞌxtzꞌekta̱na li santil contrato ut teꞌkꞌaxo̱nk saꞌ xya̱nkeb li cuanqueb saꞌ li norte. Ut aꞌanakeb chic teꞌqꞌuehok xnaꞌleb li rey re xba̱nunquil li incꞌaꞌ us.

Isaías 23:12

Li Dios quixye reheb li cuanqueb saꞌ li tenamit Tiro, li quiyi̱ba̱c xbaneb laj Sidón: —Incꞌaꞌ chic ta̱sahokꞌ saꞌ e̱chꞌo̱l. Junxil chanchanex jun li tukꞌ ixk. Abanan anakcuan rahobtesinbilex chic. Usta nequex-e̱lelic toj Quitim, abanan chi moco aran naru ta̱sahokꞌ saꞌ e̱chꞌo̱l.—

Isaías 23:1

Aꞌan aꞌin resil li cꞌaꞌru teꞌxcꞌul li tenamit Tiro. Chexya̱bak la̱ex li cuanquex saꞌ eb li jucub re Tarsis xban nak quisacheꞌ ru li tenamit Tiro li texxic cuiꞌ. Quilajeꞌtꞌaneꞌ chixjunileb li ochoch. Toj Quitim qui-abi̱c resil.

Números 24:24

Teꞌcha̱lk chak Quitim saꞌ eb li jucub ut teꞌxrahobtesiheb laj Asiria ut teꞌxrahobtesiheb ajcuiꞌ li ralal xcꞌajol laj Heber. Abanan eb laj Quitim teꞌsachekꞌ ajcuiꞌ ruheb, chan.

Ezequiel 27:25

Nequeꞌchal nequeꞌxic li ni̱nki jucub re Tarsis chixcꞌambal li cꞌaꞌru e̱re. Cꞌajoꞌ nak quexbiomoꞌ. Chanchanex jun li nimla jucub kꞌaxal nabal li ri̱k.

Ezequiel 27:12

Eb laj Tarsis queꞌyacoc e̱riqꞌuin xban nak cuan nabal cꞌaꞌru e̱re. Queꞌxjal li cꞌaꞌru e̱re riqꞌuin li plata, ut li cacuil chꞌi̱chꞌ hierro joꞌ ajcuiꞌ li kꞌunil chꞌi̱chꞌ ut li plomo.

Génesis 10:5

Eb li ralal xcꞌajol laj Jafet queꞌtam chire li palau. Jalan jala̱nk lix tenamiteb joꞌ eb ajcuiꞌ li ra̱tinoba̱l jalan jala̱nk saꞌ li junju̱nk chi tenamit.

1 Crónicas 1:7

Eb li ralal laj Javán, aꞌaneb aꞌin: laj Elisa, laj Tarsis, laj Quitim ut laj Dodanim.

Ezequiel 27:6

Ut eb li cheꞌ re xberesinquil li jucub queꞌyi̱ba̱c riqꞌuin li ji li quicꞌameꞌ chak Basán. Ut li cheꞌ li yi̱banbil cuiꞌ li tem, aꞌan chaj li quicꞌameꞌ chak Quitim. Qꞌuebil lix sahob ru li tem riqꞌuin marfil.

Ezequiel 27:7

Li nimla tꞌicr li naberesin re yi̱banbil riqꞌuin li cha̱bil tꞌicr lino li cuan xsahob ru. Quicꞌameꞌ chak Egipto. Li bandera yi̱banbil riqꞌuin li cha̱bil tꞌicr azul ut púrpura li quicꞌameꞌ chak saꞌ li tenamit Elisa li cuan chire li palau.