Génesis 10:22 - Li Santil hu

²² Aꞌaneb aꞌin lix cꞌabaꞌeb li ralal laj Sem: laj Elam, laj Asur, laj Arfaxad, laj Lud, ut laj Aram.

Q'eqchi Bible

²² Eb' li ralal xk'ajol laj Sem a'aneb' a'in: laj Elam, laj Asur, laj Arpaxad, laj Lud ut laj Aram.

Génesis 10:22 ပူးပေါင်းရင်းမြစ်များ

Isaías 66:19

La̱in tebinqꞌue retalil. Cuanqueb li tebincanab chi e̱lelic. Ut tebintakla saꞌ eb li xni̱nkal ru tenamit li incꞌaꞌ queꞌrabi resil lin lokꞌal ut lin cuanquil. Tintaklaheb saꞌ eb li tenamit Tarsis, Fut ut Lud cuanqueb cuiꞌ li nequeꞌxnau xchꞌeꞌbal li tzimaj. Ut tintaklaheb Tubal ut Javán ut saꞌ eb li najtil tenamit li cuanqueb chire li palau saꞌ eb li naꞌajej li ma̱ jun sut queꞌrabi resil lin cuanquil ut lin lokꞌal. Ut teꞌxchꞌolob xya̱lal inlokꞌal ut incuanquil chiruheb li jalan xtenamiteb.

Hechos 2:9

Anakcuan eb aꞌan yo̱queb chi a̱tinac saꞌ ra̱tinoba̱leb laj Partos, laj Medo, laj elamitas ut chikajunilo la̱o li cuanco Mesopotamia, ut Judea, Capadocia, Ponto ut Asia,

Jeremías 25:25

Ut teꞌcꞌuluk ajcuiꞌ raylal chixjunileb li rey li cuanqueb Zimri ut eb li cuanqueb Elam ut eb li cuanqueb Media,

Isaías 22:6

Eb li soldados teꞌcha̱lk toj Elam chirix cacua̱y. Cua̱nk chak saꞌ rukꞌeb lix tzimaj. Ut eb li soldados li teꞌcha̱lk toj Kir cua̱nk chak saꞌ rukꞌeb lix chꞌi̱chꞌ re xcolbal re xchꞌo̱leb.

Isaías 21:2

Jun li visión kꞌaxal ra rilbal quicꞌutbesi̱c chicuu. Li quicuil saꞌ li visión aꞌan nak yo̱queb chi balakꞌi̱nc ut yo̱queb chi sachoc. Ayukex la̱ex aj Elam. Ayukex chi pletic riqꞌuineb laj Babilonia. Joꞌcan ajcuiꞌ la̱ex aj Medo. Ayukex chi pletic re nak ta̱rakekꞌ li raylal li queꞌxba̱nu eb laj Babilonia.

Isaías 11:11

Saꞌ eb li cutan aꞌan li Ka̱cuaꞌ riqꞌuin xcuanquil tixcol cuiꞌchic eb laj Israel li joꞌ qꞌuialeb li incꞌaꞌ queꞌsacheꞌ ruheb. Tixcꞌameb cuiꞌchic Israel eb li cuanqueb Asiria, ut eb li cuanqueb Egipto, Patros, Etiopía, Elam, Sinar, ut Hamat, joꞌ eb ajcuiꞌ li cuanqueb saꞌ eb li tenamit li cuanqueb chire li palau.

Li xHu LAJ JOB 1:17

Toj yo̱ ajcuiꞌ chi a̱tinac li cui̱nk aꞌan nak quicuulac jun chic li mo̱s. Quixye re laj Job: —Xeꞌcuulac oxib chꞌu̱tal laj Caldea chi ma̱cꞌaꞌ saꞌ kachꞌo̱l. Xeꞌrelkꞌaheb la̱ camello ut xeꞌxcamsiheb chi chꞌi̱chꞌ la̱ mo̱s. La̱in xinchal chixyebal resil a̱cue xban nak caꞌaj chic la̱in xincoleꞌ, chan.

2 Reyes 15:19

Quicuulac laj Pul lix reyeb laj Asiria chi pletic riqꞌuineb laj Israel. Li rey Manahem quixqꞌue re cuakib ciento quintal riqꞌuin oxcꞌa̱l quintal (660) li plata re nak tixtenkꞌa ut tixxakab saꞌ xnaꞌaj lix cuanquil.

Números 23:7

Ut laj Balaam quixye li a̱tin aꞌin: —Laj Balac lix reyeb laj Moab quicꞌamoc chak cue aran Aram saꞌ li naꞌajej li tzu̱l ru, li cuan saꞌ li este. Quixye cue: “Quim cuiqꞌuin ut tzꞌa̱ma ma̱usilal saꞌ xbe̱neb laj Israel, li ralal xcꞌajol laj Jacob”, chan cue.

Génesis 9:26

Abanan aꞌ taxak li Ka̱cuaꞌ Dios chi-osobtesi̱nk re laj Sem, joꞌ eb ajcuiꞌ li ralal xcꞌajol. Ut laj Canaán rochbeneb li ralal xcꞌajol teꞌcana̱k chokꞌ rahobtesinbil mo̱s.—

San Lucas 3:36

Ut laj Sala, aꞌan li ralal laj Cainán. Ut laj Cainán, aꞌan li ralal laj Arfaxad. Ut laj Arfaxad, aꞌan li ralal laj Sem. Ut laj Sem, aꞌan li ralal laj Noé. Ut laj Noé, aꞌan li ralal laj Lamec.

Génesis 10:21

Laj Sem, aꞌan li ras laj Jafet. Laj Sem, aꞌan lix xeꞌto̱nil yucuaꞌeb li ralal xcꞌajol laj Heber. Ut queꞌcuan ralal.

Génesis 11:10

Aꞌan aꞌin li retalileb li ralal xcꞌajol laj Sem. Jun ciento (100) chihab cuan re laj Sem nak quiyoꞌla laj Arfaxad li ralal. Ac cuib chihab chic xnumic li butꞌi haꞌ nak quiyoꞌla.

Números 24:22

Abanan eb laj Asiria teꞌnumta̱k saꞌ e̱be̱n la̱ex aj Ceneo ut texcꞌam chi pre̱xil, chan.

Ezequiel 32:24

Lix reyeb laj Elam cuan aran rochbeneb lix qꞌuila soldados. Li soldado cuanqueb chixjun sutam. Chixjunileb queꞌcamsi̱c saꞌ li ple̱t. Aꞌaneb li queꞌqꞌuehoc xxiuheb chixjunileb nak toj yoꞌyo̱queb, abanan anakcuan xuta̱nal queꞌxcꞌul xban nak queꞌco̱eb saꞌ xnaꞌajeb li camenak cuanqueb cuiꞌ li incꞌaꞌ queꞌxpa̱b li Dios.

Daniel 8:2

Nak quicꞌutbesi̱c chicuu cuanquin aran Susa, lix nimal ru tenamit saꞌ li naꞌajej Elam. Xakxo̱quin chire li nimaꞌ Ulai nak quicuil.