Génesis 10:19 - Li Santil hu

¹⁹ Lix chꞌochꞌeb laj cananeo naticla chak toj Sidón ut naxtau xnuba̱l li tenamit Gaza li nacana saꞌ xjayal Gerar. Ut naxtau ajcuiꞌ lix nuba̱l li tenamit Lasa li nacana saꞌ xjayal li ca̱hib chi tenamit Sodoma, Gomorra, Adma ut Zeboim.

Q'eqchi Bible

¹⁹ Li xch'och'eb' laj Kanahán naxnub'ajli rib' rik'in Sidón, sa' xjayal Kerar, toj Gasa; ut, sa' xjayal Sodoom, Gomoor, Admá ut Seboín, naxnub'ajli rib' toj rik'in Lesa.

Génesis 10:19 ပူးပေါင်းရင်းမြစ်များ

Génesis 14:2

Eb li ca̱hib chi rey aꞌin queꞌxpleti ribeb riqꞌuineb o̱b chic li rey. Eb li rey o̱b chic, aꞌaneb aꞌin: laj Bera, aꞌan lix reyeb li tenamit Sodoma; laj Birsa, aꞌan lix reyeb li tenamit Gomorra; laj Sinab, aꞌan lix reyeb li tenamit Adma; laj Semeber, aꞌan lix reyeb li tenamit Zeboim; ut li rey jun chic, aꞌan lix reyeb li tenamit Bela, li nayeman ajcuiꞌ Zoar re.

Oseas 11:8

¿Chanru nak texincanab e̱junes, la̱ex ralal xcꞌajol laj Efraín? ¿Chanru nak texinkꞌaxtesi saꞌ rukꞌeb li xicꞌ nequeꞌiloc e̱re, la̱ex aj Israel? ¿Ma ta̱ru̱k ta biꞌ texinsach joꞌ xinba̱nu riqꞌuineb laj Adma ut riqꞌuineb laj Zeboim? La̱in cꞌajoꞌ nak nequexinra. Joꞌcan nak nayotꞌeꞌ inchꞌo̱l e̱ban.

Jeremías 25:20

Teꞌcꞌuluk ajcuiꞌ raylal eb li jalaneb xtenamit li cuanqueb aran; chixjunileb lix reyeb laj Uz; chixjunileb lix reyeb laj Filistea li cuanqueb saꞌ eb li tenamit Ascalón, Gaza, Ecrón ut li joꞌ qꞌuial chic queꞌcana chi yoꞌyo aran Asdod;

Jueces 16:1

Saꞌ jun li cutan co̱ laj Sansón saꞌ li tenamit Gaza. Quiril jun li ixk xcomoneb li nequeꞌxcꞌayi ribeb ut co̱ chi cua̱rc riqꞌuin.

Deuteronomio 32:8

Li Ka̱cuaꞌ li kꞌaxal nim xcuanquil quixqꞌue xnaꞌajeb li xni̱nkal ru tenamit. Quixye reheb bar cuan xnuba̱l lix chꞌochꞌeb. Ut quixqꞌue lix chꞌochꞌeb laj Israel aꞌ yal jarubeb saꞌ li junju̱nk xte̱paleb.

Génesis 26:1

Quicuan cuiꞌchic jun li cueꞌej saꞌ li naꞌajej aꞌan joꞌ nak quicuan junxil nak toj yoꞌyo laj Abraham. Laj Isaac co̱ saꞌ li tenamit Gerar li cuan cuiꞌ laj Abimelec. Laj Abimelec, aꞌan xreyeb laj filisteo.

Génesis 20:1

Laj Abraham queꞌel saꞌ li naꞌajej li queꞌcuan cuiꞌ ut queꞌco̱eb saꞌ li naꞌajej Neguev. Queꞌcana saꞌ jun li naꞌajej li cuan saꞌ xya̱nk li cuib chi tenamit Cades ut Shur. Ut mokon chic queꞌel saꞌ li naꞌajej aꞌan. Queꞌco̱eb saꞌ li tenamit Gerar. Ut aran queꞌcana.

Génesis 18:20

Ut li Ka̱cuaꞌ Dios quixye re laj Abraham: —Nabal li cꞌaꞌak re ru incꞌaꞌ us xcuabi chirixeb laj Sodoma ut laj Gomorra. Numtajenakeb lix ma̱c.

Hechos 8:26

Ut jun lix ángel li Ka̱cuaꞌ quia̱tinac riqꞌuin laj Felipe ut quixye re: —Tatxic saꞌ li be li cuan saꞌ li sur. Li be aꞌan li nanumeꞌ saꞌ li chaki chꞌochꞌ naxic Jerusalén toj Gaza.—

Génesis 10:18

Ut laj Canaán, aꞌan xyucuaꞌeb ajcuiꞌ laj arvadeo, laj zemareo, ut laj hamateo. Eb li ralal xcꞌajol laj Canaán aj cananeo nayeman reheb. Eb aꞌan queꞌxjeqꞌui rib ut queꞌco̱eb chi najt.

Génesis 10:20

Chixjunil li cꞌabaꞌej tzꞌi̱banbil arin, aꞌaneb li ralal xcꞌajol laj Cam. Aꞌaneb chꞌutchꞌu̱queb saꞌ lix tenamiteb ut jalan jala̱nk li ra̱tinoba̱leb saꞌ li junju̱nk chi tenamit.

Génesis 14:3

Li o̱b chi rey aꞌin queꞌxchꞌutub ribeb rochbeneb lix soldados saꞌ li ru takꞌa Sidim. Anakcuan li naꞌajej aꞌan Mar Muerto xcꞌabaꞌ.

Josué 19:28

Nacuulac toj saꞌ eb li tenamit Hebrón, Rehob, Hamón ut Caná. Nacuulac toj cuan cuiꞌ li nimla tenamit Sidón.

2 Crónicas 14:13

Laj Asa rochbeneb lix soldados queꞌra̱linaheb toj Gerar. Ut li incꞌaꞌ queꞌcamsi̱c incꞌaꞌ chic queꞌru chi pletic xban nak li Ka̱cuaꞌ quixqꞌue xxiuheb. Queꞌsacheꞌ ruheb xban li Dios ut xbaneb laj Judá. Kꞌaxal nabal li cꞌaꞌak re ru queꞌre̱chani laj Judá saꞌ li ple̱t aꞌan.

Isaías 23:4

Xuta̱nal xex-el la̱ex aj Sidón, li nimla tenamit li cuan chire li palau. Ta̱cuulak xkꞌehil nak te̱ye: —Chanchan ma̱ jun sut xcuecꞌa li raylal li nequeꞌxcꞌul li ixk li oqueb re chi qꞌuira̱c. Chanchan nak ma̱ jun li cualal incꞌajol xinqꞌuiresi, chi moco te̱lom chi moco xkaꞌal.—

Jeremías 47:1

Joꞌcaꞌin quixye li Ka̱cuaꞌ re li profeta Jeremías chirixeb laj filisteo nak toj ma̱jiꞌ quisacheꞌ ru li tenamit Gaza xban laj faraón.

Ezequiel 28:21

—At ralal cui̱nk, ilon cuan cuiꞌ li tenamit Sidón ut ta̱ye resil li raylal li ta̱cha̱lk saꞌ xbe̱neb laj Sidón.

Deuteronomio 2:23

Ut eb laj Caftor queꞌxsach ruheb laj aveo li queꞌcuan saꞌ li naꞌajej nacuulac toj Gaza. Ut eb laj caftoreo queꞌcana chi cua̱nc saꞌ lix naꞌajeb.)

Jueces 6:4

Nequeꞌxyi̱b lix muheba̱leb ut nequeꞌcuan aran. Nequeꞌxsach ru chixjunil li racui̱mkeb laj Israel nacuulac toj saꞌ li naꞌajej Gaza. Ut nequeꞌcꞌameꞌ eb lix carner, eb lix bu̱r, ut eb lix cuacaxeb laj Israel. Ut nequeꞌcanaba̱c chi ma̱cꞌaꞌ xtzacae̱mkeb.

1 Samuel 13:18

Li xcab chꞌu̱tal queꞌco̱eb Bet-horón ut li rox chꞌu̱tal queꞌco̱eb saꞌ li nuba̱l re li ru takꞌa re laj Zeboim saꞌ xjayal li chaki chꞌochꞌ.

2 Crónicas 14:12

Ut li Dios quixtenkꞌaheb li rey Asa joꞌ eb ajcuiꞌ laj Judá chi numta̱c saꞌ xbe̱neb laj Etiopía toj retal queꞌe̱lelic.

Li xHu LAJ JOB 38:20

¿Ma nacanau ta biꞌ toj bar nocoxrakekꞌ li cutan riqꞌuin li kꞌojyi̱n? Ut, ¿ma ta̱ru̱k ta biꞌ ta̱cꞌameb toj saꞌ lix naꞌajeb?

Isaías 23:11

Li Ka̱cuaꞌ quixyeꞌ li rukꞌ saꞌ xbe̱n li palau ut eb li cuanqueb xcuanquil nequeꞌsicsot xban xxiuheb. Quixye nak ta̱sachekꞌ xcuanquileb li tenamit li nequeꞌxcol cuiꞌ ribeb laj Canaán.