Génesis 10:10 - Li Santil hu

¹⁰ Laj Nimrod quicuan xcuanquil saꞌ xbe̱neb li tenamit Babel, Erec, Acad ut Calne. Eb li tenamit aꞌan cuanqueb xcue̱nt Sinar.

Q'eqchi Bible

¹⁰ Eb' li tenamit kixtikib' wi' awab'ejink laj Nemrod, a'aneb' a'in: Babel, Erek ut Akad; wankeb' chixjunileb' sa' xteepal Senahar.

Génesis 10:10 ပူးပေါင်းရင်းမြစ်များ

Génesis 11:9

Xban nak li Dios quixjal li ra̱tinoba̱leb, queꞌxqꞌue chokꞌ xcꞌabaꞌ li naꞌajej aꞌan Babel. Ut li Ka̱cuaꞌ Dios quixjeqꞌuiheb chixjunil li cristian yalak bar saꞌ ruchichꞌochꞌ.

Génesis 11:2

Li cristian queꞌco̱eb chi cua̱nc saꞌ li naꞌajej li cuan bar na-el cuiꞌ chak li sakꞌe. Queꞌxtau jun chꞌochꞌ helho ru. Li chꞌochꞌ aꞌan cuan xcue̱nt Sinar. Ut aran queꞌcana.

Miqueas 4:10

Chexya̱bak ut chirahokꞌ saꞌ e̱chꞌo̱l la̱ex li cuanquex Sión joꞌ jun li ixk li oc re chi qꞌuira̱c. Chiyotꞌekꞌ e̱chꞌo̱l xban nak anakcuan tento nak tex-e̱lk saꞌ le̱ tenamit ut texxic chi cua̱nc saꞌ cꞌaleba̱l. Texcꞌamekꞌ aran Babilonia, abanan texcolekꞌ xban nak li Ka̱cuaꞌ ta̱isi̱nk e̱re saꞌ rukꞌeb li xicꞌ nequeꞌiloc e̱re.

Génesis 14:1

Saꞌ eb li cutan aꞌan, laj Amrafel, aꞌan lix reyeb li tenamit Sinar. Laj Arioc, aꞌan lix reyeb li tenamit Elasar. Laj Quedorlaomer, aꞌan lix reyeb li tenamit Elam. Ut laj Tidal, aꞌan lix reyeb li tenamit Goim.

Zacarías 5:11

Quichakꞌoc li ángel ut quixye cue: —Yo̱queb chixcꞌambal saꞌ li naꞌajej Sinar. Aran teꞌxyi̱b jun li templo. Nak acak xya̱loꞌ li templo, aran teꞌxxakab saꞌ xnaꞌaj, chan.

Miqueas 5:6

Ut eb aꞌan teꞌnumta̱k saꞌ xbe̱neb laj Asiria nak teꞌpletik riqꞌuin chꞌi̱chꞌ ut teꞌnumta̱k ajcuiꞌ saꞌ xbe̱n lix tenamit laj Nimrod. Ut li Ka̱cuaꞌ, aꞌan ta̱colok ke chiruheb laj Asiria nak teꞌxyal oc saꞌ li katenamit chi pletic kiqꞌuin.

Amós 6:2

Ayukex aran Calne ut ilomak chak li tenamit aꞌan. Tex-e̱lk aran ut texxic saꞌ li nimla tenamit Hamat, tojoꞌnak texxic saꞌ lix tenamiteb laj filisteo, Gat xcꞌabaꞌ. Ilomak chak li tenamit aꞌan. ¿Ma kꞌaxal nim ta biꞌ xcuanquileb li tenamit aꞌan chiru le̱ cuanquil la̱ex? ¿Ma kꞌaxal cha̱bil ta biꞌ lix tenamiteb aꞌan chiru le̱ re la̱ex?

Jeremías 50:21

Li Ka̱cuaꞌ quixye: —Ayukex chi pletic riqꞌuineb li cuanqueb Merataim ut Pecod, ut camsihomakeb. Ba̱nuhomak li cꞌaꞌru xexintakla cuiꞌ, chan li Ka̱cuaꞌ.

Isaías 39:1

Saꞌ eb li cutan aꞌan lix reyeb laj Babilonia, aꞌan laj Merodac-baladán li ralal laj Baladán. Laj Merodac-baladán quirabi resil nak quiyajer laj Ezequías ut quiqꞌuira. Joꞌcan nak quixtakla xhu ut quixtakla ajcuiꞌ xma̱tan.

Isaías 11:11

Saꞌ eb li cutan aꞌan li Ka̱cuaꞌ riqꞌuin xcuanquil tixcol cuiꞌchic eb laj Israel li joꞌ qꞌuialeb li incꞌaꞌ queꞌsacheꞌ ruheb. Tixcꞌameb cuiꞌchic Israel eb li cuanqueb Asiria, ut eb li cuanqueb Egipto, Patros, Etiopía, Elam, Sinar, ut Hamat, joꞌ eb ajcuiꞌ li cuanqueb saꞌ eb li tenamit li cuanqueb chire li palau.

Isaías 10:9

¿Ma incꞌaꞌ ta biꞌ juntakꞌe̱teb li tenamit Calno ut Carquemis? ¿Ma incꞌaꞌ ta biꞌ juntakꞌe̱teb li tenamit Hamat ut Arfad? Ut, ¿ma incꞌaꞌ ta biꞌ juntakꞌe̱teb Samaria ut Damasco?

Daniel 1:2

Ut li Dios quixcanab laj Joacim lix reyeb laj Judá saꞌ rukꞌeb laj Babilonia. Ut cuan li secꞌ li quicꞌanjelac saꞌ rochoch li Dios li quicꞌameꞌ saꞌ li naꞌajej Sinar. Ut laj Nabucodonosor quixcꞌam saꞌ rochoch lix dios ut quixqꞌue saꞌ li naꞌajej bar naxocman cuiꞌ li cꞌaꞌak re ru terto xtzꞌak re lix dioseb.

Génesis 10:9

Laj Nimrod cau rib chi yohoc xban nak natenkꞌa̱c xban li Ka̱cuaꞌ Dios. Joꞌcan nak nayeman nak junak cristian cau rib, aꞌan chanchan laj Nimrod li cau rib chi yohoc xban nak natenkꞌa̱c xban li Ka̱cuaꞌ Dios.

Jeremías 21:2

—Ba̱nu usilal, tattijok chiru li Ka̱cuaꞌ ut ta̱patzꞌ re cꞌaꞌru us takaba̱nu xban nak laj Nabucodonosor lix reyeb laj Babilonia yo̱ chi pletic kiqꞌuin. Ma̱re li Ka̱cuaꞌ tixba̱nu junak milagro re nak laj Nabucodonosor tixcanab pletic kiqꞌuin, chanqueb.

Jeremías 50:1

Aꞌan aꞌin li quixye li Ka̱cuaꞌ re li profeta Jeremías chirix li naꞌajej Babilonia joꞌ eb ajcuiꞌ li cuanqueb aran.

Ezequiel 27:23

Eb laj Harán, eb laj Cane, eb laj Edén, eb laj Sabá, eb laj Asiria ut eb laj Quilmad queꞌyacoc ajcuiꞌ e̱riqꞌuin.