Génesis 1:28 - Li Santil hu

²⁸ Li Dios quirosobtesiheb aꞌan ut quixye reheb: —Chicua̱nk le̱ cocꞌal ut chexqꞌuia̱nk toj retal nak ta̱nujak li ruchichꞌochꞌ. La̱ex textakla̱nk saꞌ xbe̱n chixjunil li cꞌaꞌru cuan. Textakla̱nk saꞌ xbe̱neb chixjunil li xul li cuanqueb saꞌ li haꞌ joꞌ ajcuiꞌ li cuanqueb chiru choxa ut li cuanqueb saꞌ ruchichꞌochꞌ, chan.

Q'eqchi Bible

²⁸ Li Yos kirosob'tesiheb' ut kixye reheb': “Chiwanq eeralal eek'ajol, chexk'ihanq, chenujob'resi li ruuchich'och' ut chereechanihaq. Chextaqlanq sa' xb'eeneb' li kar sa' palaw, sa' xb'eeneb' li xul li neke'rupupik chiru choxa ut sa' xb'eeneb' chixjunil li xul li neke'xjukuki rib' chiru ch'och'”.

Génesis 1:28 ပူးပေါင်းရင်းမြစ်များ

Génesis 9:1

Li Dios quirosobtesi laj Noé joꞌ eb ajcuiꞌ li ralal. Ut quixye reheb: —Chicua̱nk e̱cocꞌal ut chexnabalokꞌ toj retal texta̱mk saꞌ chixjunil li ruchichꞌochꞌ, chan li Dios.

Génesis 9:7

Chicua̱nk nabal le̱ cocꞌal ut chexqꞌuia̱nk. Chexta̱mk ut chexnabalokꞌ saꞌ ruchichꞌochꞌ, chan li Dios.

Levítico 26:9

La̱in tinba̱nu usilal e̱re. Texcuosobtesi ut texnabalokꞌ. Junelic xakxo̱k xcuanquil li contrato li quinba̱nu e̱riqꞌuin.

Génesis 1:22

Li Dios quirosobtesiheb li xul aꞌan ut quixye reheb: —Chexnabalokꞌ ut chexqꞌuia̱nk. Ut chexcua̱nk saꞌ chixjunil li haꞌ yalak bar. Joꞌ ajcuiꞌ li cocꞌ xul chiru choxa cheꞌqꞌuia̱nk saꞌ ruchichꞌochꞌ.

Isaías 45:18

Li Ka̱cuaꞌ li quiyi̱ban re li choxa, aꞌan li Ka̱cuaꞌ li tzꞌakal Dios. Aꞌan li quixakaban re li ruchichꞌochꞌ saꞌ xnaꞌaj. Aꞌan incꞌaꞌ quixyi̱b li ruchichꞌochꞌ re nak ta̱cua̱nk chi ma̱cꞌaꞌ cua̱nk chi saꞌ. Quixyi̱b ban re nak cua̱nk xnaꞌajeb li cristian. Aꞌan li quiyehoc re: —La̱in li Ka̱cuaꞌ Dios. Ma̱cꞌaꞌ chic junak dios chicuu la̱in.

Génesis 17:20

—Xcuabi cꞌaꞌru xaye chirix laj Ismael. Matcꞌoxlac. Tincuosobtesi ajcuiꞌ aꞌan. Aꞌan ta̱cua̱nk ajcuiꞌ nabal li ralal xcꞌajol. Laj Ismael ta̱cua̱nk cablaju li ralal. Ni̱nkakeb xcuanquil saꞌ lix tenamiteb ut nimak ajcuiꞌ lix tenamiteb.

Génesis 8:17

Ta̱cuisiheb ajcuiꞌ chixjunileb li xul li joꞌ qꞌuial li cuanqueb saꞌ li jucub cab a̱cuochben. Ta̱cuisiheb li xul li nequeꞌrupupic ut eb li xul li nequeꞌbe̱c, joꞌ ajcuiꞌ li xul li nequeꞌxjucuqui rib saꞌ chꞌochꞌ. Teꞌe̱lk re nak teꞌqꞌuia̱nk ut teꞌpucꞌa̱nk saꞌ ruchichꞌochꞌ, chan li Dios.

Salmos 107:38

Li Dios quirosobtesiheb lix tenamit ut nabaleb li ralal xcꞌajol queꞌcuan. Ut queꞌnabaloꞌ ajcuiꞌ lix queto̱mk.

1 Crónicas 4:10

Laj Jabes quitijoc chiru li Ka̱cuaꞌ lix Dioseb laj Israel ut quixye: —At Ka̱cuaꞌ, china̱cuosobtesi. Ta̱qꞌue taxak cue nabal li chꞌochꞌ. Chatcua̱nk taxak cuiqꞌuin ut china̱col chiru li ma̱usilal li tixbok chak raylal saꞌ inbe̱n, chan. Ut li Ka̱cuaꞌ quirabi lix tij ut quixba̱nu joꞌ quixtzꞌa̱ma chiru.

Génesis 26:24

Saꞌ li kꞌojyi̱n aꞌan li Ka̱cuaꞌ Dios quixcꞌutbesi rib chiru laj Isaac ut quixye re: —La̱in li Ka̱cuaꞌ Dios li quinixlokꞌoni chak laj Abraham la̱ yucuaꞌ. Matxucuac. La̱in junelic tin-ilok a̱cue ut tatincuosobtesi. Ut tebinqꞌue ajcuiꞌ chi qꞌuia̱nc la̱ cualal a̱cꞌajol. Tinba̱nu aꞌin a̱cuiqꞌuin xban nak joꞌcaꞌin quinyechiꞌi chak re laj Abraham junxil, chan li Dios.

Génesis 17:16

La̱in tincuosobtesi lix Sara. Ut ta̱cua̱nk la̱ cualal riqꞌuin. Relic chi ya̱l tincuosobtesi aꞌan. Lix Sara ta̱cua̱nk nabaleb li ralal xcꞌajol. Aꞌan ta̱oc chokꞌ xnaꞌeb nabal chi tenamit li toj teꞌyoꞌla̱k mokon. Li ralal xcꞌajol lix Sara teꞌoc chokꞌ xreyeb li tenamit, chan li Dios.

Génesis 49:25

Li Ka̱cuaꞌ Dios, li ninlokꞌoni la̱in, aꞌan ta̱tenkꞌa̱nk a̱cue. Li Ka̱cuaꞌ Dios li kꞌaxal nim xcuanquil, aꞌan ta̱osobtesi̱nk a̱cue. Aꞌan ta̱qꞌuehok a̱cue chixjunil li usilal li nachal saꞌ choxa, joꞌ li hab ut li sakꞌe. Aꞌan ta̱qꞌuehok a̱cue chixjunil li usilal li nacuan saꞌ ruchichꞌochꞌ, joꞌ li haꞌ li na-el saꞌ chꞌochꞌ. Aꞌan tixqꞌue chi qꞌuia̱nc nabaleb la̱ cualal a̱cꞌajol.

1 Crónicas 26:5

li xcuak, aꞌan laj Amiel; li xcuuk, aꞌan laj Isacar; li xcuakxak, aꞌan laj Peultai. (Li Dios quirosobtesi laj Obed-edom ut quixqꞌue nabal li ralal.)

Génesis 33:5

Ut laj Esaú quirileb li ixk joꞌ eb ajcuiꞌ li cocꞌal ut quixye re laj Jacob: —¿Aniheb li cristian aꞌin? chan. Laj Jacob quixye re: —Aꞌineb lin cocꞌal li quixqꞌue cue li Ka̱cuaꞌ Dios.—

Génesis 24:60

Queꞌxye re lix Rebeca: —Li Ka̱cuaꞌ Dios taxak chi-osobtesi̱nk a̱cue. Ut cheꞌcua̱nk taxak nabal la̱ cualal a̱cꞌajol. Ut nimak taxak xcuanquil eb la̱ cualal a̱cꞌajol li teꞌcua̱nk chiruheb li xicꞌ teꞌilok reheb aꞌan, chanqueb re.

Salmos 69:34

Cheꞌxqꞌuehak taxak xlokꞌal li Ka̱cuaꞌ chixjunil li cꞌaꞌak re ru cuan, joꞌ saꞌ choxa, joꞌ saꞌ ruchichꞌochꞌ, joꞌ ajcuiꞌ saꞌ li palau.

Li xHu LAJ JOB 42:12

Cꞌajoꞌ nak qui-osobtesi̱c laj Job xban li Dios. Kꞌaxal cuiꞌchic nabal li quiqꞌueheꞌ re xban li Dios chiru li quiqꞌueheꞌ re junxil. Ca̱laju mil lix carner, cuakib mil lix camello, jun mil sumal lix bo̱yx ut jun mil lix bu̱r quiqꞌueheꞌ re.

1 Timoteo 4:3

Eb aꞌan nequeꞌxye nak incꞌaꞌ us li sumla̱c ut nequeꞌxye ajcuiꞌ nak cuan li tzacae̱mk incꞌaꞌ us xtzacanquil. Abanan moco ya̱l ta li nequeꞌxye. Li Dios quiqꞌuehoc re li tzacae̱mk aꞌin re nak ta̱tzaca̱k. Ut la̱o aj pa̱banel li nakanau lix ya̱lal, nakatzaca ut nakabantioxi chiru li Dios nak quixqꞌue ke li katzacae̱mk.

Génesis 5:2

Cui̱nk ut ixk nak quixyoꞌobtesiheb ut quirosobtesiheb. Cristian quixqꞌue chokꞌ xcꞌabaꞌeb.

Salmos 8:6

Ut xaqꞌueheb xcuanquil saꞌ xbe̱n la̱ cꞌanjel li xaba̱nu riqꞌuin la̱ cuukꞌ. La̱at xaqꞌue chixjunil li cꞌaꞌak re ru rubel xcuanquileb aꞌan.

Génesis 6:1

Nak queꞌoc chi qꞌuia̱nc li cristian saꞌ ruchichꞌochꞌ, quilajeꞌcuan xrabin.

Li xHu LAJ JOB 39:11

¿Ma ta̱cꞌojob ta biꞌ a̱chꞌo̱l saꞌ xbe̱n yal xban nak nim ut cau rib? Ut, ¿ma ta̱qꞌue ta biꞌ chixba̱nu la̱ cꞌanjel?

Salmos 8:7

Xaqꞌue xcuanquil saꞌ xbe̱neb chixjunileb li xul: li carner, li cuacax, ut li xul li cuanqueb saꞌ qꞌuicheꞌ.

Salmos 115:16

Li choxa aꞌan xnaꞌaj li nimajcual Dios xban nak aran cuan. Abanan li ruchichꞌochꞌ aꞌan quixqꞌue reheb li cristian re teꞌcua̱nk cuiꞌ.