Génesis 1:27 - Li Santil hu

²⁷ Ut li Dios quixyoꞌobtesi li cui̱nk ut li ixk joꞌ li riloba̱l aꞌan. Cui̱nk ut ixk nak quixyoꞌobtesiheb.

Q'eqchi Bible

²⁷ Ut li Yos kixyoob'tesi li poyanam jo' xjalam u. Jo' xjalam u li Yos naq kixyoob'tesi; teelom ut ixq naq kixyoob'tesiheb'.

Génesis 1:27 ပူးပေါင်းရင်းမြစ်များ

San Mateo 19:4

Quichakꞌoc li Jesús ut quixye reheb: —¿Ma incꞌaꞌ e̱rilom li tzꞌi̱banbil saꞌ li Santil Hu nak li Dios quiyoꞌobtesin chak re li cristian saꞌ xticlajic, cui̱nk ut ixk nak quixyoꞌobtesiheb chak?

Efesios 2:10

Li Dios coxyoꞌobtesi ut quixqꞌue ke li acꞌ yuꞌam saꞌ xcꞌabaꞌ li Jesucristo re nak cha̱bilak li kayuꞌam xban nak ac joꞌcan cꞌu̱banbil chak xban li Dios junxil re nak cha̱bilak li kayehom kaba̱nuhom.

San Marcos 10:6

Abanan ma̱cuaꞌ joꞌcan saꞌ xticlajic li ruchichꞌochꞌ. Nak quixyi̱b li ruchichꞌochꞌ li Dios, quixyoꞌobtesi li cui̱nk ut quixyoꞌobtesi li ixk.

Efesios 4:24

Acꞌobresinbilak le̱ yuꞌam ut chexcua̱nk taxak joꞌ naraj li Dios. Santakex ut cha̱bilakex xban nak nequenau chic lix ya̱lal.

Salmos 139:14

Tatinlokꞌoni riqꞌuin chixjunil li xaba̱nu nak xina̱yoꞌobtesi. Cꞌajoꞌ xchakꞌal ru chixjunil li xaba̱nu. Nasach inchꞌo̱l chirilbal.

Isaías 43:7

Aꞌaneb lin tenamit. La̱in quinyoꞌobtesin reheb ut quinqꞌue incꞌabaꞌ reheb re nak teꞌxqꞌue inlokꞌal, chan li Ka̱cuaꞌ.

Colosenses 1:15

Li Dios incꞌaꞌ na-ilman ru. Abanan nakanau chanru li Dios xban nak li Ralal quicꞌulun saꞌ ruchichꞌochꞌ chixcꞌutbal chiku. Li Jesucristo aꞌan li kꞌaxal nim xcuanquil chiruheb chixjunil li queꞌyoꞌobtesi̱c.

Malaquías 2:15

¿Ma ma̱cuaꞌ ta biꞌ li Ka̱cuaꞌ xba̱nun re nak junajakeb chic ru li jun sumal chi cristian? ¿Cꞌaꞌut nak joꞌcan xba̱nu li Dios? ¿Ma ma̱cuaꞌ ta biꞌ re nak teꞌcua̱nk li ralal xcꞌajoleb ut ti̱cakeb xchꞌo̱l? Joꞌcan nak chenauhak xra̱bal le̱ yuꞌam ut canabomak xbalakꞌinquil le̱ rixakil li quexsumla cuiꞌ saꞌ e̱sa̱jilal.

Génesis 2:18

Li Ka̱cuaꞌ Dios quixye nak incꞌaꞌ us ta̱cua̱nk li cui̱nk xjunes. —Tinqꞌue junak rochben re ta̱tenkꞌa̱nk re, chan.

Colosenses 1:26

Li xya̱lal aꞌan mukmu chiruheb chixjunileb nak quicuan chak junxil. Abanan anakcuan moco mukmu ta chic. Li Dios yo̱ chixcꞌutbesinquil chiruheb li nequeꞌpa̱ban re.

Colosenses 3:10

Anakcuan acꞌ chic le̱ yuꞌam. Li Dios, aꞌan li quijaloc re le̱ yuꞌam ut aꞌan ta̱tenkꞌa̱nk e̱re cuulaj cuulaj chixtzolbal e̱rib riqꞌuin re nak te̱tau ru chi tzꞌakal chanru li Dios ut te̱ba̱nu li naraj aꞌan.

Génesis 9:6

Li ani tixcamsi junak ras ri̱tzꞌin, ta̱camsi̱k ajcuiꞌ aꞌan. Xinye aꞌin xban nak la̱in quinyoꞌobtesi li cui̱nk joꞌ li cuiloba̱l la̱in.

Deuteronomio 4:32

Chetzol rix chi us li cꞌaꞌru quicꞌulman nak toj ma̱jiꞌ nequexyoꞌla chak. Chetzol rix chi us chalen nak quixyoꞌobtesi chak li cui̱nk li Dios ut chalen anakcuan. Te̱siqꞌui saꞌ chixjunil li ruchichꞌochꞌ. ¿Ma ac quicꞌulman ta biꞌ jun sutak chi joꞌcaꞌin junxil? ¿Ma e̱rabiom ta biꞌ aꞌin jun sutak junxil?

Eclesiastés 7:29

Nak yo̱quin xtzꞌilinquil rix li cꞌaꞌak re ru aꞌin, quinqꞌue retal nak li Dios quixyi̱b li cui̱nk chi cha̱bil ut chi tzꞌakal re ru. Abanan, eb aꞌan aꞌ chic li ma̱usilal queꞌraj xba̱nunquil.

Génesis 2:7

Li Ka̱cuaꞌ Dios quixyi̱b li cui̱nk. Quixpacꞌ riqꞌuin chꞌochꞌ ut quirapu saꞌ li ruꞌuj re nak tixqꞌue lix musikꞌ. Ut cuan chic xyuꞌam li cui̱nk.

Jueces 21:22

Ut cui teꞌcuulak lix yucuaꞌeb malaj ut li raseb chixyebal ke cꞌaꞌut nak xcꞌulman chi joꞌcaꞌin, la̱o takaye reheb, “Nakatzꞌa̱ma che̱ru nak te̱ba̱nu usilal reheb, ut te̱canabeb li xkaꞌal chokꞌ rixakileb. La̱o xocuulac saꞌ li ple̱t ut incꞌaꞌ xoru chixtaubal tzꞌakal li ixk re takaqꞌue chokꞌ rixakileb. Moco xekꞌet ta li contrato li xeba̱nu, xban nak moco la̱ex ta xexqꞌuehoc reheb. Yal elkꞌanbil ban xeꞌxba̱nu,” chaꞌko reheb.—

Jeremías 29:6

Chexsumla̱k re teꞌcua̱nk e̱ralal e̱cꞌajol. Sicꞌomak li rixakileb le̱ ralal ut qꞌuehomakeb le̱ rabin chi sumla̱c re nak teꞌcua̱nk ajcuiꞌ li ralal xcꞌajoleb. Chexnabalokꞌ ut chexqꞌuia̱nk.