Génesis 1:26 - Li Santil hu

²⁶ Ut quixye ajcuiꞌ li Dios: —Kayoꞌobtesihak li cui̱nk joꞌ li kiloba̱l la̱o. Ut aꞌan ta̱cua̱nk xcuanquil saꞌ xbe̱neb chixjunileb li xul li cuanqueb saꞌ ruchichꞌochꞌ, joꞌ li car saꞌ li palau ut li xul li nequeꞌrupupic chiru choxa. Ut ta̱cua̱nk xcuanquil saꞌ xbe̱neb li queto̱mk ut li xul li cuanqueb saꞌ pim, joꞌ ajcuiꞌ saꞌ xbe̱n chixjunileb li xul li nequeꞌxjucuqui rib saꞌ chꞌochꞌ, chan li Dios.

Q'eqchi Bible

²⁶ Toja' naq kixye li Yos: “Qayoob'tesihaq li poyanam jo' qajalam u, jo' qilob'aal laa'o, re taataqlanq sa' xb'eeneb' li kar sa' palaw, sa' xb'eeneb' li xul neke'rupupik chiru choxa ut li wankeb' sa' k'iche', sa' xb'eeneb' li ketomq ut sa' xb'eeneb' chixjunileb' li xul neke'xjukuki rib' chiru ch'och'”.

Génesis 1:26 ပူးပေါင်းရင်းမြစ်များ

Colosenses 3:10

Anakcuan acꞌ chic le̱ yuꞌam. Li Dios, aꞌan li quijaloc re le̱ yuꞌam ut aꞌan ta̱tenkꞌa̱nk e̱re cuulaj cuulaj chixtzolbal e̱rib riqꞌuin re nak te̱tau ru chi tzꞌakal chanru li Dios ut te̱ba̱nu li naraj aꞌan.

Efesios 4:24

Acꞌobresinbilak le̱ yuꞌam ut chexcua̱nk taxak joꞌ naraj li Dios. Santakex ut cha̱bilakex xban nak nequenau chic lix ya̱lal.

Génesis 3:22

Quixye li Ka̱cuaꞌ Dios: —Anakcuan li cui̱nk juntakꞌe̱t chic kiqꞌuin la̱o. Naxnau chic li us ut li incꞌaꞌ us. Tento takisi saꞌ li naꞌajej Edén re nak incꞌaꞌ tixsicꞌ ut tixlou ru li cheꞌ li naqꞌuehoc junelic yuꞌam, ut ta̱cua̱nk lix yuꞌam chi junelic, chan.

Génesis 5:1

Aꞌan aꞌin li hu li tzꞌi̱banbil cuiꞌ li retalileb li ralal xcꞌajol laj Adán. Nak li Dios quixyoꞌobtesi li cui̱nk, quixyi̱b joꞌ riloba̱l aꞌan.

Salmos 100:3

Chenauhak nak li Ka̱cuaꞌ, aꞌan li tzꞌakal Dios. La̱o li ralal xcꞌajol. Aꞌan li quiyoꞌobtesin ke ut aꞌan ajcuiꞌ li na-iloc ke joꞌ jun li pastor narileb lix carner.

2 Corintios 3:18

La̱o aj pa̱banel moco tzꞌaptzꞌo ta li kiloba̱l riqꞌuin tꞌicr re xtzꞌapbal xlokꞌal li Dios joꞌ quixba̱nu laj Moisés. Chanchano ban jun lem nak nakacꞌut xlokꞌal li Ka̱cuaꞌ. Ut li Ka̱cuaꞌ aꞌan ajcuiꞌ li Santil Musikꞌej li nocoxjalanobresi ut naxqꞌue kalokꞌal re nak yo̱ko xcꞌutbal xlokꞌal li Cristo.

Isaías 64:8

Anakcuan ut, at Ka̱cuaꞌ, la̱at li kayucuaꞌ. La̱at aj e̱chal ke. La̱o chanchano li seb ut la̱at laj pacꞌonel. La̱at catyi̱ban ke riqꞌuin la̱ cuukꞌ. La̱at catyi̱ban chak ke chikajunilo.

Colosenses 1:15

Li Dios incꞌaꞌ na-ilman ru. Abanan nakanau chanru li Dios xban nak li Ralal quicꞌulun saꞌ ruchichꞌochꞌ chixcꞌutbal chiku. Li Jesucristo aꞌan li kꞌaxal nim xcuanquil chiruheb chixjunil li queꞌyoꞌobtesi̱c.

Santiago 3:9

Riqꞌuin li ruꞌuj kakꞌ nakalokꞌoni li Acuabej Dios ut riqꞌuin ajcuiꞌ li ruꞌuj kakꞌ nakamajecua li kas ki̱tzꞌin ut eb aꞌan yoꞌobtesinbileb xban li Dios joꞌ li riloba̱l.

2 Corintios 4:4

Incꞌaꞌ nequeꞌxtau ru xban nak laj tza naramoc re lix ya̱lal chiruheb li incꞌaꞌ nequeꞌpa̱ban. Naxba̱nu aꞌan re nak incꞌaꞌ teꞌxtau ru lix ya̱lal li colba-ib li nacꞌutuc chiku lix lokꞌal li Cristo, ut lix lokꞌal li Dios.

1 Corintios 11:7

Incꞌaꞌ us nak tixtzꞌap xjolom li cui̱nk xban nak li cui̱nk yi̱banbil joꞌ li riloba̱l li Dios ut naxcꞌut xlokꞌal li Dios. Aꞌut li ixk naxcꞌut xlokꞌal lix be̱lom.

Génesis 9:6

Li ani tixcamsi junak ras ri̱tzꞌin, ta̱camsi̱k ajcuiꞌ aꞌan. Xinye aꞌin xban nak la̱in quinyoꞌobtesi li cui̱nk joꞌ li cuiloba̱l la̱in.

Eclesiastés 7:29

Nak yo̱quin xtzꞌilinquil rix li cꞌaꞌak re ru aꞌin, quinqꞌue retal nak li Dios quixyi̱b li cui̱nk chi cha̱bil ut chi tzꞌakal re ru. Abanan, eb aꞌan aꞌ chic li ma̱usilal queꞌraj xba̱nunquil.

Hechos 17:26

Riqꞌuin jun chi cui̱nk quixyoꞌobtesi chixjunileb li cristian li cuanqueb saꞌ ruchichꞌochꞌ. Ut aꞌan yal re joꞌ najtil teꞌcua̱nk li junju̱nk saꞌ ruchichꞌochꞌ. Ut aꞌan ajcuiꞌ quiqꞌuehoc re lix naꞌajeb li junju̱nk chi tenamit.

San Juan 14:23

Quichakꞌoc li Jesús ut quixye re: —La̱in tincꞌutbesi cuib chiruheb li nequeꞌrahoc cue ut nequeꞌxba̱nu li cꞌaꞌru ninye. Eb aꞌan teꞌrahekꞌ xban lin Yucuaꞌ. La̱in ut lin Yucuaꞌ toxic riqꞌuineb ut tocua̱nk riqꞌuineb.

1 Juan 5:7

Saꞌ choxa cuanqueb li oxibeb li nequeꞌchꞌoloban lix ya̱lal. Aꞌaneb aꞌin: li Dios Acuabej, li Dios Cꞌajolbej ut li Dios Santil Musikꞌej. Li oxib aꞌin junajeb chi ribil.

Santiago 3:7

Naru xtu̱lanobresinquil chixjunil li xul, joꞌ li nequeꞌbe̱c, li nequeꞌrupupic, li nequeꞌxjucuqui rib ut li nequeꞌcuan saꞌ haꞌ. Li cui̱nk ac xtu̱lanobresi qꞌuila pa̱y chi xul.

Isaías 6:8

Ut quicuabi lix ya̱b xcux li Ka̱cuaꞌ yo̱ chak chixyebal: —¿Ani tintakla? ¿Ut ani ta̱xic chokꞌ ku̱chil? chan li Ka̱cuaꞌ. Ut la̱in quinchakꞌoc ut quinye, —Cueꞌquin la̱in. Taklahin la̱in, chanquin re.

Salmos 149:2

Chisahokꞌ taxak saꞌ xchꞌo̱leb laj Israel, riqꞌuin li Ka̱cuaꞌ li quiyoꞌobtesin reheb. Li cuanqueb Sión, chisahokꞌ saꞌ xchꞌo̱leb xban nak aꞌan lix reyeb.

Génesis 11:7

Joꞌcan ut tocubek ut takajal li ra̱tinoba̱leb re nak incꞌaꞌ teꞌxtau ru li cꞌaꞌru teꞌxye chi ribileb rib, chan li Dios.

Jeremías 27:6

La̱in xinqꞌuehoc re chixjunil li naꞌajej aꞌin rubel xcuanquil laj Nabucodonosor lix reyeb laj Babilonia, li ta̱cꞌanjelak chicuu. Ut tinqꞌueheb ajcuiꞌ li xul li cuanqueb saꞌ qꞌuicheꞌ rubel xcuanquil.

Li xHu LAJ JOB 35:10

Abanan moco nequeꞌxsicꞌ ta li Dios li quiyoꞌobtesin reheb. Ut aꞌan raj li ta̱qꞌuehok xcacuil xchꞌo̱leb saꞌ li raylal.

San Juan 5:17

Li Jesús quixye reheb: —Lin Yucuaꞌ toj yo̱ chixtenkꞌanquileb li cristian ut tento ajcuiꞌ nak tintenkꞌaheb la̱in, chan.

Hechos 17:20

Ma̱ jun sut kabiom li naꞌleb aꞌin. Takaj takanau cꞌaꞌru xya̱lal, chanqueb re.

Li xHu LAJ JOB 5:23

Eb li pec li cuanqueb saꞌ xya̱nkeb la̱ cuacui̱mk incꞌaꞌ tateꞌxchꞌiꞌchꞌiꞌi. Ut eb li joskꞌ aj xul sahakeb xchꞌo̱l a̱cuiqꞌuin.

Génesis 2:19

Li Ka̱cuaꞌ Dios quixyi̱b riqꞌuin chꞌochꞌ chixjunil li xul cuanqueb saꞌ li pim. Quixyi̱b ajcuiꞌ chixjunileb li xul li nequeꞌrupupic. Quixcꞌameb chak li xul riqꞌuin laj Adán re nak ta̱ril chanru lix cꞌabaꞌeb tixqꞌue. Ut laj Adán quixqꞌueheb xcꞌabaꞌeb chixjunileb li xul.

Isaías 45:18

Li Ka̱cuaꞌ li quiyi̱ban re li choxa, aꞌan li Ka̱cuaꞌ li tzꞌakal Dios. Aꞌan li quixakaban re li ruchichꞌochꞌ saꞌ xnaꞌaj. Aꞌan incꞌaꞌ quixyi̱b li ruchichꞌochꞌ re nak ta̱cua̱nk chi ma̱cꞌaꞌ cua̱nk chi saꞌ. Quixyi̱b ban re nak cua̱nk xnaꞌajeb li cristian. Aꞌan li quiyehoc re: —La̱in li Ka̱cuaꞌ Dios. Ma̱cꞌaꞌ chic junak dios chicuu la̱in.

Li xHu LAJ JOB 39:11

¿Ma ta̱cꞌojob ta biꞌ a̱chꞌo̱l saꞌ xbe̱n yal xban nak nim ut cau rib? Ut, ¿ma ta̱qꞌue ta biꞌ chixba̱nu la̱ cꞌanjel?

Cantares 1:11

Takayi̱b la̱ caꞌxic riqꞌuin tzꞌakal oro ut takaqꞌue xsahob ru riqꞌuin plata.