Génesis 1:25 - Li Santil hu

²⁵ Ut li Dios quixyoꞌobtesiheb chixjunil li xul li nequeꞌcuan saꞌ qꞌuicheꞌ aꞌ yal cꞌaꞌru chi xulil. Ut quixyoꞌobtesi chixjunileb li xul li nequeꞌcuaꞌac pim, aꞌ yal cꞌaꞌru chi xulil. Joꞌ ajcuiꞌ li xul li nequeꞌxjucuqui rib chiru chꞌochꞌ, aꞌ yal cꞌaꞌru chi xulil. Ut li Dios quiril nak us li quixba̱nu.

Q'eqchi Bible

²⁵ Li Yos kixyoob'tesi chixjunileb' li xul li wankeb' sa' k'iche', a' yaal chanru li xpaayil, chixjunileb' li ketomq, a' yaal chanru li xpaayil, ut chixjunileb' li xul li neke'xjukuki rib' chiru ch'och', a' yaal chanru li xpaayil. Ut kiril naq us a'an.

Génesis 1:25 ပူးပေါင်းရင်းမြစ်များ

Jeremías 27:5

Riqꞌuin lix nimal lin cuanquil ut lin metzꞌe̱u la̱in quinyi̱b li ruchichꞌochꞌ ut eb li cristian joꞌ eb ajcuiꞌ li xul li cuanqueb saꞌ ruchichꞌochꞌ. Ut la̱in ya̱l cue cꞌaꞌru tinba̱nu riqꞌuin. La̱in ninqꞌue li cꞌaꞌak re ru re li ani nacuaj xqꞌuebal cuiꞌ.

Li xHu LAJ JOB 26:13

Yal riqꞌuin lix musikꞌ quixyi̱b lix sahob ru li choxa. Ut riqꞌuin li rukꞌ quixyi̱b li cꞌantiꞌ li kꞌaxal se̱b xchꞌo̱l chixba̱nunquil li ma̱usilal.

1 Timoteo 4:5

Ma̱cꞌaꞌ xtzꞌekta̱nanquil xban nak li Dios quixye nak us xtzacanquil ut xban nak nocotijoc saꞌ xbe̱n. Joꞌcan nak osobtesinbil chic xban.

Génesis 7:21

Ut quilajeꞌcam chixjunileb li cuanqueb saꞌ ruchichꞌochꞌ. Queꞌcam chixjunil li xul li nequeꞌrupupic, joꞌ ajcuiꞌ li nequeꞌxjucuqui rib saꞌ chꞌochꞌ. Queꞌcam li queto̱mk joꞌ eb ajcuiꞌ li nequeꞌcuan saꞌ qꞌuicheꞌ. Ut chixjunileb li cristian queꞌcam.

Génesis 7:22

Chixjunileb li cuanqueb saꞌ ruchichꞌochꞌ, quilajeꞌcam. Eb li cristian joꞌ eb ajcuiꞌ li xul quilajeꞌcam.

Li xHu LAJ JOB 12:7

Tzol a̱cuib riqꞌuineb li xul li cuanqueb saꞌ qꞌuicheꞌ. Ut qꞌueheb retal li xul li nequeꞌrupupic.

Li xHu LAJ JOB 41:12

Incꞌaꞌ tincanab a̱tinac chirix li xul aꞌan xban nak kꞌaxal cau rib. Tinye a̱cue chanru lix cacuilal li rok.