Génesis 1:24 - Li Santil hu

²⁴ Ut quixye ajcuiꞌ li Dios: —Cheꞌcua̱nk yalak cꞌaꞌru chi xulil saꞌ ruchichꞌochꞌ. Cheꞌcua̱nk chixjunileb li xul li nequeꞌcuaꞌac pim. Cheꞌcua̱nk eb li xul li nequeꞌxjucuqui rib chiru chꞌochꞌ. Joꞌ ajcuiꞌ li xul li nequeꞌcuan saꞌ qꞌuicheꞌ. Ut quicꞌulman joꞌ quixye li Dios.

Q'eqchi Bible

²⁴ Toja' naq kixye li Yos: “Che'wanq chixjunileb' li xul sa' ruuchich'och', a' yaal chanru li xpaayil: ketomq, eb' li xul li neke'xjukuki rib' chiru ch'och' ut eb' li wankeb' sa' k'iche', chixjunileb' a' yaal chanru riyajil li junjunq”. Ut jo'kan ki'uxk.

Génesis 1:24 ပူးပေါင်းရင်းမြစ်များ

Li xHu LAJ JOB 40:15

Qꞌue retal li xul behemot xcꞌabaꞌ. La̱in xinyi̱ban re aꞌan joꞌ nak xatinyi̱b la̱at. Pim naxcuaꞌ joꞌ li cuacax.

Génesis 6:20

Teꞌoc li xul li nequeꞌrupupic chiru choxa, joꞌ eb ajcuiꞌ li nequeꞌbe̱c saꞌ chꞌochꞌ. Ut teꞌoc ajcuiꞌ li nequeꞌxjucuqui rib saꞌ chꞌochꞌ. Chi caꞌcab aꞌ yal cꞌaꞌru chi xulil teꞌoc saꞌ li jucub cab a̱cuiqꞌuin re nak teꞌcolekꞌ.

Génesis 8:19

Queꞌel ajcuiꞌ chixjunileb li xul li nequeꞌrupupic ut li nequeꞌbe̱c, joꞌ eb ajcuiꞌ li xul li nequeꞌxjucuqui rib saꞌ chꞌochꞌ. Quilajeꞌel chi ju̱nk chꞌu̱tal chixjunileb li xul, aꞌ yal cꞌaꞌru chi xulil.

Salmos 148:10

Cheꞌxqꞌuehak ta xlokꞌal li Ka̱cuaꞌ chixjunileb li xul, li tu̱laneb joꞌ ajcuiꞌ li joskꞌeb. Cheꞌxqꞌuehak ta xlokꞌal li Ka̱cuaꞌ eb li xul li nequeꞌrupupic chiru choxa, joꞌ ajcuiꞌ li nequeꞌxjucuqui ribeb chiru chꞌochꞌ.

Li xHu LAJ JOB 39:5

¿Ani xqꞌuehoc reheb chi cua̱nc saꞌ qꞌuicheꞌ li bu̱r? Ut, ¿ani xcanaba̱nc reheb chi be̱c chi ma̱ ani na-iloc reheb?

Génesis 7:14

Queꞌoc ajcuiꞌ saꞌ li jucub chixjunileb li xul aꞌ yal cꞌaꞌru chi xulil. Queꞌoc li xul li nequeꞌcuan saꞌ qꞌuicheꞌ joꞌ ajcuiꞌ li queto̱mk. Queꞌoc ajcuiꞌ li xul li nequeꞌrupupic chiru choxa joꞌ ajcuiꞌ li nequeꞌxjucuqui rib saꞌ chꞌochꞌ.

Salmos 104:23

Ut eb li cristian nequeꞌxic saꞌ lix trabajeb nak nasake̱u ut toj ecuu nequeꞌsukꞌi cuiꞌchic saꞌ li rochocheb.

Salmos 104:18

Eb li yuc nequeꞌcuan saꞌ eb li ni̱nki tzu̱l ut eb li imul nequeꞌcuan saꞌ xya̱nk li pec.

Li xHu LAJ JOB 39:19

At Job, ¿ma la̱at ta biꞌ li catqꞌuehoc re xcacuilal li cacua̱y? Ut, ¿ma la̱at ta biꞌ li catyi̱ban chi chꞌinaꞌus li rismal cuan chirix xcux?

Li xHu LAJ JOB 39:9

¿Ma ta̱ru̱k ta biꞌ ta̱cꞌanjelak cha̱cuu li bo̱yx li cuan saꞌ qꞌuicheꞌ? Ut, ¿ma ta̱raj ta biꞌ cua̱nc saꞌ xnaꞌajeb la̱ cuacax?

Li xHu LAJ JOB 39:1

¿Ma nacanau chanru nak nequeꞌcuan li raleb li chiba̱t re li qꞌuicheꞌ? Ut, ¿ma a̱cuilom jun sutak nak nequeꞌyoꞌla li ral li quej?

Génesis 1:23

Ut qui-oc li kꞌojyi̱n ut quisake̱u cuiꞌchic. Aꞌan li quixba̱nu saꞌ roꞌ li cutan.

Génesis 2:19

Li Ka̱cuaꞌ Dios quixyi̱b riqꞌuin chꞌochꞌ chixjunil li xul cuanqueb saꞌ li pim. Quixyi̱b ajcuiꞌ chixjunileb li xul li nequeꞌrupupic. Quixcꞌameb chak li xul riqꞌuin laj Adán re nak ta̱ril chanru lix cꞌabaꞌeb tixqꞌue. Ut laj Adán quixqꞌueheb xcꞌabaꞌeb chixjunileb li xul.