Génesis 1:22 - Li Santil hu

²² Li Dios quirosobtesiheb li xul aꞌan ut quixye reheb: —Chexnabalokꞌ ut chexqꞌuia̱nk. Ut chexcua̱nk saꞌ chixjunil li haꞌ yalak bar. Joꞌ ajcuiꞌ li cocꞌ xul chiru choxa cheꞌqꞌuia̱nk saꞌ ruchichꞌochꞌ.

Q'eqchi Bible

²² Li Yos kirosob'tesiheb' ut kixye reheb': “Chex'alanq, chexk'ihanq ut chenujob'resi li ha' sa' palaw. Che'k'ihanq eb' li xik'anel xul sa' ruuchich'och'”.

Génesis 1:22 ပူးပေါင်းရင်းမြစ်များ

Génesis 8:17

Ta̱cuisiheb ajcuiꞌ chixjunileb li xul li joꞌ qꞌuial li cuanqueb saꞌ li jucub cab a̱cuochben. Ta̱cuisiheb li xul li nequeꞌrupupic ut eb li xul li nequeꞌbe̱c, joꞌ ajcuiꞌ li xul li nequeꞌxjucuqui rib saꞌ chꞌochꞌ. Teꞌe̱lk re nak teꞌqꞌuia̱nk ut teꞌpucꞌa̱nk saꞌ ruchichꞌochꞌ, chan li Dios.

Salmos 107:38

Li Dios quirosobtesiheb lix tenamit ut nabaleb li ralal xcꞌajol queꞌcuan. Ut queꞌnabaloꞌ ajcuiꞌ lix queto̱mk.

Li xHu LAJ JOB 40:15

Qꞌue retal li xul behemot xcꞌabaꞌ. La̱in xinyi̱ban re aꞌan joꞌ nak xatinyi̱b la̱at. Pim naxcuaꞌ joꞌ li cuacax.

Génesis 1:28

Li Dios quirosobtesiheb aꞌan ut quixye reheb: —Chicua̱nk le̱ cocꞌal ut chexqꞌuia̱nk toj retal nak ta̱nujak li ruchichꞌochꞌ. La̱ex textakla̱nk saꞌ xbe̱n chixjunil li cꞌaꞌru cuan. Textakla̱nk saꞌ xbe̱neb chixjunil li xul li cuanqueb saꞌ li haꞌ joꞌ ajcuiꞌ li cuanqueb chiru choxa ut li cuanqueb saꞌ ruchichꞌochꞌ, chan.

Li xHu LAJ JOB 42:12

Cꞌajoꞌ nak qui-osobtesi̱c laj Job xban li Dios. Kꞌaxal cuiꞌchic nabal li quiqꞌueheꞌ re xban li Dios chiru li quiqꞌueheꞌ re junxil. Ca̱laju mil lix carner, cuakib mil lix camello, jun mil sumal lix bo̱yx ut jun mil lix bu̱r quiqꞌueheꞌ re.

Génesis 9:1

Li Dios quirosobtesi laj Noé joꞌ eb ajcuiꞌ li ralal. Ut quixye reheb: —Chicua̱nk e̱cocꞌal ut chexnabalokꞌ toj retal texta̱mk saꞌ chixjunil li ruchichꞌochꞌ, chan li Dios.

Proverbios 10:22

Li ani na-osobtesi̱c xban li Dios, aꞌan cuan xbiomal, ut incꞌaꞌ naxqꞌue rahil chꞌo̱lej.

Salmos 128:3

La̱ cuixakil ta̱cua̱nk nabal xcocꞌal. Chanchan nak nau̱chin li uvas aubil chire la̱ cuochoch. Eb la̱ cualal a̱cꞌajol chanchanakeb li cha̱bil cheꞌ olivo li cuan saꞌ xnaꞌaj la̱ cuacui̱mk.

Salmos 107:31

Cheꞌxlokꞌonihak taxak li nimajcual Dios xban nak nim li ruxta̱n, ut xban li sachba chꞌo̱lej li naxba̱nu re xcolbaleb li ralal xcꞌajol.

Levítico 26:9

La̱in tinba̱nu usilal e̱re. Texcuosobtesi ut texnabalokꞌ. Junelic xakxo̱k xcuanquil li contrato li quinba̱nu e̱riqꞌuin.

Génesis 35:11

Li Dios quixye re: —La̱in li Ka̱cuaꞌ Dios li kꞌaxal nim incuanquil. Chexqꞌui̱k ut cheꞌta̱mk la̱ cualal a̱cꞌajol. Riqꞌuineb la̱ cualal a̱cꞌajol teꞌcua̱nk li ni̱nki tenamit. Ut saꞌ xya̱nkeb ajcuiꞌ aꞌan teꞌcua̱nk ajcuiꞌ li rey.

Génesis 30:30

Julticak a̱cue nak xincꞌulun a̱cuiqꞌuin, incꞌaꞌ qꞌui li cꞌaꞌru a̱cue. Ut anakcuan numtajenakeb xqꞌuial li cꞌaꞌru a̱cue. Chalen cuoquic a̱cuiqꞌuin, li Ka̱cuaꞌ Dios xatrosobtesi inban. Ut anakcuan ¿jokꞌe naru tintiquib trabajic re nak eb li cualal incꞌajol ta̱cua̱nk cꞌaꞌru reheb? chan.

Génesis 30:27

Ut laj Labán quixye: —Ba̱nu usilal, cana̱kat cuiqꞌuin. Xinqꞌue retal nak saꞌ a̱cꞌabaꞌ la̱at ninrosobtesi li Ka̱cuaꞌ Dios.

Génesis 1:21

Ut li Dios quixyoꞌobtesiheb li ni̱nki car ut chixjunileb li xul li cuanqueb saꞌ haꞌ, aꞌ yal cꞌaꞌru chi xulil. Ut quixyoꞌobtesi ajcuiꞌ li xul li nequeꞌrupupic, aꞌ yal cꞌaꞌru chi xulil. Li Dios quiril nak us li quixba̱nu.

Génesis 1:23

Ut qui-oc li kꞌojyi̱n ut quisake̱u cuiꞌchic. Aꞌan li quixba̱nu saꞌ roꞌ li cutan.