Génesis 1:21 - Li Santil hu

²¹ Ut li Dios quixyoꞌobtesiheb li ni̱nki car ut chixjunileb li xul li cuanqueb saꞌ haꞌ, aꞌ yal cꞌaꞌru chi xulil. Ut quixyoꞌobtesi ajcuiꞌ li xul li nequeꞌrupupic, aꞌ yal cꞌaꞌru chi xulil. Li Dios quiril nak us li quixba̱nu.

Q'eqchi Bible

²¹ Li Yos kixyoob'tesiheb' li ninqi kar li wankeb' sa' palaw ut chixjunileb' li xul li neke'xjukuki rib' chiru ch'och', li neke'xjuyuyi rib' sa' ha', a' yaal chanru li xpaayil, ut chixjunileb' li xul li neke'rupupik, a' yaal chanru li xpaayil. Ut li Yos kiril naq us a'an.

Génesis 1:21 ပူးပေါင်းရင်းမြစ်များ

Génesis 1:25

Ut li Dios quixyoꞌobtesiheb chixjunil li xul li nequeꞌcuan saꞌ qꞌuicheꞌ aꞌ yal cꞌaꞌru chi xulil. Ut quixyoꞌobtesi chixjunileb li xul li nequeꞌcuaꞌac pim, aꞌ yal cꞌaꞌru chi xulil. Joꞌ ajcuiꞌ li xul li nequeꞌxjucuqui rib chiru chꞌochꞌ, aꞌ yal cꞌaꞌru chi xulil. Ut li Dios quiril nak us li quixba̱nu.

Génesis 8:19

Queꞌel ajcuiꞌ chixjunileb li xul li nequeꞌrupupic ut li nequeꞌbe̱c, joꞌ eb ajcuiꞌ li xul li nequeꞌxjucuqui rib saꞌ chꞌochꞌ. Quilajeꞌel chi ju̱nk chꞌu̱tal chixjunileb li xul, aꞌ yal cꞌaꞌru chi xulil.

Génesis 8:17

Ta̱cuisiheb ajcuiꞌ chixjunileb li xul li joꞌ qꞌuial li cuanqueb saꞌ li jucub cab a̱cuochben. Ta̱cuisiheb li xul li nequeꞌrupupic ut eb li xul li nequeꞌbe̱c, joꞌ ajcuiꞌ li xul li nequeꞌxjucuqui rib saꞌ chꞌochꞌ. Teꞌe̱lk re nak teꞌqꞌuia̱nk ut teꞌpucꞌa̱nk saꞌ ruchichꞌochꞌ, chan li Dios.

Éxodo 8:3

Numtajenakak xqꞌuial li amoch saꞌ li nimaꞌ. Telajeꞌoc saꞌ la̱ cuochoch ut teꞌoc ajcuiꞌ saꞌ li naꞌajej li nacatcuar cuiꞌ. Telajeꞌpiscꞌok saꞌ xbe̱n la̱ chꞌa̱t. Telajeꞌoc ajcuiꞌ saꞌ rochocheb le̱ mo̱s ut saꞌ rochocheb chixjunileb li tenamit. Telajeꞌoc saꞌ le̱ horno ut telajeꞌpiscꞌok saꞌ xbe̱n le̱ caꞌ.

Éxodo 1:7

Aꞌut eb li imambej queꞌnabaloꞌ ut queꞌqꞌuian li ralal xcꞌajol laj Israel. Queꞌnumtajenakoꞌ lix cacuilaleb ut quila̱tzꞌoꞌ lix naꞌajeb.

Génesis 9:7

Chicua̱nk nabal le̱ cocꞌal ut chexqꞌuia̱nk. Chexta̱mk ut chexnabalokꞌ saꞌ ruchichꞌochꞌ, chan li Dios.

Génesis 7:14

Queꞌoc ajcuiꞌ saꞌ li jucub chixjunileb li xul aꞌ yal cꞌaꞌru chi xulil. Queꞌoc li xul li nequeꞌcuan saꞌ qꞌuicheꞌ joꞌ ajcuiꞌ li queto̱mk. Queꞌoc ajcuiꞌ li xul li nequeꞌrupupic chiru choxa joꞌ ajcuiꞌ li nequeꞌxjucuqui rib saꞌ chꞌochꞌ.

Génesis 6:20

Teꞌoc li xul li nequeꞌrupupic chiru choxa, joꞌ eb ajcuiꞌ li nequeꞌbe̱c saꞌ chꞌochꞌ. Ut teꞌoc ajcuiꞌ li nequeꞌxjucuqui rib saꞌ chꞌochꞌ. Chi caꞌcab aꞌ yal cꞌaꞌru chi xulil teꞌoc saꞌ li jucub cab a̱cuiqꞌuin re nak teꞌcolekꞌ.

Li xHu LAJ JOB 26:5

(Laj Bildad quixye:) —Eb li camenak nequeꞌsicsot xban xxiuheb saꞌ lix naꞌajeb li cuan rubel li haꞌ rubel li ruchichꞌochꞌ.

Li xHu LAJ JOB 7:12

¿Ma la̱in ta biꞌ li joskꞌ aj xul li cuan saꞌ li palau nak ta̱xakabeb aj ilol cue?

Génesis 1:31

Ut li Dios quiril nak tzꞌakal re ru chixjunil li quixba̱nu. Ut qui-oc li kꞌojyi̱n ut quisake̱u. Aꞌan li xcuak li cutan.

Génesis 1:18

Li Dios quixqꞌueheb aran re xberesinquil li cutan ut li kꞌojyi̱n. Quixqꞌueheb re xjachbal li cutan riqꞌuin li kꞌojyi̱n. Ut li Dios quiril nak us li quixba̱nu.

San Mateo 12:40

Joꞌ nak laj Jonás oxib cutan ut oxib kꞌojyi̱n quicuan chak saꞌ xsaꞌ li nimla car, joꞌcan ajcuiꞌ nak la̱in li Cꞌajolbej tincua̱nk oxib cutan ut oxib kꞌojyi̱n saꞌ li mukleba̱l.

Jonás 1:17

Ut li Dios quixcauresi jun li nimla car re ta̱nukꞌuk re laj Jonás. Ut laj Jonás quinukꞌeꞌ chi jun xban li car chi incꞌaꞌ quicꞌuxeꞌ. Ut quicuan oxib cutan ut oxib kꞌojyi̱n saꞌ xsaꞌ li nimla car aꞌan.

Ezequiel 32:2

—At ralal cui̱nk, ta̱bicha jun li bich re rahil chꞌo̱lej chirix laj faraón lix reyeb laj Egipto. Ta̱ye: Chanchanat jun li cakcoj saꞌ xya̱nkeb li xni̱nkal ru tenamit. Chanchanat jun li joskꞌ aj xul dragón xcꞌabaꞌ nacuan saꞌ li palau. Nak narecꞌasi rib saꞌ li haꞌ natzꞌajnoꞌ li haꞌ ut nak nabe̱c nasululoꞌ ru.

Jonás 2:10

Ut li Ka̱cuaꞌ Dios quixtakla li car re nak tixcanab chak laj Jonás chi chꞌochꞌel. Joꞌcan nak li car quixxaꞌcua chak laj Jonás chi chꞌochꞌel.

Génesis 1:20

Li Dios quixye: —Cheꞌcua̱nk nabaleb li xul saꞌ li haꞌ, ut cheꞌcua̱nk ajcuiꞌ li xul li nequeꞌrupupic chiru choxa. Ut joꞌcan quixba̱nu li Dios.

Génesis 1:22

Li Dios quirosobtesiheb li xul aꞌan ut quixye reheb: —Chexnabalokꞌ ut chexqꞌuia̱nk. Ut chexcua̱nk saꞌ chixjunil li haꞌ yalak bar. Joꞌ ajcuiꞌ li cocꞌ xul chiru choxa cheꞌqꞌuia̱nk saꞌ ruchichꞌochꞌ.

Génesis 9:2

—Chixjunileb li xul li cuanqueb saꞌ ruchichꞌochꞌ teꞌxucua̱nk e̱ru. Teꞌxucuak li xul li nequeꞌbe̱c saꞌ chꞌochꞌ, joꞌ ajcuiꞌ li xul li nequeꞌrupupic, joꞌ eb ajcuiꞌ li car li cuanqueb saꞌ li haꞌ, xban nak la̱at chic ta̱cua̱nk a̱cuanquil saꞌ xbe̱neb chixjunileb li xul.

Salmos 148:7

Chinima̱k taxak ru li nimajcual Dios saꞌ ruchichꞌochꞌ. Chixjunileb li xul li cuanqueb saꞌ xchamal li palau cheꞌxqꞌuehak ta xlokꞌal li Ka̱cuaꞌ.

Génesis 2:19

Li Ka̱cuaꞌ Dios quixyi̱b riqꞌuin chꞌochꞌ chixjunil li xul cuanqueb saꞌ li pim. Quixyi̱b ajcuiꞌ chixjunileb li xul li nequeꞌrupupic. Quixcꞌameb chak li xul riqꞌuin laj Adán re nak ta̱ril chanru lix cꞌabaꞌeb tixqꞌue. Ut laj Adán quixqꞌueheb xcꞌabaꞌeb chixjunileb li xul.

Li xHu LAJ JOB 12:7

Tzol a̱cuib riqꞌuineb li xul li cuanqueb saꞌ qꞌuicheꞌ. Ut qꞌueheb retal li xul li nequeꞌrupupic.