Génesis 1:20 - Li Santil hu

²⁰ Li Dios quixye: —Cheꞌcua̱nk nabaleb li xul saꞌ li haꞌ, ut cheꞌcua̱nk ajcuiꞌ li xul li nequeꞌrupupic chiru choxa. Ut joꞌcan quixba̱nu li Dios.

Q'eqchi Bible

²⁰ Kixye li Yos: “Chib'ulb'utq li ha' xb'aaneb' li xul, ut che'rupupiq li xik'anel xul sa' xb'een li ruuchich'och' ut chiru choxa”.

Génesis 1:20 ပူးပေါင်းရင်းမြစ်များ

Génesis 2:19

Li Ka̱cuaꞌ Dios quixyi̱b riqꞌuin chꞌochꞌ chixjunil li xul cuanqueb saꞌ li pim. Quixyi̱b ajcuiꞌ chixjunileb li xul li nequeꞌrupupic. Quixcꞌameb chak li xul riqꞌuin laj Adán re nak ta̱ril chanru lix cꞌabaꞌeb tixqꞌue. Ut laj Adán quixqꞌueheb xcꞌabaꞌeb chixjunileb li xul.

1 Reyes 4:33

Quia̱tinac chirixeb chixjunil li pim ut li cheꞌ li cuan saꞌ ruchichꞌochꞌ, joꞌ li cocꞌ, joꞌ li ni̱nk. Quia̱tinac chirix li hisopo li nayoꞌla chiru li tzꞌac ut quia̱tinac chirixeb li ni̱nki cheꞌ chacalteꞌ li cuan Líbano. Ut quia̱tinac ajcuiꞌ chirixeb chixjunileb li xul. Quia̱tinac ajcuiꞌ chirixeb li xul li nequeꞌrupupic, ut chirixeb li nequeꞌxjucuqui rib saꞌ chꞌochꞌ, ut chirixeb ajcuiꞌ li car.

Salmos 148:10

Cheꞌxqꞌuehak ta xlokꞌal li Ka̱cuaꞌ chixjunileb li xul, li tu̱laneb joꞌ ajcuiꞌ li joskꞌeb. Cheꞌxqꞌuehak ta xlokꞌal li Ka̱cuaꞌ eb li xul li nequeꞌrupupic chiru choxa, joꞌ ajcuiꞌ li nequeꞌxjucuqui ribeb chiru chꞌochꞌ.

Génesis 1:30

Chixjunil li rax pim xinqꞌue chokꞌ re xtzacae̱mkeb li xul li cuanqueb saꞌ ruchichꞌochꞌ. Xinqꞌue ajcuiꞌ reheb li xul li nequeꞌrupupic chiru choxa ut reheb chixjunileb li nequeꞌxjucuqui rib saꞌ chꞌochꞌ. Xinqꞌue chixjunil li rax pim chokꞌ re lix tzacae̱mkeb li xul. Ut quicꞌulman joꞌ quixye li Dios.

Génesis 8:17

Ta̱cuisiheb ajcuiꞌ chixjunileb li xul li joꞌ qꞌuial li cuanqueb saꞌ li jucub cab a̱cuochben. Ta̱cuisiheb li xul li nequeꞌrupupic ut eb li xul li nequeꞌbe̱c, joꞌ ajcuiꞌ li xul li nequeꞌxjucuqui rib saꞌ chꞌochꞌ. Teꞌe̱lk re nak teꞌqꞌuia̱nk ut teꞌpucꞌa̱nk saꞌ ruchichꞌochꞌ, chan li Dios.

Génesis 1:22

Li Dios quirosobtesiheb li xul aꞌan ut quixye reheb: —Chexnabalokꞌ ut chexqꞌuia̱nk. Ut chexcua̱nk saꞌ chixjunil li haꞌ yalak bar. Joꞌ ajcuiꞌ li cocꞌ xul chiru choxa cheꞌqꞌuia̱nk saꞌ ruchichꞌochꞌ.

Génesis 1:14

Ut li Dios quixye: —Cheꞌcua̱nk xcutanquil ru li choxa re nak tixjach rib li cutan riqꞌuin li kꞌojyi̱n; ut eb aꞌan teꞌcꞌanjelak chokꞌ retalil li sakꞌehil ut li habalkꞌe, joꞌ ajcuiꞌ retalil li cutan ut li chihab.

Génesis 1:7

Li Dios quixjach ru li haꞌ chi ribil. Cuan li haꞌ quixcanab takꞌa ut cuan quixcanab takecꞌ saꞌ li choxa. Ut joꞌcan quixba̱nu li Dios.

Hechos 17:25

Chi moco aꞌ ta li cui̱nk naqꞌuehoc cꞌaꞌak re ru re aꞌan. Aꞌan ban naqꞌuehoc ke li kayuꞌam ut aꞌan naqꞌuehoc li kamusikꞌ. Aꞌan li naqꞌuehoc chixjunil li cꞌaꞌru cuan.

Eclesiastés 2:21

Joꞌcaꞌin li cꞌanjelac saꞌ ruchichꞌochꞌ. Li cui̱nk nacꞌanjelac chi cau ut cuan xnaꞌleb chixcꞌoxlanquil chanru tixba̱nu. Abanan, nak nacam naxcanab chixjunil li quixba̱nu chokꞌ re jalan li moco xcꞌulub ta xcꞌulbal xban nak incꞌaꞌ xcꞌanjela rix. Joꞌcan nak li cꞌanjel li naxba̱nu nacana chi ma̱cꞌaꞌ rajbal.

Génesis 1:19

Ut qui-oc li kꞌojyi̱n ut quisake̱u. Aꞌan li xca̱ li cutan.

Génesis 1:21

Ut li Dios quixyoꞌobtesiheb li ni̱nki car ut chixjunileb li xul li cuanqueb saꞌ haꞌ, aꞌ yal cꞌaꞌru chi xulil. Ut quixyoꞌobtesi ajcuiꞌ li xul li nequeꞌrupupic, aꞌ yal cꞌaꞌru chi xulil. Li Dios quiril nak us li quixba̱nu.

Génesis 7:21

Ut quilajeꞌcam chixjunileb li cuanqueb saꞌ ruchichꞌochꞌ. Queꞌcam chixjunil li xul li nequeꞌrupupic, joꞌ ajcuiꞌ li nequeꞌxjucuqui rib saꞌ chꞌochꞌ. Queꞌcam li queto̱mk joꞌ eb ajcuiꞌ li nequeꞌcuan saꞌ qꞌuicheꞌ. Ut chixjunileb li cristian queꞌcam.

Levítico 11:42

Incꞌaꞌ naru te̱tzaca li xul li nequeꞌxjucuqui ribeb saꞌ chꞌochꞌ, chi moco li nequeꞌbe̱c chi cꞌachcꞌo, joꞌ ajcuiꞌ li cuanqueb nabal rokeb.

Levítico 11:43

Me̱mux e̱rib riqꞌuin xtzacanquileb li xul aꞌin. Me̱mux e̱rib riqꞌuineb chi moco te̱qꞌue e̱rib chi muxecꞌ xbaneb.

Li xHu LAJ JOB 12:9

¿Ma toj cuanqueb ta biꞌ li incꞌaꞌ nequeꞌxnau nak li Dios quiyi̱ban re chixjunil aꞌin?