Génesis 1:2 - Li Santil hu

² Moco tuktu ta ru li ruchichꞌochꞌ nak quicuan ut toj ma̱cꞌaꞌ cuan chi saꞌ. Nujenak chi haꞌ ut kꞌojyi̱n ru. Caꞌaj cuiꞌ lix musikꞌ li Dios na-ecꞌan saꞌ xbe̱n li haꞌ.

Q'eqchi Bible

² Li ruuchich'och', maak'a' wan chaq chiru: junes aak'ab' wank sa' xb'een xchamal li palaw, ut li xmusiq' li Yos naheelank chaq sa' xb'een li ha'.

Génesis 1:2 ပူးပေါင်းရင်းမြစ်များ

Jeremías 4:23

Laj Jeremías quixye: —Nak quicuil li ruchichꞌochꞌ, ma̱cꞌaꞌ chic cuan chiru. Quicuil li choxa ut ma̱cꞌaꞌ chic lix cutan saken.

Salmos 104:30

Abanan la̱at ta̱qꞌueheb cuiꞌchic chi yoꞌla̱c re̱kaj ut acꞌobresinbilak chic li ruchichꞌochꞌ.

Isaías 45:18

Li Ka̱cuaꞌ li quiyi̱ban re li choxa, aꞌan li Ka̱cuaꞌ li tzꞌakal Dios. Aꞌan li quixakaban re li ruchichꞌochꞌ saꞌ xnaꞌaj. Aꞌan incꞌaꞌ quixyi̱b li ruchichꞌochꞌ re nak ta̱cua̱nk chi ma̱cꞌaꞌ cua̱nk chi saꞌ. Quixyi̱b ban re nak cua̱nk xnaꞌajeb li cristian. Aꞌan li quiyehoc re: —La̱in li Ka̱cuaꞌ Dios. Ma̱cꞌaꞌ chic junak dios chicuu la̱in.

Salmos 33:6

Li choxa ut chixjunil li cꞌaꞌru cuan chiru yal riqꞌuin li ra̱tin quilajxyi̱b li Dios.

Li xHu LAJ JOB 26:7

Li Dios quixyi̱b li choxa saꞌ xnaꞌaj chi ma̱cꞌaꞌ nachapoc re. Joꞌcan ajcuiꞌ li ruchichꞌochꞌ. Quixyi̱b saꞌ xnaꞌaj chi ma̱cꞌaꞌ nacu̱tun re.

Li xHu LAJ JOB 26:14

Kꞌaxal nim xcuanquil li Dios. Li cꞌaꞌru quixba̱nu riqꞌuin lix cuanquil yo̱co chirilbal anakcuan. Abanan yal caꞌchꞌin ajcuiꞌ naxcꞌut chiku. Toj cuan cuiꞌchic nabal toj ma̱jiꞌ naxcꞌutbesi chiku. La̱o ma̱ jokꞌe takatau ru lix nimal lix cuanquilal.—

Nahum 2:10

Ma̱cꞌaꞌ chic cuan saꞌ li tenamit. Xeꞌosoꞌ. Xeꞌcana chi ma̱cꞌaꞌ chic cuan reheb. Sachso̱queb xchꞌo̱leb li cristian ut ma̱cꞌaꞌ chic nequeꞌxyoꞌoni. Nequeꞌsicsot xban xxiuheb ut sakquirineb aj chic.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

Deuteronomio 32:11

Li Ka̱cuaꞌ quitenkꞌan e̱re ut quicꞌamoc be che̱ru joꞌ nak li tꞌiu naxcoleb li cocꞌ ral saꞌ lix soc ut naxcꞌameb saꞌ xbe̱n lix xicꞌ nak toj ma̱jiꞌ nequeꞌxnau rupupic.

Li xHu LAJ JOB 38:9

La̱in xinqꞌuehoc re li chok chokꞌ xrambal ru li palau re nak ta̱cana̱k saꞌ kꞌojyi̱n.

Salmos 104:6

Kꞌaxal cham li palau ut incꞌaꞌ nacꞌutun li chꞌochꞌ. Nujenak li haꞌ ut incꞌaꞌ quicꞌutun li tzu̱l.

Salmos 136:6

Aꞌan li quiyi̱ban re li ruchichꞌochꞌ saꞌ xnaꞌaj saꞌ xbe̱n li haꞌ xban nak kꞌaxal nim li ruxta̱n saꞌ kabe̱n junelic.

Salmos 148:7

Chinima̱k taxak ru li nimajcual Dios saꞌ ruchichꞌochꞌ. Chixjunileb li xul li cuanqueb saꞌ xchamal li palau cheꞌxqꞌuehak ta xlokꞌal li Ka̱cuaꞌ.

Proverbios 8:24

Li cha̱bil naꞌleb ac cuan ajcuiꞌ chak nak toj ma̱jiꞌ nayi̱ba̱c chak li xni̱nkal ru palau. Ac cuan ajcuiꞌ chak nak toj ma̱jiꞌ nequeꞌyi̱ba̱c chak li nimaꞌ ut li yuꞌam haꞌ.

Isaías 31:5

Joꞌ nak li xul nequeꞌrupupic saꞌ xbe̱n lix soc chixcolbaleb li cocꞌ ral, joꞌcan nak la̱in li nimajcual Dios tincuileb ut tincoleb laj Jerusalén ut tintenkꞌaheb.

Li xHu LAJ JOB 41:32

Nak ac xnumeꞌ saꞌ lix chamal li palau, sak sak ru lix cuokx li palau nacana ut nalemtzꞌun.