Génesis 1:14 - Li Santil hu

¹⁴ Ut li Dios quixye: —Cheꞌcua̱nk xcutanquil ru li choxa re nak tixjach rib li cutan riqꞌuin li kꞌojyi̱n; ut eb aꞌan teꞌcꞌanjelak chokꞌ retalil li sakꞌehil ut li habalkꞌe, joꞌ ajcuiꞌ retalil li cutan ut li chihab.

Q'eqchi Bible

¹⁴ Toja' naq kixye li Yos: “Che'wanq xsaqenkil li choxa re te'xjach li kutan rik'in li q'oqyink. Te'k'anjelaq cho'q reetalil li ninq'e, li kutan ut li chihab',

Génesis 1:14 ပူးပေါင်းရင်းမြစ်များ

Deuteronomio 4:19

Nak te̱ril li choxa, li sakꞌe, li po, ut li chahim, me̱lokꞌoniheb xban nak li Ka̱cuaꞌ le̱ Dios quixyi̱b eb aꞌan re nak teꞌcꞌanjelak chiruheb chixjunileb li cuanqueb saꞌ ruchichꞌochꞌ.

Jeremías 31:35

Li Ka̱cuaꞌ quixye: —La̱in li Ka̱cuaꞌ ninqꞌuehoc re li sakꞌe chixcutanobresinquil li cutan. Ut ninqꞌueheb li chahim ut li po chi lemtzꞌu̱nc chiru kꞌojyi̱n. La̱in ninqꞌuehoc chi ecꞌa̱nc ru li palau joꞌ ajcuiꞌ lix cau ok. La̱in li “Nimajcual Dios” incꞌabaꞌ.

Salmos 148:3

Li sakꞌe ut li po cheꞌxqꞌuehak ta xlokꞌal li Dios. Cheꞌxqꞌuehak ta xlokꞌal chixjunileb li chahim li nequeꞌlemtzꞌun.

Salmos 148:6

Ut quixxakabeb saꞌ xnaꞌajeb chi junaj cua. Aran teꞌcua̱nk chi junelic kꞌe cutan xban nak joꞌcan yebil xban li Dios.

Amós 5:8

Li Ka̱cuaꞌ, aꞌan li quiyi̱ban re li qꞌuila chahim joꞌ li chahim Pléyades ut li chahim Orión. Aꞌan naxsukꞌisi li kꞌojyi̱n chokꞌ cutan ut naxsukꞌisi ajcuiꞌ li cutan chokꞌ kꞌojyi̱n. Aꞌan naxchꞌutub li haꞌ li cuan saꞌ eb li palau ut naxqꞌue li hab saꞌ xbe̱n li ruchichꞌochꞌ. Aꞌan Ka̱cuaꞌ lix cꞌabaꞌ.

Joel 3:15

Li sakꞌe ut li po teꞌkꞌojyi̱nokꞌ ru ut incꞌaꞌ chic teꞌlemtzꞌu̱nk li chahim.

Jeremías 10:2

Aꞌin li naxye li Ka̱cuaꞌ: —Me̱ba̱nu joꞌ nequeꞌxba̱nu li incꞌaꞌ nequeꞌxpa̱b li Dios. Mi-oc e̱xiu xban li cꞌaꞌru nequeril chiru li choxa, usta eb li jalan xtenamiteb nequeꞌxucuac xban li cꞌaꞌru nequeꞌril saꞌ choxa.

Salmos 81:3

Cheya̱basihak li trompeta saꞌ xkꞌehil xyoꞌlajic li po joꞌ ajcuiꞌ nak naxoroc li po saꞌ xkꞌehil li kaninkꞌe li kꞌaxal lokꞌ,

Génesis 8:22

Joꞌ najtil chic ta̱cua̱nk li ruchichꞌochꞌ junelic ta̱cua̱nk li a̱uc. Ta̱cua̱nk kꞌoloc. Ta̱cua̱nk li que ut ta̱cua̱nk li tik. Ta̱cua̱nk li sakꞌehil ut ta̱cua̱nk li habalkꞌe. Ta̱cua̱nk li cutan ut ta̱cua̱nk li kꞌojyi̱n. Incꞌaꞌ teꞌpaltok chiruheb, chan li Dios.

Isaías 40:26

Taksihomak le̱ riloba̱l saꞌ choxa ut te̱qꞌue retal. ¿Ani li quiyoꞌobtesin re li choxa ut lix sahob ru? Aꞌan li Ka̱cuaꞌ li kꞌaxal nim xcuanquil. Aꞌan naxqꞌue li junju̱nk saꞌ xnaꞌaj ut naxqꞌue xcꞌabaꞌ li junju̱nk. Ma̱ jun ta̱paltok.

San Mateo 24:29

Ut saꞌ eb li cutan aꞌan nak acak xrakeꞌ li raylal aꞌan, ta̱kꞌojyi̱nokꞌ ru li sakꞌe ut li po incꞌaꞌ chic ta̱cutanokꞌ ru. Ta̱ecꞌa̱nk chak ru li choxa ut li chahim talajeꞌtꞌanekꞌ chak.

Amós 8:9

Saꞌ li cutan aꞌan, usta cuaꞌleb re li cutan, li sakꞌe ta̱oc ut ta̱kꞌojyi̱nokꞌ ru li cutan inban la̱in. La̱in tinsukꞌisi li cutan chokꞌ kꞌojyi̱n, chan li Ka̱cuaꞌ.

Joel 2:10

Ta̱ecꞌa̱nk li ruchichꞌochꞌ joꞌ ajcuiꞌ li choxa nak yo̱keb chi cha̱lc. Ta̱kꞌojyi̱nokꞌ ru li sakꞌe ut li po xban xqꞌuialeb laj sa̱cꞌ ut incꞌaꞌ chic teꞌcꞌutu̱nk li chahim.

Jeremías 33:20

—Incꞌaꞌ naru risinquil xcuanquil li contrato quinba̱nu nak quinxakab saꞌ xnaꞌaj li cutan ut li kꞌojyi̱n. Ac chꞌolchꞌo jokꞌe ta̱cutanokꞌ ut jokꞌe ta̱kꞌojyi̱nokꞌ.

Apocalipsis 6:12

Ut quicuil nak li Jun li chanchan carner quixte li xcuak sello ut quicuan jun li nimla hi̱c. Li sakꞌe quikꞌojyi̱noꞌ ru. Chanchan li kꞌeki tꞌicr li nequeꞌrocsi li raheb saꞌ xchꞌo̱l. Ut li po quicakoꞌ joꞌ li quicꞌ.

San Mateo 2:2

Queꞌpatzꞌoc ut queꞌxye: —¿Bar cuan lix reyeb laj judío xyoꞌla? Xochal xban nak xkil chak toj saꞌ releb sakꞌe li chahim retalil lix yoꞌlajic ut xochal chixlokꞌoninquil, chanqueb.

Ezequiel 46:1

Li Ka̱cuaꞌ li nimajcual Dios naxye chi joꞌcaꞌin: —Li oqueba̱l re li neba̱l li cuan chi saꞌ, saꞌ li este tzꞌaptzꞌo̱k chiru li cuakib cutan nak eb li tenamit yo̱keb chi cꞌanjelac. Abanan ta̱tema̱nk nak ta̱cuulak li hiloba̱l cutan ut saꞌ xkꞌehil nak nequeꞌxninkꞌei li xyoꞌlajic li po.

Jeremías 33:25

Cui ta incꞌaꞌ xakxo xcuanquil li contrato li quinba̱nu nak quinxakab li cutan ut li kꞌojyi̱n saꞌ xnaꞌaj, ut cui ta incꞌaꞌ quinxakab saꞌ xnaꞌaj li choxa ut li ruchichꞌochꞌ,

Li xHu LAJ JOB 25:5

Li po nalemtzꞌun, joꞌ eb ajcuiꞌ li chahim. Abanan incꞌaꞌ nequeꞌxtau lix lokꞌal li Dios.

Génesis 9:13

La̱in tinqꞌue li xo̱quikꞌab chiru li choxa. Aꞌan li retalil li xinyechiꞌi e̱re ut re li ruchichꞌochꞌ.

Apocalipsis 8:12

Ut li xca̱ ángel quixya̱basi li trompeta ut caꞌchꞌin chic ma̱ yijach (1/3) li sakꞌe incꞌaꞌ chic quicutanoꞌ ru. Ut caꞌchꞌin chic ma̱ yijach li po incꞌaꞌ chic quicutanoꞌ ru. Ut caꞌchꞌin chic ma̱ yijach li chahim incꞌaꞌ chic queꞌlemtzꞌun. Caꞌchꞌin chic ma̱ yijach li cutan quikꞌojyi̱noꞌ ru. Ut joꞌcan ajcuiꞌ li po chiru li kꞌojyi̱n. Caꞌchꞌin chic ma̱ yijach li kꞌojyi̱n incꞌaꞌ quicutanoꞌ ru.

San Lucas 23:45

Nak quikꞌojyi̱noꞌ ru li sakꞌe, lix tꞌicrul li templo quikꞌicheꞌ saꞌ xyi.

San Marcos 13:24

Ut saꞌ eb li cutan aꞌan nak ta̱cꞌulma̱nk li raylal, ta̱kꞌojyi̱nokꞌ ru li sakꞌe ut li po incꞌaꞌ chic ta̱cutanokꞌ ru.

Ezequiel 46:6

Nak teꞌxninkꞌei lix yoꞌlajic li po tixqꞌue jun li toro toj sa̱j, cuakib li carner toj sa̱jeb ut jun li carner te̱lom. Tzꞌakalakeb re ru li xul aꞌan.

Salmos 119:91

Chixjunil li cꞌaꞌru cayi̱b toj cuanqueb anakcuan xban nak joꞌcan nacacuaj la̱at. Ut la̱at yal a̱cue saꞌ xbe̱n chixjunil. Ut chixjunileb aꞌan nequeꞌcꞌanjelac cha̱cuu.

Li xHu LAJ JOB 25:3

Lix soldado, aꞌaneb li qꞌuila okꞌob chi ángel. Ut lix cutan saken, aꞌan li nacutanobresin reheb chixjunileb.

Li xHu LAJ JOB 3:9

Us raj nak saꞌ li cutan aꞌan incꞌaꞌ chic ta̱lemtzꞌu̱nk li cak chahim. Us raj nak incꞌaꞌ ta quicꞌutun li cutan aꞌan li yo̱queb chiroybeninquil ut incꞌaꞌ ta chic quisake̱u.

Apocalipsis 9:2

Nak quixte li re li chamal jul, cꞌajoꞌ li sib qui-el chak. Chanchan li sib li na-el saꞌ junak nimla horno. Quikꞌojyi̱noꞌ ru li sakꞌe ut li ikꞌ xban li sib li qui-el chak saꞌ li chamal jul.

Génesis 1:13

Ut qui-oc li kꞌojyi̱n ut quisake̱u. Aꞌan li rox li cutan.

Génesis 1:15

Ut cheꞌlemtzꞌu̱nk chiru li choxa re xcutanobresinquil li ruchichꞌochꞌ. Ut quicꞌulman joꞌ quixye li Dios.

Salmos 150:1

¡Lokꞌoninbil taxak li Ka̱cuaꞌ! Cheqꞌuehak xlokꞌal li Ka̱cuaꞌ saꞌ lix templo. Ut chiqꞌuehekꞌ ta xlokꞌal saꞌ li choxa li quixyi̱b riqꞌuin lix cuanquil.