Gálatas 6:9 - Li Santil hu

⁹ Joꞌcan nak mextitzꞌ chixba̱nunquil li us. Cui incꞌaꞌ nachꞌinan kachꞌo̱l nak ta̱cuulak xkꞌehil la̱o take̱chani li kakꞌajca̱munquil.

Q'eqchi Bible

⁹ Moolub'k chi xb'aanunkil li us xb'aan naq sa' xq'ehil tooq'oloq, wi ink'a' nach'inank qach'ool.

Gálatas 6:9 ပူးပေါင်းရင်းမြစ်များ

1 Corintios 15:58

Joꞌcan ut ex inherma̱n, raro̱quex inban, cauhak taxak e̱chꞌo̱l saꞌ le̱ pa̱ba̱l. Michꞌinan le̱ chꞌo̱l. Cheqꞌuehak ban e̱chꞌo̱l chi cꞌanjelac chiru li Ka̱cuaꞌ. Ut chenauhak nak li joꞌ qꞌuial te̱ba̱nu saꞌ xcꞌabaꞌ li Ka̱cuaꞌ cuan rajbal.

2 Ts 3:13

Ut la̱ex, ex herma̱n, incꞌaꞌ taxak textitzꞌk chixba̱nunquil li us.

Hebreos 12:3

Cheqꞌuehak retal chanru nak quixcuy li rahobtesi̱c li Jesucristo xbaneb laj ma̱c. Joꞌcan ajcuiꞌ la̱ex. Checuyak li ra xi̱cꞌ ut incꞌaꞌ chichꞌina̱nk e̱chꞌo̱l saꞌ le̱ pa̱ba̱l.

1 Pedro 2:15

Li Dios naraj nak texcua̱nk saꞌ xya̱lal. Nak teꞌril le̱ ti̱quilal, li incꞌaꞌ useb xnaꞌleb ut li incꞌaꞌ nequeꞌxnau xya̱lal, incꞌaꞌ chic teꞌa̱tinak che̱rix.

Santiago 5:7

Joꞌcan ut ex herma̱n, checuyak roybeninquil lix cꞌulunic li Ka̱cuaꞌ Jesucristo. Joꞌ laj cꞌalom naxcuy roybeninquil jokꞌe natꞌaneꞌ li hab re nak ta̱a̱uk ut naxcuy ajcuiꞌ roybeninquil nak nacuulac xkꞌehil li kꞌoloc re nak tixkꞌol ru li racui̱mk.

1 Pedro 3:17

Cui li Dios naraj nak te̱cꞌul li raylal chi ma̱cꞌaꞌ e̱ma̱c, kꞌaxal us nak te̱cꞌul li raylal chi ma̱cꞌaꞌ e̱ma̱c chiru nak te̱cꞌul li raylal riqꞌuin xba̱nunquil li ma̱usilal.

2 Corintios 4:16

Joꞌcan nak incꞌaꞌ nachꞌinan kachꞌo̱l. Li katibel yo̱ chi lajc, yo̱ chi osocꞌ. Abanan li ka̱m acꞌobresinbil rajlal cutan xban li Dios.

Apocalipsis 2:3

Ninnau nak nabal li raylal xecꞌul saꞌ incꞌabaꞌ la̱in. Abanan nequecuy xnumsinquil. Ut incꞌaꞌ xchꞌinan e̱chꞌo̱l. Ninnau nak cau nequexcꞌanjelac yal xban inra̱bal la̱in.

1 Pedro 4:19

La̱ex li yo̱quex chi xcꞌulbal li raylal joꞌ naraj li Dios, cheqꞌuehak taxak e̱chꞌo̱l chixba̱nunquil li cha̱bilal. Chekꞌaxtesihak e̱rib saꞌ rukꞌ li Dios. Aꞌan li quiyoꞌobtesin ke ut ma̱ jokꞌe ta̱paltok chiku.

San Lucas 18:1

Li Jesús quixye li jaljo̱quil ru a̱tin aꞌin reheb lix tzolom re xcꞌutbal chiruheb nak tento teꞌtijok junelic ut incꞌaꞌ ta̱chꞌina̱nk xchꞌo̱leb.

San Mateo 10:22

Ut chixjunileb xicꞌ teꞌilok e̱re saꞌ incꞌabaꞌ. Abanan li ani teꞌcuyuk xcꞌulbal li raylal toj saꞌ rosoꞌjic lix yuꞌam, eb aꞌan teꞌcolekꞌ.

2 Corintios 4:1

Yal xban rusilal li Dios nak quixqꞌue ke li cꞌanjel aꞌin re xchꞌolobanquil xya̱lal li acꞌ contrato. Joꞌcan nak incꞌaꞌ nachꞌinan kachꞌo̱l.

San Mateo 24:13

Ut li ani tixcuy xnumsinquil li raylal aꞌin toj saꞌ rosoꞌjic lix yuꞌam, aꞌan ta̱colekꞌ.

Levítico 26:4

la̱in tintakla li hab saꞌ ruchichꞌochꞌ saꞌ xkꞌehil. Ta̱e̱lk chi us li acui̱mk saꞌ li chꞌochꞌ. Ut eb li cheꞌ teꞌu̱chi̱nk.

Apocalipsis 2:7

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue lix yuꞌam chi junelic. Ut aꞌan ta̱cua̱nk riqꞌuin li Dios chi junelic saꞌ lix santil naꞌaj, chan li Cꞌajolbej reheb laj Éfeso.

Romanos 2:7

Li Dios tixqꞌue xyuꞌam chi junelic li ani naxqꞌue xchꞌo̱l chixba̱nunquil li cha̱bilal li naraj li Dios re nak tixtau lix lokꞌal, lix nimanquil ru, ut lix yuꞌam chi junelic.

Deuteronomio 11:14

Cui te̱ba̱nu chi joꞌcan, li Dios tixqꞌue li hab saꞌ xbe̱n le̱ chꞌochꞌ saꞌ xkꞌehil. Tixqꞌue saꞌ sakꞌehil ut tixqꞌue saꞌ habalkꞌe re nak ta̱e̱lk chi cha̱bil li ru le̱ racui̱mk. Ta̱cua̱nk nabal le̱ trigo, le̱ vino ut le̱ aceite.

Apocalipsis 2:17

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue li choxahil cua li incꞌaꞌ na-ilman ru chixtzaca. Ut tinqꞌue ajcuiꞌ jun li saki pec re ut tzꞌi̱banbilak chiru jun li acꞌ cꞌabaꞌej. Ma̱ ani ta̱naꞌok re li cꞌabaꞌej. Caꞌaj cuiꞌ li ani li ta̱cꞌuluk re, chan li Cꞌajolbej reheb laj Pérgamo.

Salmos 145:15

Chixjunileb li cuanqueb xyuꞌam saꞌ ruchichꞌochꞌ nequeꞌoybenin a̱cuiqꞌuin. Ac nequeꞌxnau nak la̱at ta̱qꞌue lix tzacae̱mkeb saꞌ xkꞌehil.

Hebreos 3:6

Aban li Ka̱cuaꞌ Jesucristo, aꞌan tzꞌakal Ralal li Dios ut cuan xcuanquil chi takla̱nc saꞌ xbe̱neb li ralal xcꞌajol li Dios. La̱o li ralal xcꞌajol li Dios cui caꞌaj cuiꞌ riqꞌuin li Dios nocoyoꞌonin ut cauhak kachꞌo̱l saꞌ li kapa̱ba̱l toj saꞌ rosoꞌjic li cutan.

Sofonías 3:16

Saꞌ eb li cutan aꞌan ta̱yehekꞌ reheb laj Jerusalén: Mexxucuac la̱ex li cuanquex Sión. Me̱cuiba e̱chꞌo̱l.

Hebreos 3:14

Totzꞌako̱nk riqꞌuin xlokꞌal li Jesucristo cui nakaqꞌue kachꞌo̱l chixpa̱banquil. Chanru nak xkatiquib chak xpa̱banquil li Ka̱cuaꞌ, joꞌcan taxak toj chalen saꞌ rosoꞌjic li cutan.

Efesios 3:13

Joꞌcan nak nintzꞌa̱ma che̱ru nak incꞌaꞌ ta̱chꞌina̱nk e̱chꞌo̱l xban nak yo̱quin chixcꞌulbal li raylal xban xyebal e̱re xya̱lal li colba-ib. Chisahokꞌ ban e̱chꞌo̱l xban nak re e̱tenkꞌanquil xincꞌul li raylal.

Salmos 104:27

Chixjunileb li xul aꞌin a̱cuiqꞌuin nequeꞌoybenin. Nequeꞌroybeni nak la̱at ta̱qꞌue lix tzacae̱mkeb saꞌ xkꞌehil.

Hebreos 12:5

¿Ma ac xsach saꞌ e̱chꞌo̱l li cꞌaꞌru quixye li Dios re xchꞌolobanquil le̱ naꞌleb? Li Dios naa̱tinac e̱riqꞌuin joꞌ naa̱tinac junak yucuaꞌbej riqꞌuin lix cocꞌal. Joꞌcaꞌin tzꞌi̱banbil saꞌ li Santil Hu: Ex cualal incꞌajol, me̱tzꞌekta̱na le̱ tijbal li ninye e̱re, chi moco chichꞌina̱nk e̱chꞌo̱l nak nequexinkꞌus.

Malaquías 1:13

La̱ex nequeye, “Xotitzꞌ chi mayejac chiru li Ka̱cuaꞌ.” La̱ex niquine̱tzꞌekta̱na. Nequecꞌam chak li xul li elkꞌanbil malaj ut li ye̱k rok, malaj ut li xul yaj ut nequemayeja saꞌ lin artal. ¿Ma tincꞌul ta biꞌ chi sa saꞌ inchꞌo̱l li mayej aꞌan?

Salmos 126:5

Eb li yo̱queb chi ya̱bac nak queꞌau, ta̱sahokꞌ saꞌ xchꞌo̱leb nak teꞌkꞌolok.

Proverbios 11:18

Li ma̱tan li nequeꞌxcꞌul li incꞌaꞌ useb xnaꞌleb nalaj na-osoꞌ. Abanan li ma̱tan li nequeꞌxcꞌul li cuanqueb saꞌ ti̱quilal, aꞌan ma̱cꞌaꞌ rosoꞌjic.

Eclesiastés 11:1

Ma̱ra li cꞌaꞌru a̱cue. Chatsihi̱nk ban. Ut saꞌ jun cutan ta̱cꞌul re̱kaj.

Jeremías 45:3

La̱at xaye, “Tokꞌob xak cuu. Li Ka̱cuaꞌ xqꞌue xtzꞌakob li raylal li cuanquin cuiꞌ. Tacuajenakin ut incꞌaꞌ naru ninhilan riqꞌuin li raylal cuanquin cuiꞌ,” chancat.

2 Corintios 9:6

Cheqꞌuehak retal li naꞌleb aꞌin: li ani caꞌchꞌin narau, caꞌchꞌin ajcuiꞌ li tixkꞌol. Ut li ani nabal narau, nabal ajcuiꞌ tixkꞌol.

Génesis 29:7

Ut laj Jacob quixye reheb: —Toj cutan cuanco. ¿Cꞌaꞌut nak ac oc e̱re chixtzꞌapbaleb li carner anakcuan? Qꞌuehomakeb cuan chi ucꞌac ut te̱qꞌueheb ajcuiꞌ chi ichajibc, chan.

San Mateo 9:19

Quicuacli li Jesús ut co̱ chirix rochbeneb lix tzolom.

San Mateo 25:17

Ut joꞌcan cuiꞌchic quixba̱nu li quicꞌuluc re li cuib mil pe̱s. Ut quire̱chani cuib mil pe̱s chic saꞌ xbe̱n li quixcꞌul.

San Marcos 3:3

Li Jesús quixye re li cui̱nk li sic rukꞌ: —Numen chak arin chi ubej, chan re.