Gálatas 6:8 - Li Santil hu

⁸ Joꞌcan ajcuiꞌ saꞌ li kayuꞌam. Li ani naxba̱nu li incꞌaꞌ us li naxrahi ru xba̱nunquil xjunes rib, li jun aꞌan ta̱sachk. Abanan li ani naxba̱nu li cꞌaꞌru naraj li Santil Musikꞌej, li jun aꞌan ta̱cua̱nk xyuꞌam chi junelic.

Q'eqchi Bible

⁸ Ani na'awk cho'q re li xtz'ejwal, a' li q'aak tixq'ol rik'in li tz'ejwalej; ani na'awk cho'q re li musiq'ej, rik'in li Musiq'ej tixq'ol li junelik yu'am.

Gálatas 6:8 ပူးပေါင်းရင်းမြစ်များ

Romanos 8:13

Cui toj yo̱quex chixba̱nunquil li naxrahi ru le̱ chꞌo̱l, texca̱mk. Aban cui riqꞌuin e̱tenkꞌanquil xban li Santil Musikꞌej, te̱canab xba̱nunquil le̱ yehom e̱ba̱nuhom li quilaje̱ba̱nu chak junxil, ta̱cua̱nk e̱yuꞌam chi junelic.

Santiago 3:18

Li qꞌuebileb xnaꞌleb xban li Dios cuanqueb saꞌ usilal ut nequeꞌxtenkꞌa ajcuiꞌ li ras ri̱tzꞌin chi cua̱nc saꞌ usilal.

2 Pedro 2:19

Eb laj balakꞌ nequeꞌxye: Libre chic texcua̱nk, chanqueb. La̱ex chic yal e̱re cꞌaꞌru te̱ba̱nu, chanqueb. Ut incꞌaꞌ nequeꞌxqꞌue retal nak aꞌan eb li cꞌayinbileb chi cꞌanjelac chiru li ma̱c xban nak li ani toj nanumta li ma̱usilal saꞌ xbe̱n, toj cuan rubel xcuanquil li ma̱c.

Li xHu LAJ JOB 4:8

La̱in ninqꞌue retal nak li ani naxba̱nu ma̱usilal, ma̱usilal ajcuiꞌ naxcꞌul.

Oseas 10:13

Abanan la̱ex incꞌaꞌ xexcuan saꞌ ti̱quilal. Xeba̱nu li ma̱usilal ut kꞌaxal ra te̱cꞌul xban li ticꞌtiꞌic. Li cꞌaꞌru xerau, aꞌan ajcuiꞌ li xekꞌol. Incꞌaꞌ cꞌojcꞌo e̱chꞌo̱l cuiqꞌuin. Cꞌojcꞌo ban e̱chꞌo̱l xban nak kꞌaxal nabaleb le̱ soldado.

Gálatas 6:7

Me̱balakꞌi e̱rib. Li Dios incꞌaꞌ naru xbalakꞌinquil. Li cꞌaꞌru narau li junju̱nk, aꞌan ajcuiꞌ li tixkꞌol.

Romanos 13:14

Kakꞌaxtesihak ban kib chi tzꞌakal rubel rok rukꞌ li Ka̱cuaꞌ Jesucristo re nak aꞌan chic ta̱tenkꞌa̱nk ke riqꞌuin lix nimal xcuanquil. Ut incꞌaꞌ chic takaba̱nu li ma̱usilal li naxrahi ru li kachꞌo̱l nak toj ma̱jiꞌ nakapa̱b li Cristo.

Proverbios 22:8

Li ani naxba̱nu ma̱usilal, ma̱usilal ajcuiꞌ tixcꞌul. Ut ta̱cuulak xkꞌehil nak incꞌaꞌ chic ta̱ru̱k tixcꞌutbesi lix joskꞌil.

Apocalipsis 22:11

Li ani yo̱k chixba̱nunquil li ma̱usilal, xba̱nuhak li ma̱usilal. Ut li ani yo̱k chi ma̱cobc, xba̱nuhak li ma̱c. Li ani ti̱c xchꞌo̱l, yo̱k chixba̱nunquil li ti̱quilal. Li ani santobresinbil, chicua̱nk saꞌ santilal.—

San Juan 4:36

Laj kꞌolonel naxcꞌul xtojbal ut nasahoꞌ saꞌ xchꞌo̱l rochben laj acuinel. Joꞌcan ajcuiꞌ li ani naxchꞌolob xya̱lal re nak teꞌpa̱ba̱nk li cristian. Li jun aꞌan ta̱cua̱nk lix kꞌajca̱munquil xban nak cua̱nkeb li teꞌre̱chani li junelic yuꞌam saꞌ xcꞌabaꞌ aꞌan.

San Judas 1:21

Chenauhak nak nequexra li Dios ut incꞌaꞌ chicuiba̱nk e̱chꞌo̱l. Cheroybenihak nak tol-e̱lk li Ka̱cuaꞌ Jesucristo ut riqꞌuin lix nimal ruxta̱n tixqꞌue le̱ yuꞌam chi junelic.

San Juan 6:27

Mixic e̱chꞌo̱l caꞌaj cuiꞌ riqꞌuin xsicꞌbal li tzacae̱mk li na-osoꞌ. Cheqꞌuehak ban e̱chꞌo̱l chixsicꞌbal li tzacae̱mk li incꞌaꞌ nalaj na-osoꞌ. Aꞌan li junelic yuꞌam li ninqꞌue la̱in li Cꞌajolbej. Aꞌan aj e nak quixqꞌue incuanquil ut quinixtakla chak li Yucuaꞌbej, chan li Jesús.

Romanos 6:13

Chi moco cheqꞌue e̱rib chixba̱nunquil li ma̱usilal. Chekꞌaxtesi ban e̱rib saꞌ rukꞌ li Dios. Xban nak ac xecꞌul li acꞌ yuꞌam chanchan nak xexcuacli cuiꞌchic chi yoꞌyo saꞌ xya̱nkeb li camenak. Joꞌcan nak cheqꞌue le̱ rok e̱rukꞌ chi cꞌanjelac chiru li Dios re xba̱nunquil li us.

Jeremías 12:13

Eb lin tenamit teꞌrau li trigo, abanan saꞌ lix chꞌochꞌ ta̱e̱lk li qꞌuix. Teꞌxtacuasi ribeb chi cꞌanjelac, abanan ma̱cꞌaꞌak rajbal lix cꞌanjeleb. Incꞌaꞌ tinqꞌue chi e̱lc li racui̱mkeb xban nak la̱in yo̱ injoskꞌil saꞌ xbe̱neb, chan li Ka̱cuaꞌ.

Eclesiastés 11:6

Nak tat-a̱uk, ta̱cuau la̱ cuiyaj ekꞌela ut ta̱cuau cuiꞌchic ecuu xban nak incꞌaꞌ nacanau bar cuan li ta̱e̱lk chi us, ma li ta̱cuau xbe̱n cua, malaj ut li ta̱cuau mokon, malaj ut juntakꞌe̱t ta̱e̱lk.

San Mateo 19:29

Li ani naxcanab rochoch, ras ri̱tzꞌin, xnaꞌ xyucuaꞌ, rixakil, ralal xcꞌajol, malaj xchꞌochꞌ saꞌ incꞌabaꞌ la̱in, li jun aꞌan kꞌaxal cuiꞌchic nabal li tixcꞌul chiru li quixcanab ut ta̱re̱chani li junelic yuꞌam.

Oseas 8:7

Li cꞌaꞌru yo̱queb chixba̱nunquil ma̱cꞌaꞌ na-oc cuiꞌ. Ut li cꞌaꞌru teꞌxcꞌul, aꞌan li osocꞌ. Chanchan nak xeꞌrau li ikꞌ ut aꞌ chic li ca̱k-sut-ikꞌ li xeꞌxkꞌol. Li trigo teꞌrau incꞌaꞌ ta̱atzꞌumak chi moco tixqꞌue ru. Ut cui ta tixqꞌue, jalan chic teꞌtzaca̱nk re.

Tito 3:7

Joꞌcaꞌin quixba̱nu re nak ta̱ti̱cokꞌ li kachꞌo̱l xban xnimal rusilal li Dios ut take̱chani li junelic yuꞌam li yo̱co chiroybeninquil.

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

San Lucas 18:30

Kꞌaxal nabal cuiꞌchic li re̱kaj tixcꞌul saꞌ li ruchichꞌochꞌ aꞌin, joꞌ ajcuiꞌ saꞌ li choxa tixcꞌul li junelic yuꞌam, chan li Jesús.

Isaías 32:20

abanan la̱ex sahak le̱ chꞌo̱l. Tex-a̱uk saꞌ li naꞌajej cuan cuiꞌ nabal li haꞌ. Ut eb le̱ bo̱yx ut le̱ bu̱r teꞌxic yalak bar chi ichajibc.

2 Pedro 2:12

Aꞌut eb laj tzolonel aj balakꞌ chanchaneb li xul. Ma̱cꞌaꞌ nequeꞌxpa̱b. Yal re chapecꞌ ut re camsi̱c nak nequeꞌyoꞌla. Yo̱queb chixmajecuanquil li cꞌaꞌak re ru incꞌaꞌ nequeꞌxtau ru. Eb aꞌan jun osoꞌjiqueb nak teꞌosokꞌ.

1 Timoteo 1:16

Usta la̱in kꞌaxalin aj ma̱c nak quincuan, abanan li Jesucristo quiruxta̱na cuu re nak tixcꞌutbesi nak kꞌaxal nim lix cuyum re xcuybal xsachbal li ma̱c. Quixcꞌut chiruheb lix nimal lix cuyum nak quixcuy inma̱c la̱in. Aꞌan quiraj nak la̱in tincꞌamok be chiruheb li ani teꞌpa̱ba̱nk re li Jesucristo ut teꞌxcꞌul li junelic yuꞌam.

Proverbios 11:18

Li ma̱tan li nequeꞌxcꞌul li incꞌaꞌ useb xnaꞌleb nalaj na-osoꞌ. Abanan li ma̱tan li nequeꞌxcꞌul li cuanqueb saꞌ ti̱quilal, aꞌan ma̱cꞌaꞌ rosoꞌjic.

San Mateo 25:46

Ut eb aꞌan teꞌxic saꞌ li tojba ma̱c chi junelic. Abanan li ti̱queb xchꞌo̱l cua̱nkeb xyuꞌam chi junelic.—

Romanos 6:23

Lix tojbal rix li ma̱c, aꞌan li ca̱mc. Aban li ma̱tan naxqꞌue ke li Dios, aꞌan li junelic yuꞌam saꞌ xcꞌabaꞌ li Ka̱cuaꞌ Jesucristo laj Colol ke.

Romanos 8:6

Cui caꞌaj cuiꞌ li naxrahi ru li kachꞌo̱l nakacꞌoxla, aꞌan naxcꞌam chak li ca̱mc saꞌ kabe̱n. Cui nakaqꞌue kachꞌo̱l chixba̱nunquil li naraj li Santil Musikꞌej, aꞌan naxqꞌue ke li kayuꞌam chi junelic ut naxqꞌue ajcuiꞌ ke li tuktu̱quil usilal.

Romanos 8:11

Li Santil Musikꞌej, aꞌan li quicuaclesin cuiꞌchic re chi yoꞌyo li Cristo saꞌ xya̱nkeb li camenak. Cui li Santil Musikꞌej quicuaclesin re li Cristo, aꞌan ajcuiꞌ ta̱cuaclesi̱nk re le̱ tzꞌejcual chi yoꞌyo re li junelic yuꞌam xban nak li Santil Musikꞌej cuan e̱riqꞌuin.

1 Corintios 15:42

Joꞌcan ajcuiꞌ la̱o. Jalan chic li kalokꞌal nak tocuacli̱k cuiꞌchic chi yoꞌyo chirix li kacamic. Nak nococam, nocomukeꞌ ut nakꞌa li katibel, abanan nak tocuacli̱k cuiꞌchic chi yoꞌyo jalanako chic ut incꞌaꞌ chic toca̱mk.