Gálatas 6:7 - Li Santil hu

⁷ Me̱balakꞌi e̱rib. Li Dios incꞌaꞌ naru xbalakꞌinquil. Li cꞌaꞌru narau li junju̱nk, aꞌan ajcuiꞌ li tixkꞌol.

Q'eqchi Bible

⁷ Meeb'alaq'i eerib', li Yos ink'a' naru xb'atz'unenkil: li k'aru naraw li winq, a'an ajwi' li tixq'ol.

Gálatas 6:7 ပူးပေါင်းရင်းမြစ်များ

2 Corintios 9:6

Cheqꞌuehak retal li naꞌleb aꞌin: li ani caꞌchꞌin narau, caꞌchꞌin ajcuiꞌ li tixkꞌol. Ut li ani nabal narau, nabal ajcuiꞌ tixkꞌol.

Oseas 10:12

La̱in xinye e̱re: —Li cꞌaꞌru te̱rau, aꞌan ajcuiꞌ li te̱kꞌol. Sicꞌomak li ti̱quilal ut texcuosobtesi xban nak niquine̱lokꞌoni. Chanchan nak te̱trabaji li chꞌochꞌ ut tex-a̱uk ut cha̱bil li cꞌaꞌru te̱kꞌol. Anakcuan xcuulac xkꞌehil nak texsukꞌi̱k cuiqꞌuin, ut la̱in texincꞌul cuiꞌchic ut tinqꞌue xti̱quilal e̱chꞌo̱l.

Li xHu LAJ JOB 4:8

La̱in ninqꞌue retal nak li ani naxba̱nu ma̱usilal, ma̱usilal ajcuiꞌ naxcꞌul.

1 Corintios 15:33

Me̱qꞌue e̱rib chi balakꞌi̱c xbaneb li nequeꞌa̱tinac chi joꞌcan. Me̱junaji e̱rib riqꞌuineb li incꞌaꞌ useb xnaꞌleb xban nak li incꞌaꞌ useb xnaꞌleb nequeꞌxpoꞌ xchꞌo̱leb li cha̱bileb xnaꞌleb.

Proverbios 11:18

Li ma̱tan li nequeꞌxcꞌul li incꞌaꞌ useb xnaꞌleb nalaj na-osoꞌ. Abanan li ma̱tan li nequeꞌxcꞌul li cuanqueb saꞌ ti̱quilal, aꞌan ma̱cꞌaꞌ rosoꞌjic.

Proverbios 1:31

Joꞌcan nak anakcuan cꞌulumak chixjunil li raylal xchal saꞌ e̱be̱n xban li ma̱usilal xeba̱nu toj retal textitzꞌk riqꞌuin li cꞌaꞌak re ru incꞌaꞌ us xeba̱nu.

Efesios 5:6

Me̱qꞌue e̱rib chi balakꞌi̱c xbaneb li nequeꞌa̱tinac ut nequeꞌxye nak moco nimla ma̱c ta xba̱nunquil li cꞌaꞌak re ru aꞌin, xban nak nachal xjoskꞌil li Dios saꞌ xbe̱neb li nequeꞌkꞌetoc re li ra̱tin.

Oseas 8:7

Li cꞌaꞌru yo̱queb chixba̱nunquil ma̱cꞌaꞌ na-oc cuiꞌ. Ut li cꞌaꞌru teꞌxcꞌul, aꞌan li osocꞌ. Chanchan nak xeꞌrau li ikꞌ ut aꞌ chic li ca̱k-sut-ikꞌ li xeꞌxkꞌol. Li trigo teꞌrau incꞌaꞌ ta̱atzꞌumak chi moco tixqꞌue ru. Ut cui ta tixqꞌue, jalan chic teꞌtzaca̱nk re.

1 Corintios 6:9

¿Ma incꞌaꞌ nequenau nak eb li incꞌaꞌ ti̱queb xchꞌo̱l incꞌaꞌ teꞌre̱chani lix nimajcual cuanquilal li Dios? Me̱balakꞌi e̱rib. Eb laj coꞌbe̱t ut eb laj yumbe̱t incꞌaꞌ teꞌre̱chani lix nimajcual cuanquilal li Dios, chi moco li nequeꞌlokꞌonin re li jalanil dios, chi moco eb laj muxul caxa̱r. Ut eb li cui̱nk li nequeꞌma̱cob riqꞌuineb li rech cui̱nkilal incꞌaꞌ ajcuiꞌ teꞌre̱chani lix nimajcual cuanquilal li Dios. Joꞌcan nak me̱balakꞌi e̱rib chi xcꞌoxlanquil nak us yo̱quex cui toj yo̱quex chixba̱nunquil li ma̱usilal aꞌin.

Proverbios 6:14

Junes ma̱usilal cuan saꞌ xchꞌo̱leb. Junelic yo̱queb xcꞌoxlanquil li ma̱usilal. Junes ticoc ple̱t nequeꞌxba̱nu.

Li xHu LAJ JOB 15:31

Li ani tixcꞌojob xchꞌo̱l riqꞌuin li cꞌaꞌru ma̱cꞌaꞌ na-oc cuiꞌ, ma̱cꞌaꞌ ajcuiꞌ na-oc cuiꞌ lix kꞌajca̱munquil li tixcꞌul.

San Lucas 16:25

Ut laj Abraham quixye re: “At cuas cui̱tzꞌin, julticak a̱cue nak toj yoꞌyo̱cat saꞌ ruchichꞌochꞌ nabal a̱biomal ut kꞌaxal sa nak xatcuan. Ut laj Lázaro cꞌajoꞌ li raylal quixcꞌul. Anakcuan cꞌojobanbil xchꞌo̱l laj Lázaro arin ut la̱at kꞌaxal ra cuancat.

Santiago 1:22

Chepa̱bak ut cheba̱nuhak li cꞌaꞌru naxye li ra̱tin li Dios. Me̱balakꞌi e̱rib chixcꞌoxlanquil nak tzꞌakal riqꞌuin caꞌaj cuiꞌ rabinquil li ra̱tin. Tento ban ajcuiꞌ xba̱nunquil li naxye li ra̱tin li Dios.

1 Juan 3:7

Ex herma̱n, ma̱ ani chibalakꞌi̱nk e̱re. Li ani naba̱nun re li ti̱quilal, aꞌan ti̱c xchꞌo̱l joꞌ li Cristo ti̱c xchꞌo̱l.

Abdías 1:3

Xebalakꞌi e̱rib e̱junes xban le̱ kꞌetkꞌetil. Xeyi̱b le̱ naꞌaj toj saꞌ xbe̱n li tzu̱l saꞌ xya̱nkeb li ni̱nki pec ut nequeye saꞌ e̱chꞌo̱l, ¿Ani ta biꞌ ta̱ru̱k ta̱taꞌok ke arin? Arin ma̱ ani ta̱numta̱k saꞌ kabe̱n, chanquex.

Gálatas 6:3

Li ani naxcꞌoxla nak nim xcuanquil xjunes rib, li jun aꞌan yo̱ chixbalakꞌinquil rib xjunes.

Santiago 1:26

Cui junak naxcꞌoxla nak tzꞌakal aj pa̱banel, ut incꞌaꞌ naxqꞌue retal li cꞌaꞌru naxye, li jun aꞌan naxbalakꞌi rib xjunes rib ut lix pa̱ba̱l ma̱cꞌaꞌ na-oc cuiꞌ.

1 Corintios 3:18

Ma̱ ani taxak tixbalakꞌi rib xjunes. Cui cuan junak saꞌ e̱ya̱nk narecꞌa nak cuan xnaꞌleb saꞌ li ruchichꞌochꞌ aꞌin, chixcubsihak rib ut tixba̱nu joꞌ li ma̱cꞌaꞌ naxnau re nak tixtau xnaꞌleb chi tzꞌakal.

1 Juan 1:8

Cui nakaye nak ma̱cꞌaꞌ kama̱c, nakabalakꞌi kib ut moco ya̱l ta li yo̱co chixyebal.

San Lucas 21:8

Li Jesús quixye reheb: —Cheba̱nu cue̱nt re nak incꞌaꞌ texbalakꞌi̱k xban nak nabal teꞌcha̱lk chi balakꞌi̱nc ut teꞌxye nak saꞌ incꞌabaꞌ la̱in xeꞌchal. Teꞌxye, “La̱in li Cristo li yechiꞌinbil xban li Dios,” chaꞌkeb. Ut teꞌxye, “Anakcuan xcuulac xkꞌehil,” chaꞌkeb. Abanan me̱pa̱b li cꞌaꞌru teꞌxye eb aꞌan.

San Judas 1:18

Eb li apóstol queꞌxye e̱re nak ta̱nachꞌok chak rosoꞌjiqueb li cutan teꞌcha̱lk eb laj balakꞌ aj majecuanel. Aꞌ li ma̱c li naxrahi ru lix tzꞌejcualeb, aꞌan li nequeꞌxba̱nu.

Proverbios 6:19

li ani nakꞌaban ut li ani nayoꞌoban pletic saꞌ xya̱nkeb li ras ri̱tzꞌin.

2 Ts 2:3

Ma̱cꞌaꞌ ta cꞌaꞌru chexbalakꞌi̱k cuiꞌ. Li Ka̱cuaꞌ Jesucristo incꞌaꞌ ta̱cha̱lk chi ma̱jiꞌak natzꞌekta̱na̱c li Dios xbaneb nabal chi tenamit. Ut ta̱cha̱lk ajcuiꞌ li cui̱nk laj kꞌetol chakꞌrab. Aꞌan li ta̱cꞌuluk re li sachc chi junaj cua.

Jeremías 37:9

La̱in li Ka̱cuaꞌ ninye e̱re nak incꞌaꞌ te̱balakꞌi e̱rib riqꞌuin xcꞌoxlanquil nak eb laj Babilonia incꞌaꞌ chic teꞌsukꞌi̱k chi pletic e̱riqꞌuin. Eb aꞌan cha̱lqueb re. Incꞌaꞌ texcanab.

Oseas 10:13

Abanan la̱ex incꞌaꞌ xexcuan saꞌ ti̱quilal. Xeba̱nu li ma̱usilal ut kꞌaxal ra te̱cꞌul xban li ticꞌtiꞌic. Li cꞌaꞌru xerau, aꞌan ajcuiꞌ li xekꞌol. Incꞌaꞌ cꞌojcꞌo e̱chꞌo̱l cuiqꞌuin. Cꞌojcꞌo ban e̱chꞌo̱l xban nak kꞌaxal nabaleb le̱ soldado.

Ezequiel 14:5

Tinba̱nu chi joꞌcan re nak teꞌsukꞌi̱k cuiqꞌuin eb laj Israel xban nak eb aꞌan xineꞌxtzꞌekta̱na nak yo̱queb chixlokꞌoninquil li jalanil dios.